Ka zinna lamtluang

July ni 5(saturday) zan khan hmanhmawh takin Urgent em em in kan nau pakhat NERIST(Arunachal Pradesh)-a inziak tling hruai ngai a a awm avang leh a chhung ten an kalpui hman loh thut avangin Zarkawt-a Sumo chuang turin hmanhmawh takin ka insiam a, Zan dar 6:30 vel chuan a chuang tur ang chu kan kim nghal thap a, Driver hnung chiahah thuin ka zin tur a zawngah ka la phur loh tum ber ni hial in ka hria a, hei hi engdang vang a ni lo e; World Cup lai anih mai bakah, inkhel ka en chak em em Argentina leh Belgium te, Netherlands leh Costa Rica te an intum dawn vang a ni.

Phur lemlo tak chuan ka han chuang ve a, kan bulah leh hma lamah hian 'Matu' chhungkua hi an thu a, an tawng hman kha ka hrethiam lo khawp mai, Mizo hnahthlak tawng mahni se Mara tawng ka hriatloh tluk zetin ka hre lo. Chanmari-ah Sipai chawlh hmang chhuk leh ngai tawh si kan va lam leh a, tichuan, kal tak tak tawh turin kan inring chu a ni ber mai. Durtlang lamah kan kal dawn emaw ka ti zet na a kawng a nawm lemloh avangin Sairang lam panin kan kal ta zawk a, Driver chuan RV-ah a han 'PEK' zeuh bawk a(Driver hian Zu an In loh hi chuan Guwahati kawngah hi chuan ngaih a tha tawh lo zawk a hla em a). Motor ah chuan car tape tawng zet hi a awm a, Sairang kan pel a, Khamrang bawr velah khuan mi pakhat kan lam thla bawk a, AC/DC hla  'Highway to Hell' kan han ngaithla tiah tiah mai kha chu ka nuih chu a za angreng teh e. 'Hells Bells' erawh kan ngaithla tello hram. AC/DC ngaihthlakloh na a rei tawh angreng si a, ka lung a ti leng kher mai. Hei chauh a la ni lo cheu; A7X hla te a han play ta deuh deuh a 2008 vela ka uar ve theih zia te ka ngaihtuah let reuh reuh a.



Ka chuanpui tam zawk chu an muthlu tan der a, ka hnungah hian Hmar Nula a thu bawk a, a rui nghal der a, a luak hma hle. A bulah Sipai Pa leh Training naa kal tur an chuang ve bawk a, Bualpui 'N'-a chaw ei tura kan chhuk khan zan dar 9 vel a lo ri ta der a, an han ei sap sap a, Inkhel kha a chhuak nghal reuh a, ka lungkham ber ni ta nanana chu ka va en hram a, ka en rei hman lo Minute 2 vel en hnuah kan chhuak leh nghal a, ka rilru te te chuan Belgium chak se aw ka ti thla vawng vawng reuh pek a. Kan tlan thla zel a, kei muhil ngam chiah ta lo chuan Driver chu ka kawm ta hrep pek a, kan Khua North Vanlaiphai-a a thiante a sawi vel chiam a kan hlim dun angreng hle. Vai ram pan tur ni ta nanana chu Vairengte-ah Sumo zawng zawng kan innghak ta thap a, kan ding chiah kha zah pawh dawn loin Mi In inhawng hmasa ber ah khan ka zu lut thawt a, "Ka Pi, Argentina leh Belgium-ah khan tute nge chak zawk" ka zu ti thawr reuh a, a ni chuan, "Argentina an chak a 1-0 in mahse pet goal tu ka hrelo a" a rawn ti thuai a. Vairengte thleng hmasa pawl kan ni bawk a kan nghak rei phian leh nghal a. In Neitu chuan Zawbuang note hi a lo vulh a, a duat em em lehnghal a, ka vawikhat hmuhna ani hial!

Kan inring tlang bawk a, Sumo tam tham tak kan inzui thla ta duah duah a, a khat tawkin kan ding thla zeuh zeuh bawk a, Hmun pakhat kan dinna ah Mizo Nula 2 Sumo danga chuang an thutna inchuh velah an lo intithiam lo a, zah nei lek loa khatia Nula chhelo ve pangngai pahnih an han inhau te, Mi tam tak kara Cigarette an pet vung ka hmuh te khan ka tim uaih uaih ani ber mai, engmah ti lemlo chuan ka thlir liam vel ta mai mai bawk a. A tuk khua a var hnai a kei muhil ta lo chu mi ram ka thlir vel mai mai ani ber mai. Zing dar 6:30 bawr velah Coal vanga hmingthang tak Jaintia Hills-a Ladrymbai khua ngei mai chu kan thleng thla a, zing thingpui leh Puri te kan han ei liam liam a, ruah a tla sek bawk a, a vawt reuh kher mai. Shillong lam panin kan kal dawn emaw ka ti pek a! Ka kallohna kum 6 dawn anih tak avang te pawh aniang e, ka kalloh hnuah Shillong ByPass road a lo awm diam tawh a Guwahati kal tur tan chuan Shillong tlawh loin he Bypass road-ah hian an tlan ta vek chu alo ni zawk a.

An leilung hi tha thei angreng

GHY MZR House Mipa Dorm

Kawngpui a tha in kan tlan chak bawk a, rei lo teah Guwahati kan thleng ta hlol mai. Zing dar 9 a ni vel a, Barapani ngei mai kum 6 dawn ka hmuh tawh loh pawh hmuin a lo la mawi reng a, thla te ka la a, an ram leilung mawi na te, an ram leilung hausakna te chuan ka mit an ti tlai hle! Kawngpui an siam te reng reng kha kopang ah khan Hnim chikhat hi an ching/tuh zel tih ka hmu thla zar zar a, hei hian Leimin vennan a thawhhlawk dawn tih ka rilru paw'n a hmu tlang nghal vek bawk a, Zoram-ah pawh la tih ve tur anih hi ti rilru chungin Guwahati lam kan pan thla vawk vawk a.

Ka thu a, ka bag ka dah a, rei pawh ka thut hmain Guwahati-a Network Bus Station, Paltan Bazar lam panin ka tlan phei leh nghal a, Sunday mahnise chawl hman ka ni lo tiin hmanhmawh takin Ticket ka va la nghal a. Zan dar 7:30 chhuak Nirjuli pan tur Network Bus ka va la ta nghal a. House-ah let lehin kan inbual fai a, chaw kan ei a. House-a lo thleng ve Footballer thenkhat Green Valley te Guwahati Town Club a khelh tum thenkhat an lo awm nawk mai a, ka kawr hak inkhel.com Kawr kha an hmu a! min rawn en hrek hrek a, "Inkhel.com nei tu a ni chiang" an rawn ti sa sa a ka hre pha kiau a!


Arunachal pradesh lam hrim hrim la zin ngailo ka ni bawk nen, ka zuam zawk zawk lo a, hei mai ani lo a kan kalna tur hi thingtlang anihna hian min ti phur lo rem rem hle. An tlanchak si a, hemi zan pawh hian ka mu mang lehpek tlat lo! Aizawl atanga kan chhuah hma zan khan Brazil leh Colombia te an intum kha ka en rei si a, a tuk zan Sumo ah tlaivar leh bawk nen zan 3 chu ka mu lo a ni ber mai.

House a chaw

Kan Chuanna BUS

Atuk Monday alo ni a, Zing dar 4 velah khua a rawn var tan deuh a, an khua vel ka han en a, a lo phai deuh rum a, vai ram awmlai ka ngai angreng hle mai. ILP an neih ve avang hian Arunachal-ah hian hnamdang tan luh mai theih ani biklo a, GATE-ah an lo check thlap zel chu niin, nimahse min check lo teh tlat a, tluang takin kan tlan tlang ve mai a, Nirjuli thlen dawn chuan kawngchhak lam ah hian cottage nawm hmel em em, boruak thiang tak kara in thiat fer fur a lo awm nuk a, ka rilru te te chuan Huatloh deuh te nen a han lennan te a va chakawm tak em ka ti phei vawng vawng a. Bus chu a ding deuh thut a, ka bul ami chuan, "NERIST-ah mi i kal dawn chhuk a hun e", a


NERIST kan thleng.
Taxi pangngai ka hmuh mai loh avang in Car lo tlan chu ka phar deuh pawp a, Cheng 100 lo chuan a duhloh thu a sawi a, kei a chin chang hre ta lem lo chuan 'OKAY' ka ti ve deuh pawp pek a, kan han tlan dawn chauh emaw ka tia, NERIST kan thleng der! GATE ah kan tlanlut a, hetah hian Mizo tam tak in an zir chhuak tawh a, tam tak an awm mek bawk a, an khua hi hrehawm an ti angem le tih ringot chuan ka rilru a luah pek a! An Hostel ah min dah thla a, Hostel lah Block hrang hrang a lo tam na ngiang mai! Mizo tawng ri ka hre ta hlauh pek a, ka va be thuai a, an ni'n kan bag te min laksak in Block B ah min hruai thla ta a, Room ruakah min dah ve ta phawt a, chu room-ah chuan lut thar tur David-a alo awm tawh bawk a, kan zu fin a nih ber chu.

Khaw lum lutuk chu inbual tumin ka insiam a, pawnah Sahbawn te ka va lei chawp a, insukna tur Surf nen lam. Pawn pawh chu kan thlenna atang chuan hla rem rem tak ani, Chauh hnawk na tham zu ni pek a! Inbual turin an Bath room ka va pan chu, ka DOWN vek hi ani ber mai, DEEMED University ni si, regional Institute nisi enga ti nge ti em em a Hostel a tawp a, Tui te a nut em em le(Tui hi Bucket khat in ka dah a a mawng ka hmu tlang tha theilo) tih ngawt chu ka rilru ah a rawn lut sek a, ka inbual ta tho a, ka thak nghal sep sep mai. Ka rilru te te chuan NERIST hi Central atanga chawm HRD ho enkawl ani bawk a, Minister Chhelo Smirita Irani hian a rawn endik ngei chu angai anih hi maw ka ti neuh neuh a.

Ka inbual zo chu Room panin ka let leh a, Chawlh lai anih avangin Hostel-ah Mess zawm tur a awm lo a, keini chu pawnah ei tur zawngin kan chhuak ta mai a, eitur a vang kher mai! Hla zet kan kal hnuah a tawpah Nepali dawr kan hmu hlauh a, Chow leh Momo kan ei a plate 1 ve ve kan ei a(a vai chuan Chow 2, Momo 2 anih chu). Cheng 400 kan seng nghal der a, Tui lei chawp angai bawk a, kan lei leh a 440 vel zingkhatah a ral nghal der.

Aizawl atanga kal kan ni bawk a, dar 5:30 vel anih chuan ril a tam  tan der a, pawnah eitur zawngin kan va kal lehpek a, ei tur kan va hmu mai lo lehpek a, a tawp a tawpah chuan Nepali dawrah bawk zinga kan chawlhnaah khan kan va thu leh a, ka hne nghal titih der mai mawle. Ruah a sur barh barh a, Aizawl ka ngai nghal rem rem teh e!! Hostel-ah kan let leh a, kan chau bawk a ni kha zan khan ka mu nghal hmak a, ka mutui khawp mai, an room ah lah Sazu an lo la awm zui! Kan chhangchhe rem rem hle. Zing dar 4 velah chuan Nghate rep an sawi ang kar ka ni leh der tawh a, ka harhchiang hle! Ni 10 ah Councelling a awm dawn a, chumi hma thleng chu peihlo pawh ni ila ka awm chu angai sia ka ti neuh neuh a. Civil Engg kher kha a duh a, kan hmaa awm Nu khan a thlang dawn tih kan hre chiang a, haw mai ka rilruk na chungin min tir tu te ber khan awm ve reng reng rawh u an tih miau tak si ah chuan lungsi lemlo takin ka awm lui ve anih kha maw! Ka harh hma si a dar 9 chho ah chuan theihpatawp in ka ril a tam leh der tawh a, Puri ei tur ka va hmu hlauh a, per 7 lai ka va ei a, ka puar hnawk mai! Chhunah erawh Block F ah min sawn ta nge nge a, Jerome leh Kaleba te kha an 2 in eirawng an lo inbawl hran a, chuta tel ve mai tur chuan min hrilh pek a! Pawisa te thawh ve in an Mess chu kan zawm ve ta! Mikhual anneih avangin anni pawhin Chawhmeh tui tha tha an lo va ngaihven a, Vawksa leh Tuaithur(Naga style) an lo kan pawlh a, keilah Vawksa ei duhlo LUI ka lo nih ve tlat avangin ka eilo lui a, an inthlahrung khawp mai! A ruk tete chuan ka eichak ve reng mawle! Khami zan kha Brazil leh Germany ten Semi-Final an khelh zan ani tawh a, ka helhhawlh ani ber mai. Jerome-a chuan inkhelh hmain NOAH hi en lawk ila a tia, a room ah min hruai thla a, Noah te kan en te te a, a hmuhnawm ka ti phian leh nghal!

Post by Muantea Chinzah.

Post by Muantea Chinzah.

Inkhel chhuah a lo hun ta, keizawng Hardcore Brazil+Football Fan tih takah ka insum zo lo, TV Room awmna lam ka pan vat a, hmelhriat pawh ka nei lem lo a, zah pawh dawn loin ka va thu ve chawih! An Hostel hi zan dar 6 atanga zing dar 6 thleng WiFi free veka chawm anni a, an WiFi pawh ka hmansak ve ta char char a, FB lamah pawh ka update ve nasat kha maw! chutah le, rei an khelh hmain German hoin kan lamah an thun ta pawp pawp si a, Hnamdang ho an au nasa teh e, kei ka hawihil ani ber mai! Sawi tur ava vang tak em! Whatsapp, inbox, Message, Wall post velah min kahna a rawn lang nghal sup sup a, ka chhiar peihlo vel vek anih kha maw.... Inkhel a zawh meuh chuan ka mu nghal chiang kher mai. Huizzz Saalaaaaaaaaaaaaaaaaaaaaaa!!!!

Post by Muantea Chinzah.

A tuk a ni a Wednesday zing a rawn ni a, Senior pakhat a rawn lut a, Arunachal-a zirlai pawl ten Total Bandh ni 2 an neih tur thu a rawn sawi mai chu, ka Down vek nia mawle!

Hei hi engdang ani lo, ka cham peihlo tak zet a, ni 10 zana haw tum kha ka nia Bandh awm dawn takah chuan ni 11 zana haw a ngaih phah anga Brazil leh Netherlands ten 3rd Place an inchuh thlengin ka en loh phah dawn tih ka hre ta nghal vek a, ka tui lo rem rem teh e! A chhanchu ka WC en tum dan schedule pawh khawih che lo turin ka in set fel sa vek a, kan kal zan a Match 2 ka enloh bak kha thulh ka tumloh vang a ni, Engpawhnise tih theih awm heklo le. Wednesday leh Thursday chu an Bandh ta phawt mai a, nileng lengin kan chhuak thei silo a, kan awm mai mai ani ber mai, Kum 2 chhung Bangalore-ah In kan luah ve bawk nen eirawng ka lo bawl ve fo tawh bawk a tiin kan ei tur te chu ka han siam a, Dal te ka han kang a tui an ti ve kher mai. Zan chu ka nghakhlel leh em em bawk a, Argentina leh Holland inkhel ka en chak tawh em vang kha ani pakhat a, a nghahnan Jerome-a room ah "Heaven is for real" kan en leh te te a, a hmuhnawm reuh zek a, Kan en zawh chuan TV Room lam kan pan a, inkhel chu kan en chu ani leh mai a, tihtur awm heklo le! Ka tan an chaklo lehpek! Ka mu leh nghal thawr a, a tuk zing ah kan tho a, tih tur neilo ta chu a ngai te bawkin kan khawsa leh a, Bandh chu awmlo se chu Itanagar-ah te zin ka tum tehlul nen kan tum dan engmahlo maiah a chang zo ta si.

Vawiin chu a va lum nuam em!Bandh chu nilo se chu ka haw zan ni tawh mai tur a le! Vai ram hi ni 3 bak ka cham peih meuh lo except Bangalore
— VANLalthlamuanpuia (@MuanteaChinzah) July 10, 2014

MLTP Act aia MLPC Act an siam rem vel ka en hman lo chu ka va ui e. Ka chãn pawi hle mai.
— VANLalthlamuanpuia (@MuanteaChinzah) July 10, 2014

Post by Muantea Chinzah.

Chutia awm mai mai aiah tiin Jerome-a chuan an College Campus chu min fan pui a, a zau rem rem kher mai, chau hnawk khawpin kan fang a, lui te a awm bawk nen, kan va kal vel thuak thuak a, Bandh ani bawk a Sipai hmuh tur pawh an awm leh zeuh zeuh bawk. Chumi tlai chu ka phur tawh khawp mai; a chhanchu a tuk maia haw tawh tur ka nihna kha rilru ah awm ker miau a, ka thawveng hle. Hemi Ni hi Mizoram-ah chuan MLTP act chungchang a House-a an thu khel Ni ani pek a, keipaw'n ka ngaihtuahin ka beng a verh a FB lama an updates ka ngaichang ve reng bawk reng a.

A tuk khua a lo var a ni 11 niin Zing dar 9:30 ah NERIST Audi-ah Councelling kal turin kan han chho ve a, dar 12 velah engkim kan ti fel a, a duh ber Civil Engg a chan tak silo ah chuan kan decline ta chu ani der mai, haw zai relin kan insiam tan a, Shillong ala hmuh loh avangin Shillong Ticket lak tumin ka insiam a, mahse Ticket kha hmundangah lak a lo ngai a Shillong bik kha an Senior ten min va en sak a, a lo awmlo zui! A ngaite bawkin Guwahati lam kal ticket ka la leh a, Tlai dar 5 ah NERIST chu kan mangtha ve leh ta.

Kalna lama kan chuanna bawk Bus ah chuang leh in kal lama kan thutna hma chiahah kan la thu zui a Seat # 7 leh #8 ah te kan thu a, Guwahati lam kan pan ta vang vang a.

GUWAHATI-ah.



Nirjuli kha zan dar 8 a chhuahsan thin nimahse khami hunlai kha leimin vel vangin a chhuah hun an sawn hma pek a, dar 5 velah kan chhuahsan ta a, Guwahati pawh zing dar 3:10 ah kan thleng pek a, Paltan Bazar-a min drop ta lo chuan khawpawn ah min dah pek a! Ka thin a va rim tak! A la hma si a, Sumo remchang hmu ni ila Shillong pan mai kha ka duh rum rum a, mahse a awm miau silo a, Jeep ang deuh Motor kha la in Mizoram house ah kan indah tir a, a tlawm em em zui a 500 vel ni tura ka ngaihah 100 lek kan chawi pek a!Kan thleng hma lutuk kha House ah GATE an hawng thiang hrih si lo, pawnah kan thu ta char char a, ngawi renga thut kha a theih tlat loh, Thosi an tam em em a, kan che sek mai ni. Chuti chuan dar 6 thleng kan awm anih chu, rei ve khawp mai. House-ah kan lut a,  kan inbual a, chaw kan ei a reilo te darkar chanve vel kan mu a, Able Smoochie chu ka khum chungah a lo mu ker reuh a, ni 3 kal ta kha chuan House-ah a awm tih ka hria a, mahse Delhi a pan ka lo ring ve tawh tawp a, a lo la awm reng chu niin, a CK ve thei reuh reuh khawp mai  ;-) Kan intihfel hnuin Guwahati khawpui fang reng reng ang aw tiin kan chhuak ta a, lei tur ngang a awm silo a Mall-ah kan vak vel mai mai ani ber e.

Dar 12:05 a chhuak tur Transformers: AGe Of Extinction Ticket a lo la awm hlauh a, 2 ka la a, Cheng 120 man ve ve ala ni zui a, Manuna te hoin Cheng 800-a an en kha keiin 120 in ka en dawn anih hi tiin ka va intithei vel hle.  Theatre-ah kan lut a Pepsi te lei ve luklakin kan lut a, kan en a a hmuhnawm ka ti rem rem hle. Kan en zo a, kan chhuak a, cheng 30 min pe let leh a kan enna man zat chu 90 ani tihna anih chu! kan haw phei a kan insiam a, kan inbual a, chaw kan ei a, Sumo a Aizawl pan turin kan insiam leh ta.

Post by Muantea Chinzah.

Aizawl lam pan in

Puia Requelme Hawk hian i rawn zin manah ka thlah ve reng reng ang che a tia, Zan dar 6 vel ah rawn thlengin dar 7:30 thleng kan zingah a awm a Dar 6 a chhuak tur kha Dar 7:30 ah kan chhuak nia. Ninawm ve khawp mai, Puia bday hi a la ni zui a, ka zah angreng hle, a hun hlu tak senga hun rei tak min thutpui peih kha ka lawm khawp mai. Dar 7:30 velah kan chhuak a, ka bulah hian Eddie-a Blore lam atang rawn chho hi a thu hlol a, kan titi kan titi chu Blore lam kan sawi ta hrep a, lung a ti leng angreng hle, Guwahati pelh tep a K.L Wine Shop bawr velah Driver te dinna thin ah ngei chuan an chakkhai an la khawm sap sap a, a hnung berah 3 kan thu a, kan thawl nuam hle. Kawng tluanin kan rawn in fiam bawrh bawrh a, zinkawng a sei bawk nen kan innel hman hle a, Sunday mahnise Lovesong kan ngaithla chho char char ani ber mai, Nidang anglo takin Bairabi lamah kan kal pek a(Check an hlauh vang nge mawni). Tluang takin Aizawl Dar 2 velah kan thleng ta alom.

Engpawhnise, He'ng ka zin atanga ka thil hriatchhuah tak chu:
#.1 North India ah chuan zin tak tak tur chuan Hindi thiam ve deuh det a lo ngai anih hi, South ah chuan Auto Pu te, Dawr nghak te kha English in an biak theih mai zel a, North ah chuan a lo ni lutuk lem lo.
#2. Mizo te hian a tlangpuiin Zu, Pathian thu leh Football hi a bo mawi tawk tala sawi tur kan hre vek.

Engpawhnise, Zanin World Cup Final chu Germany tan ang aw♥