FC Barcelona Youth Academy ropui LA MASIA chu!

THUHMA: INKHEL lam a ka post ka rawn suan e
"La Masia de Can Planes" tia an sawi thin a lamtawi a "LA MASIA"an tih, FC BARCELONA Youth Acedemy lar em em, leilung pian tirh ata players ropui ber ber te chherchhuak tu academy chungchang hi i hriat loh kan hlauh pui che a, an in enkawl dan te, a awmna hmun te, players an lo chherchhuah tawh te chanchin hi lo thlir dawn teh ang.

Kum 2002 bawr vel atanga lar ta em em Barca youth academy "LA MASIA" hi Catalan tawng niin English chuan "THE FARMHOUSE" tihna ani a, he Building hrim hrim hi chu 1702 a sak ani tawh ani a, FC Barcelona hian 1954 khan an lei ta ani, he hmun hi a tirah Barca in an lei tirh tak phei chuan an stadium thar sak naa thawk tute Architect ho Workshop atan an hmang thin ani. Ni 24 September 1957 a Camp Nou an hawn hnu khan LA MASIA chu khâr alo ni ta a, Khatih laia an president Enric Llaudet hmalakna in LA MASIA chu chei that a tih len alo ni ta a, hun kal zel ah an mamawhna a zir ang zelin an tilian chho ta zel ani. Khawpawn atanga lo kal ten he hmun hi an awmchilh ta tawp a, an thiam na tihpun belh beiseiin theihtawp an chhuah thin ani. Barca Club ropui na em em chu hetia an academy a lut te re re hi an Football thiamna tihpun sak mai piahlam ah an hawiher te an chezia re re zirtir hi ani. Camp Nou atanga hnai te ah he hmun hi a awm ani. Hetia Football Academy tha tak an neih theihnana ngaihtuahna seng hmasa ber chu Barca leh Dutch player ropui ni thin Johan Cruyff(tuna Catalan National Team Head Coach) ani, He academy ah hian Guilermo Amor chu graduate hmasa te zing ami ania, Pep Guardiola(Barca Manager ropui ni thin) pawh hian Amor zawh hnu kum 2 naah Kum 13 mi chauh anih laiin a zawm ve ta ani.

 

He Academy ropui tak ah hian kum tin kum 6 atanga kum 8 vel mi 1000 velin luh tumin an bei ziah ani, heng zinga a tha ual 200 te chu LA MASIA a enkawl tura lak an ni a, Barca hian Scouts an nei tha em em a khawvel hmun hrang hrang atang players naupang la tha tur nia an rin an lawrkhawm thin ani, Messi, Xavi, Iniesta, Pique, Fabregas etc etc te i hre vek!! an vai hian LA MASIA chhuak vek an ni a, LA MASIA atanga chhuak zingah chuan Messi hi Ballon d'Or dawng thei hmasa ber ani. Spain in 2010-a World Cup a an champion tum pawh khan La Masia chhuak hi mi 7 ngawt an squad ah hian an awm anih kha! tin, FIFA Ballon d'Or dawng thei tur a che tha fal 3 te chhawp chhuak thei awmchhun chu he LA MASIA hi ani(Xavi, Lionel Messi, leh Andrés Iniesta te an nih kha 2010 kum khan), heti taka Academy nei tha nanana chuan Club ropui tak an din ta ngei a, an ropui em avang leh an elpui ber Real Madrid in an hneh theih tak ngang loh avangin £80 million zet sengin Cristiano Ronaldo chu Madrid in an lalut anih kha!! Mahse ngaihtuah teh, C.Ronaldo thiam anga thiam thah 3/4 vel kha Barca chuan an academy atang an chher chhuak si a, pawisa tam sen ngai loin an ni chuan team tha an din thei tihna anih chu.
 

La Masia-a awm te hian chaw an ei tlang a, an cheng ho a, an practise ho a enkim an ti ho thin ani, Homework an neih pawhin Library tha tak an nei a chutah chuan an ti mai thin ani, Games Room te neiin Table Football te Pool khelhna te leh Playstations te an khel ho thin ani. Zing tin Barcelona a school tha ber ber ah kaltur in an pen chhuak thin a, an zirna engemaw chen ah an ngaihpawimawh sak tih a hriat hle, Chawhnu dar 2 ah rawn haw lehin tlai dar 5 atang training te an nei chho leh thin ani, Homework te pawh tihpui a zirpui turin Tutor an nei thlap thin ani. Albert Capellas; an club a Senior Youth Coordinator chuan, "Kan Naupang te hi mi pangai taka chhuah a, hrisel tak leh an nun duh dan ang a hlim tak an awm theihnan hma kan lak pui reng a. Tin, midang te zahthiam taka an awm a mi pangngai taka an chhuah theihnan hma kan la ani" a ti. Capellas chuan an thil tum lian ber 3 te chu tihian a sawi ani:-

1.Sportsman Spirit tha tak nei chunga khelha, Foul lo hrâm hrâm tur leh ti buan buan lo a fel fai tak a khelh.
2.Football mawi taka khelh a, opponent team te aia mawi chungchuanga khelh a, attacking game mawi tak khelh.
3.Goal tha tak tak thun.

Goal thun hi a pawimawh ber chu ani ngei e, mahse LA MASIA ah chuan an objectives hmasa 2 te khi puitlin phawta chumi hnuah chauh a 3 na chu hlen tur an ti mauh mai! Hei vang hi ani thei mai ang em tuna Barca Players ropui tak tak te hian Ball mawi tak tak a inpek a lehlam te hneh taka khelh a, Goal bawn tak tak an thun theihna chhan?

Liverpool Keeper Reina meuh pawh in, "La Masia ah khan Footballer tha tak nih mai bakah kan ngaihtuahna te kan hawiher te re re ka tathriam vek a, La Masia ah khan engkim ah ka thang chak em em ani" a ti hial ani. Hetiang bawk hian Mikel Arteta Everton player pawimawh ni thin tuna Arsenal a awm ta pawhin, "La Masia ka awm lai khan ka chhungte zawng zawng kha ka ngai em em a, mahni chauha tah kerh kerh ka ngah thin ani"a ti, mahse, La Masia atanga chhuak nanana chu tihian Club ropui takah a khelh theih phah ta ani. Arsenal captain hlui Fabregas pawhin, "Ka hun hman tawhah chuan La Masia kha anuam em em a, kumkhuaa ka thiantha tur te ka chhar ani"a ti ani.
 

Capellas chuan, "La Masia ah chuan mi hrang hrang kan awmkhawm a mahse Chhungkua ang vek kan ni a, kan naupang te hi kan hmangaihin kan duat em em a, naupang dang ten an hlimpui thin Cristmas te leh Festival dang dang pawh an chen ve vek ani"a ti.
Khawvela Football thiam kan sawi apianga hming lang ziah tawh tur Lionel Messi pawh Argentina atang kum 13 anih in La Masia hi a pan a, a sang lo a, a than a that loh em avangin mi tam tak chuan a that an ring lo hial ani. Mahse, an hotupa Capellas chuan, "Size hi a pawimawh ber lo a, player khan thiaman tha tak nei phawt rawh se, an san leh san lohin kawngro a su tam lo zawk a, Naupang kum 7 atanga 15 inkar hi thiam taka zirtir hi kan tum ani"a ti ani.

Barca ropui leh na em em pakhat chu an Youth academy hi an ngaipawimawh em em a, an club tana khel turin 50% tal thehchhuah a, 35% vel chu Spain atanga players tha lak a, a bak 15% chu khawvel hmun hrang hrang atanga a tha lawrkhawm hi ani. Hetianga mahni players chherchhuah ngat hmanga team puitling tak din thei club hi an vang em em a, Manchester United khan Gary Neville, Ryan Giggs, Nicky Butt, Paul Scholes and David Beckham te kha chherchhuakin team ropui tak an lo din ve tawh anih kha. Capellas chuan, "Catalan Kulhpui hi a nghet em em a, mi tupawh hi an nihna tura chher a pawimawh a, an thiam na tak tak paw chhuak thei tur chuan foundation a pawimawh ber a, chu chu keini chuan kan ngaipawimawh a, a bul ret atang engkim kan tan ani" a ti.