Pages

Subscribe:

Ads 468x60px

ILO LEN LUH AVANGIN KA LAWM E

Tuesday, April 9, 2019

Damdawi Veng Kohhran Golden Jubilee



Kan Kohhran, N.Vanlaiphai Damdawi Veng kohhran chu Golden Jubilee lawmna a tel turin ka haw chho ve a, tisa tak pawhin thlarau tak pawhin ka hlawkpui hle a, a inchhirawm loh hle.
aerial view of our church

Tawngtai Bethel


Khawpui ang lo takin thingtlang ah chuan hun an in siam thei deuh bawk a, March ni 30 atanga April ni 7 thleng teh meuh hman niin, kar khat chuan zantin inkhawm kan nei mup mup mai a ni.

KTP rally

Luanchhuah prog

Tin, NPSS leh KTP ten a hranin 2nd 3rd April chhun ah programme an nei ve ve bawk. KTP leh Kohhran hmeichhia te tan pawh a Golden Jubilee a nih ve tho avangin an pual hian a hran ve ve in Ruai theh ani bawk a, Kohhran huapa vawikhat theh a ni tel bawk. Tichuan, ruai chu vawi 3 ngawt kan theh tihna ani. Tin, Thupui a hran theuh a siam niin:-

Kohhran : Hei leh chen hi Lalpan min pui a ni(I Samuela 7:12)
Kohhran Hmeichhia: Lalpa chunga lawmna chu in chakna a ni(Nehemia 8:10)
KTP : Pathian ralthuam famkim (Ephesi 6:11)


Kohhran mipui inpekna te a nasa in, an theihna kawng zawn ah theuh chak taka hma an lak theuh na te kha hmuh a nuam ka ti thin ngei mai. KTP te pawh hla rem tur panga(5) ngawt kan in buatsaih a, ka thlen chhoh hma a an lo zir thiam vek tawh a ni na a, an ennawn na velah ka tel ve mai a, a vai in ka rem ve thei a, an zinga tel a nuam hle a ni.



He Kohhran lo din dan hi Mizoram rambuai 1966 in a hrinchhuah a ni ber a, Lungkawlh khua leh Puallawi khua te chu N.Vanlaiphai ah khawm niin 1969 khan Kohhran a lo ding a, Puallawi-Lungkawlh(PL) Kohhran tih te, Lungkawlh Kohhran tih ten hming an pu phawt a.
Kohhran Zaipawl

Lungkawlh-a tam tak an haw let leh tak hnu khan Damdawi Veng Kohhran tia vuah a lo ni ta a ni. Puallawi khua erawh tunah chuan an awm tawh lo thung. A hming an put tir chhan pawh Mi te tan a DAMDAWI a nih ngei theih nan he Kohhran hi an hlan ni awm tak a ni.



KTP Sport ni tak kha a nawm dan a dangdai viau, ni sa hnuaiah eng eng emaw min tih tir a, mi te hmuh a THIL ATTHLAK hmel pui pui kan ti na a; kan hlim ve em em tho sia(hlimna duhin lawm kan dam le 😉 ) Vawi 7 vir kual a, meter 3 vela awm khuang va vuak tur kha a ni a, kei kha a ti hleitheilo langsar ber niin, vawi 3 ka vir naah ka tlu chiang hle. Kan tih zawh ah SIAL leh Vawk te kan kai a, a nuam thin hle a ni.
Monument hawngtu Rev F.Lalsangkunga

A tuk Ningani ah chuan KTP pual inkhawm kan nei tan a, chhun ah inkhawm in hruaitu hlui chawimawina te an nei a, min hringtu ka Nu ngei pawh chawimawi te zingah telin kan lawm ve hle.


Tin, he Jubilee hmang tur hian he Kohhran a lo lawi tawh te bak ah, Pastor leh Pro Pastor lo awm tawh te sawm anni bawk.



Tin, KTP jubilee a nih ve avangin CKTP-a kan leader, Rev Dr K.Lallawmzuala
chu sawm tel ve niin, a hun chep tak karah a rawn tel thei bawk a. Sr Executive Secy, Rev Lianhmingthanga Sailo a rawn tel bawk. Tin, he biala lo awm tawh te; Rev Lalhleia(Synod FG&CC, Bawngkawn centre a Counsellor ni mek), Rev JC Lalramliana(Field Secy, Kolkata), Rev Rualkhuma, Rev PB Zosapthara(Lungleng-I pastor), Rev R.Lalnuntluanga(Pensioner), Rev F.Lalsangkunga(Khawzawl Vengthar Pastor niin a ni hi kan Kohhran atanga Pastor chhuak a ni) leh N.Vanlaiphai Bialtu Rev Zodinpuia te an awm a, kan phuisui hle.


Tin, N.Vanlaiphai Damdawi Veng Pastor Rev K.Vanlalhriata telin an vaiin pastor 10 lai uapna hnuaiah Jubilee kan hmang a, kan phuisui hle.


Aizawl ai chuan Khuang an vaw rang a, lam mi tan chuan a nuam hle ang tih ka ring. Pastor ho te hian thusawina hun an nei deuh vek a, Rev R.Lalnuntluanga tih loh hi chuan thuchah an sawi vek a, an thusawi ka ngaithla uluk thin bawk a, hlawkpui ka in ti in, in enfiahna tur ka ngah phah hle in ka in hre bawk.

He Sial hi Rs 80,000+ man 😊

Kohhran zaipawl hla rem in min hneh ve thin hle; Sunday zinga kan rem 'Nangma thil ropui te an sawi' tih phei chu a chang tawp ber sa theilo khawpin ka awm nghe nghe! Aizawl a kan branch ten kan tlukloh na ber nia ka hriatna pawh theihtawp tak tak a kan zai mai thin kha niin ka hria. Theihtawp a zai chuan a lo nalh duh hle niah ka ngai.

Pic :

L-R
Rev Lalhleia, Counsellor Synod FG&CC

Rev Dr K.Lallawmzuala, CKTP Leader

Rev R.Lalnuntluanga, Pensioner

Rev Lianhmingthanga Sailo, Sr E.S, Mizoram Synod

Rev JC Lalramliana, Field Secy, Kolkata

Rev K.Vanlalhriata, Damdawi Veng Pastor 
Chhungkaw member thenkhat
Ka Nu te unau. An in kawmngeih bntptps! 

 KTP a kan hruaitu te hmalakna in CKTP leader te a tawp zan inkhawm banah kawmna hun te kan nei thei a, thu tam tak bengvarthlak pui pui kan hriatbelh a, a hlawkthlak tak zet.

Branch Committee te leh CKTP leader

Nula ho ft leader hihi
Leader Tv Lalengzama & CKTP leader Rev Dr K Lallawmzuala.


Engpawhnise, a nawmna boruak ah ringawt a ral ang tih erawh ka hlau ber a, Pathian ropuinan ni zel sela, kan tha ti chak tu, thu tha ngaithla tu mai nilova, an thusawi te zawm tu kan nih ngei ka beisei tlat a ni. Upa C.Vanlalsiama tawngtai na kha ka hre reng thin, "Lalpa...... KTP hi a nuam a, a hlimawm a, a HIM bawk a...." He thu hi rilru hian ka ngaihtuah nasa thin. A nuam leh a hlimawm chin ringawt pawh hi a hlu em em a, mahse a him tel bawk tih erawh kan hriat tel zel atan ka duh khawp mai. JUBILEE a nihna ang takin Zalenna dar lo ri mawlh teh se.



1 comments:

Unknown said...

Bei tha thin hle mai....

Post a Comment