Vote thlak tur a ka haw na leh a behbawm

23rd November 2013 zingkar a ni a Vote thlak turin kan Khua ah ka haw chho a zing kar ah Sumo ngei maiin kan chhuak ta zal zal reuh a. SAIHUM Motor-ah a ni nghe nghe. Zing dang ang lo takin Dawrpui phei atang Traffic JAM tan der mai Thingtlang khaw dang ho Aizawl a awm thenkhat an khua a haw tum chu an tam kher mai Aizawl CITY BUS chu an hmang zo vek emaw tih tur khawpin kawngsira Bus-ah chuan an ther fer fur hlawm a. Sialsuk-a chaw ei thin kha Ailawng ah kan ei a ngaih phah ta a Vawksa ei ngai tawh lo ta nanana chuan Bawngsa ngei mai ka ei hrep kha a tui teh asin!

Ailawng-ah Chaw kan ei a tui asin! Fresh tawp

A panorama view of Hmuifang tlang. 'Midum Kham'

Tlai lam dar 3 velah chuan kan Khua chu kan thleng der mai a tlan muang bawk a kan thleng har angreng khawp. Tlai kan thleng chu thenawm ho te chhungkhat ho an lo kal khawm a nidang ka haw nen chuan a inang lo hret! Engdang ni lo e, Inthlan Boruak hi Thingtlang ah chuan a lo sang vet vet em a ni In tin hian Party bik an lo nei deuh vek zawk ni a! Sorkar hnathawk chenin a rukin Support em em an lo nei vek a Vawkpui pawh kan Party tan in candidate se kan Vote tho ang ti thei thiau zuk ni hlawm a! Englekhawle, Khawpui miin Thingtlang ho chu an mawl Party an ruihchilh tia an deu vel hi keichuan ka dem lutuk ve lem lo e hamthatna an beisei ve mai ah ka ngai, an loyal em em kha an ngaihsanawm letling ka tia nimahsela Thil dik a ni chu ka ti hauh lo e.
Sunday chawhma inkhawm ban chuan Khawng Park-ah Sunhlu lo turin Opa- Car in kan kal a a nuam kher mai ka ngaihsan em em thei Sunhlu ka lo nghek mai asin le! A hmun a nuam teh asin!.

Khawng Park-a thutna pakhat

Ka Khuai duhtak

Inside the Beehive....

Monday a lo ni a Thingtlangah chuan tui Connection pangngai awm ve hek lo le Water Point-ah chuan Vote thlak Ni mah nise tui ka chan ve angai tlat ka Nu ka chhawk angai a ka Pa lah Election-ah a duty angai bawk si(B.L.O ani ve a) Thingtlangah chuan vote thlak hma ai Vote thlak har kha tha zawk ah an ngai ani chek ang zingah vote thlak tha duh mang reng reng an awm lo nia.

candidate te an symbol te leh an party te nen an ziak

A chhung ka la ru :D 

Vawikhat na atan Vote ka thlak ve ta

Kan thlak har hian kan hlu rei an ti ve teh tlat, kei tuichawi ngai bawk si chu Dar 10 velah ka va kal a kan khuaa Candidate ho hi an affidavit te ka chhiar vek tawh a vote loh tur chiangsa ka nei a vote tur chiang sa erawh ka nei har khawp mai vote tura ka kal pah pawh khan ka vote tur ka hre chuang lo a ka tawngtai tawp a Pathian hnenah a tha ber ka vote theihnan ka dil ta. A hmun ka va thlenga mi an tlem khawp rei lo te bak kan in QUEUE lo a ka lut ve ta rawih a ka tawngtaina chhanna a niang chu tu emawni zawnah khan ka hmet KIU ta ve vawng vawng mai. Vote vawikhat ka thlakna ani bawk a ka hlim ve hle mai.

Tuichang lui

 Ka vote kha a tlin pawh ka ring chuang lo a vote fuh pawh ka tum chuang lo nimahsela an chanchin te an hausakna zawng zawng te MLA ni lai mek in MLA FUND a hman dan zawng zawng theih tawpa ka DISSECT hnua ka duh ber vote ka ni ve miau a tling e tling lo e ka duh ber ka vote a ka mut a tui mai a tawk viau chuan ka hria a ni.

Wednesday a lo thlen chuan Aizawl lam pan in ka haw leh a kal lama ka chuanna Motor tho chuan ka chhuk thla leh a Aizawl chu 2:30 velah kan lut ve hlawl.

BONUS: Ka Sunhlu lawh chu ka Um(UP) hmiah mai tlemte chu..

Gooseberry-in-Brine