I dam zel ang hmiang!

Enteh Thiannu/Thianpa, khawvel awm chhung chuan hlimni, lawmni, tahni, lungngaih Ni a awm lo thei lo asin! Ani taka bawhchhiatna a awm hnu kha chuan Hlimna awm tur chuan lungngaihna a awm ve angai asin! Thil reng reng hi a inbuk tawk tur chuan thalo zawk a lo awm ve an ngai fo! Kawngchhuk awm tur chuan kawng chho a awm angai asin.

Hei hi ka hrilh lo phallo che, Isua'n a hmangaih em em che asin. Awih ngang lo mahla a ni tho tho. Pathian hian Hausa te chiah hnenah Hlimna hi neih phal ta se zawng Pathian lakah hian ka va hel nasa dawn em! Mahse le, a fair em em si a, Inngaitlawm apiang te hi a hlim hlim chu anni mai si Hausak leh retheih lam ani mawlh si lo.

Thuhriltu 11:9-10 Thalaite u, in that lai chen ula, I la naupang viau lai hian hlim rawh u, Amaherawhchu Pathianin in chungah Ro a rêl dawn tih rhe reng ang che u. Engmah engto nei suh ula, In pang tinatu awm hek suh se, In that lai hun a rei dawn lo.
He Bible chang hi i chhiar fo thin tiro? Ania Sin, khawvel ah hian Hlimna zawngin kan phi ruai vek anih hi maw. Ngaihtuah mahteh, misual ber thlenga i hriat te paw'n hlimna zawngin an hmanhlel anih hi. Khawnge hrehawmna tur kan zawng te'ng ti reng reng an awm miahlo. Tv en la Internet khawih la ti hlim tu tur che hlir an rawn chhuah pek ang. Mahse, hei chiah hi ka hrilh duh che ani, Hlimna tluantling tak tak chu Pathian ah bak a awm tak tak meuh lo.


Khawvel finna a intlansiak muah muah lai hian lo ral mai hman i ni lo. Ni e, ka ti thin, Pathian kan tih hian kan hrehawmna tur ni dawn ngat se chu tumah hian kan zui peihlo ang. Kan tana tha tur em em anih vang hian alom kan zawm angaih chhan.

Lo awm tha peihlo kual hman kan ni lo Mizo thalai te hi, O Thalai hei hi ka chah duh che ani. I thianpa khan, "Vawikhat pian ve manah Zu inloh te chu a/meizuk ve loh te chu a/Damdawi ruih chhin loh chu a" tiin a thlem che maw? Ngaiteh, i rilru kha han ti paukhauh la he ngaihtuah na hi lo seng ve zawk teh a hlawkthlak teh asin! I rilru in, "Thianpa, vawikhat pian ve manah sawi ve mai mai atan paw'n Zu hi ka'n inlo ve hrim hrim ang e/mei hi ka'n zu lo ve reng reng ang e/ Damdawi hi ka'n rui lo ve reng reng ang e" tiin i rilru in i thianpa chu chhang la an thlemna lak ata chu fihlim chhin teh! I inchhir phawt chuan amak khawp ang.

He'ng zawng zawng hi i tana tha vek tur zu ni a! I hrisel anga, i sum a hek lo anga i lawmna a thlen em em zawk ang. Hei hi ka hrilh duh che a ni; Hrisel a, muttui em em a, chaw eitui ve em em pawp hi a hlutzia hre mawlh teh! Chaw eitheilo te mu theilo te hrisello an tam zia hi! I vannei teh asin, he'ng i muttui na tur ti buai thei tur te i chaw ei ti tuilo tur thil te i hriselna khawih pawi thei lakah hian inthiarfihlim ngam la. A tawpah chuan i hlim zawk tho tho dawn.

Thiannu/Thianpa, I kawppui nen intihthiamloh vangin i nunna hlu tak kha lak i tum mai maw? I lungngai maw? Ekhai! Mangang mah suh che, Phu tawk te zawng tawng lo a fa kan awm hleinem! Ila tawng leh em em ang. I harsatna zual lai tak kha i hlimna intanna tur ani thei asin. Han insangmar la, hrehawm ti tura piang i nilo a, hlim taka awm tur i ni tih inhria la insawi harh hram hram rawh.

He'ng zawng zawng thil thalo pumpelh tur chuan mamawh tak tak i nei lo! Pathian hnaih bak mamawh i nei lo. Zui chawt mai teh, alo chhawk zangkhai em em ang che! A zuitu a tih beihdawn ngai ka la hrelo asin. Fur a ni tan a, ruah a han sur seng seng a a nawm zia hi tem char char teh. Ka rawlhruk leh hram duh che chu maw, zan rei alo nia i unau te an mu tawh a, thil thalo tih ruk i chak maw? Khatih lai tak khan C.Luri hla Lawmthu sawina hla (i hnenah lawmthu kan sawi e) ngei mai kha i earphone khan han ngaithla la tunlai boruak nuam em em karah pawn boruak thiang em em kha han hip la streetlight eng paw riai karah dingin i kiang vela Rannung hram chiah chiah chu an thawm han ngaithla mah teh! Ka tiam a che, i dam sawng sawng ngei ang. Ania Sin, Hlimna chu kan kiang vela Pathian thilsiam kan hmangaih naah hian a lo bet nasa em em zu ni a. Chu chu anlo Biblical em em tlat asin.

Thil pakhat leh chu maw, i duh leh i mamawh thliar hrang thiam em em rawh, i mamawh hi neih a lei hmasak tum zel la pawisa chuang ila neih chuan i duh i lei chauh dawn nia. Duh nazawng lei duh reng reng bawk suh. I mamawh ni miahlo i lei buai i lei buai avangin a lawm i buai leh thin. A hmazawnga i mamawh ni ngai lo kha a tello in i awm theihloh phah ang e. Sum hmangthiam hle rawh i inchhiar lo ang tih hi ka sawi leh hrâm bawk e.

Ka la sawi zo lo cheu, Thla leh mai hian 'The greatest show on Earth' an tih mai FIFA World Cup chu Brazil-ah an khel tawh dawn asin le, min kiamsan hman i ni lul lo. A hmuhmawm lehpek lutuk tur hi kei phei chuan ka mangphan leh titih tawh nia! Cristiano Ronaldo leh Messi te vanglai i tawng a i en thei hi i vanneih uchuak zia hi in hre lul teh. Zan ah kan titi ho leh dal dal aniang chu tiro. Engpawhnise, I tan leh ka tan Kha Kalhlen Ni taka Isua thihna kha a tawk em em ani tih hria la. I damna tak tak i mamawh tak tak chu Pathian hian a nei kim ani tih hre hrâm teh. Zoram inngahhna i la ni thei asin. Chuvangin Pathian leh kan ram tan Hlim takin la dam hram hram ang hmiang.