The Coming Blood Moon Tetrads!!!

Pathian thu hi a mak in a ngaihnawm tawp theilo anih hi maw, Chhiar tam poh leh a ngaihnawm na te kan pawh telh telh a Hrilhlawkna ngat phei hi chu mi chhut zui leh ngaihven ani duh khawp a inhnialna pawh a tam thin teh e, engpawhnise kan hmalawka Thla Thisen anga sen huam huam tur chungchang hi ngaihven loh atan chuan a uiawm dawn em mai. Khawnge ka hriatna beitham te tak tak hi ka han chhawp chhuak ve teh ang.

Tuna ka ziah ve duah tur lah hi tunlaia kan thuhritute hian sawi tamah nei se tiin ka awt ru hle nimahsela mi tam zawk beng a verh mang bawk si lo, bakah thenkhat tan chuan a hriatloh ve theih em dawn vang te pawh ani khat e hetia ka rawn tial ve dun ni. A hmasa in theology phek khat pawh la zir lo in a hetia ka rawn ziak ve tur te, Sap Tawng chu sawi loh Greek leh Hebrew thiam ber pawh ni mang lo tur in a hetia ka rawn ziak ve hi engemaw chenah chuan ka insit ru viau. Nimahsela, hrelo zawk te tan liau liau ni teh se. A bul tan nan Bible-ah hian a awmzia ni chiah si lo diklo tih tawp ngam siloh nimahsela lehlin fu tawklo a awm na hian tuna ka ziak tur ah pawh hian engemaw chenah tawng Bul lam bih a chawh ngei ang le.

Khatia Pathian in thil a han siam a Genesis-a kan chhiar thlak zel chuan Genesis 1:14 na ah tihian inziak a awm a "Tin, Pathianin, “Chhûn leh zân thenna tûrin vân boruak zau takah chuan êntute awm sela, chûngte chu chhinchhiahna te, hun bi te, nî te, kum te hriatna tûr ni rawh se:" . He Chang atang pawh hian chik ngai em em zu awm reng pek a, HUN BI TE tih lai te hi en nawn a fuh ngei ang, Sap Bible atanga lehlin ni ta nanana chu Sap Bible han keu mah la 'Seasons' tiin a let a; Seasons han tih chuan i rilru ah chuan enge lo lang chiah le ? Nipui, Thlasik, Thal, Favang etc a rawn lang zut zut em? Mahse, Sap Bible maia kan tawpsan chuan a awmze ril zawk kan phawk chhuak zo dawn lo. Chuvangin a ORI Strongs' Dictionary(Hebrew) han keu vang vang la H4150 chuan Sap Tawnga SEASONS tih hi MOED tiin a dah tlat, Moed/moedim(IM anihin Plural) awmzia chu Fixed Time/appointed time(s) anih zia a rawn tarlang kuau ang. Chu chu Mizo Tawngin han let dawn ta la HUNBI RUATTE tihna zu ni daih pek a. Chuti anih chuan Mizo Tawnga HUN BI te tia dah chu a nihna tak tak ah chuan HUNBI RUATTE tih anih zia chu i man chiang tawh ngei ang le.

Tichuan, enge MOEDIM awmzia chu i man chiang ta a chuti chu Leviticus(thuthlung hlui sek ang) Bung 23 han keu la chang 2 naa HUNBI a rawn tih pawh kha MOED anih zia chu i hre thei nghal a, kha Bung kha han chhiar zung zung la Pathian in a mite tan Hunbi Ruatte 7 a siam sak tih i hmu ngei ang. Mi tam tak chuan heihi ISRAEL te KUT tiin he chhinchhiahna 7 hi an sawi a, nimahsela Pathian chuan Israel te hunbi ti loin "ka kut hunbi chu hengte hi a ni" tiin a sawi thlap a ni. KA tih a hmang tlat. He'ng Kut(Kut ti hrih mai ang Kut ni loin Hunbi ruatte anih thu chu kan sawi tawh kha) 7 te hi chu kan hre vek awm e, sawi lang ta reng reng ila. 1)Kalhlen Kut 2)Chhangdawi dim telh loh kut 3)Rah Hmasa Kut 4)Pentecost 5)Tawtawrawt Kut 6)Tlanna Ni 7)Bawkte Kut. He'ng 7 te hian awmzia an lo nei em em vek tih hi kan man chho hnuhnawh lehpek a, peng lawk ila heng Kut(ti zel tawh hrih mai ang) 7 te leh Nu-in nau a pai dan inlaichinna thuk tak en tur a awm nghe nghe a en duh tan LINK:

A hmasa bera kan hriat tur chu heng thil 7 te hi hunbi ruatte vek anni. Kut hmasa 4 te khi Hunbi ruat anih na ang takin Kan Lal Isua in khawvel a rawn rah khan zu zawh famkim vek a mawle! Mak i ti em? Khatia Kohhran a han pen sual nawk nawk khan Hunbi te Calendar te Kum thar te Isua thihni leh thawh ni te chu thlak a ni ta vek mai a! A pawi teh asin! January Ni 1 a kum thar kan la lawm chhet chhet te hi a va tha nat thlak em? April Fool lo chhuah dan te hi sawi a chakawm a mahse kan Off Topic dawn tlat. Topic ah let leh ila Isua kha engtik ah nge a thih tiin mi han zawt la Sande Sikul Zirtirtu pawhin GOOD FRIDAY-ah tia chhang tu che a tam zawk anni ngei ang le. Nimahsela, a ni mawlh si lo. Aigupta ram atanga Israel fate an chhuah dawn khan In Kawngka biang tin ah Beram Pa Thisen ngei mai an tat anih kha. Khami an tah Ni pawh Exodus 12 ah a inziah kulh kha! ABIB/NISSAN 14 na anih ngei kha. Kha Kalhlen Beram Thisen kawngka bianga kai te in apiang chu THIHNA in a KALHLEN tih kan hriat vek kha. Kha Kha Lal Isua thih ni tur hlimthla ani tih manthiam a tha dawn hian ka va hre em? Kha Mi ni Abib 14 ah ngei ve tho khan alawm Lal Isua pawh kan Kalhlen Beram ni tura Kalvari tlanga a thisen chhuaka Khenbeh anih ve tak ni(Chanchintha Bu ah chhiar tur a awm kha).Good Friday lam ani mawlh lo!

Khatia a thi a, thlana Phum anih khan a tuk ABIB 15 alo ni ta(Bible chuan Nikhat hi Evening-to-Evening in a count tih hriat a tha tuna Gregorian calendar-a Midnight-Midnight niloin). Chhang Dawidim telhloh kut ah ngei khan thlana zalh ani ta ngei a, Ni 3 leh zan 3 leikawchhunga a mut hnuah OMER a.k.a RahHmasa Kut(Kut 3 na) ah ngei mai Thihna hnehin a rawn tho leh ta. Tichuan, Pentecost(shaVout an ti Hebrew chuan) Ni(kut 4 na) ah Thlarau Thianghlim a rawn thleng tih chu kan hriat vek kha. Tichuan le, Kut hmasa 4 te chu hlenin a awm ta pang mai! A bak 3, MOEDIM 7 zinga 3 te chu hlenchhuah la hmabak te anni. Chungte chu Yom Teruah(Tawtawrawt Kut), Remna Ni(Yom Kippur), Sukkot(Bawte Kut) te an ni. He'ng te hi hlenchhuah la hmabak te vek anni ta.

Tichuan, Zuang leh dawrh ang kan topic tak takah lut dawn ta ila, enge MOEDIM ho pawimawh em em zia chu i man thiam tawh em? Heti anih chuan Thupui Blood Moon Tetrads pawh kan sawi ngam zan tawh awm e. Thuthlung Hlui lam han keu leh ila Joela lehkhabu 2:31 ah chuan tihian a inziak a. "Ni thimah a chang ang a, thla thisenah a chang ang a, LALPA ni ropui tak leh râpthlâk tak chu a lo thlen hmain." THLA THISEN-ah tih ani tlat nia! Thuthlung Hlui te chu a hlui alom i tih tak thutin Tirhkohte Thiltih hi han keu la 2:20 Ni thimah a chang ang a,Thla thisenah a chang ang a, Lalpa ni ropui tak leh hmingthang tak chu A lo thlen hmain; tih a ni kuau mai le! Lalpa Ni a rawn thlen hma-a thla thisen a a chantur thu a rawn ziak nia.

Thla thisen a chang tih ah hian Thisen tak tak a luang lam niloin Thisen angin a sen dawn tih hrethiam ila a fuh awm e. Ni e, Awklem avanga sen ruai te zawng a awm ngun tawh alom engteh ual ani ngai hleinem i ti maw? a dik reng Mahse maw he MOEDIM ah kher kher he Thla thisen a a chan hi chuan thil dangdai zu thleng ziah pek a! A tirah Genesis ami ka rawn dah chhuak tawh a thil min hriat tir tu ni turin Vana Thla leh Arsi te hmangtangkai tur leh thil a hunbi kan hriat fuh theihnan a zir tura min duh zia chu kan hre awm e. He thil inthup ropui em em hi Hmelma Pa Setana hian a hriat chian em vang ani thei ang em hetiang lam hawi deuh a bumna rapthlak a rawn vawrhvir tak ni! Horoscope kan chhiar peih zia te hi le?? Kan thluak min suk sak nasat zia hi! Heti lam hawi zawng zawng chu thil lem ang veka kan chhuah tak mai hi ???

Kan pen thui hma in topic-ah let leh ila He Thla thisena a chan a heng Kut(ti zel mai ang) Ni a a tlak hi chuan thil mak em em a thleng zel tak hi kan chhut tur chu a ni ta. Sawi tawh angin Thla thisena a chan a he'ng MOEDIM-a a tlak hi chuan Israel te ah hian engemaw chhinchhiah tlak em em hnam pum nghawng thei thil a thleng tlat thin a ni. Hriattheih chinah He Blood Moon Tetrads(tetra chu 4 tihna anih kha aw) hi vawi 7 a thleng tawh a a hmalam 4 te a thil thleng hi chu ziak lo mai ila(Heng hunlai pawh hian thil chhinchhiah tur engemaw a thleng ziah). A hnuhnung 3 leh kan hma lawka kan hmachhawn tur hi han hrut ta ila.

Kum 1493 leh kum 1494 khan KALHLEN ah leh TAWTAWRAWT KUT-ah ve ve he Thla a thisen chang hi a thleng a, Hemi hma kum chiah hian Spain Lalpa Ferdinand leh Lalnu Isabella te chuan Juda ho chu Spain atang hnawhchhuah hna an thawk a. Chanchin zir chiang peih chuan in hre ngei ang, he mi chhehvel ah hian Spanish Inquisition rapthlak zia hi chu lo va Google mah ula; tlem a zawng chu han ziak ta tho ila. Khatia Muslim leh Juda sakhaw zawm tu te a mak a maka tam an awm tak ah khan Khatih laia Kristian te khan an ngaithei lo em em a Sakhaw dang zawm tu te chu an Sakhua(Kristianna) zawm lui turin an ti a a zawm duhlo chu an nghaisa a, an that a, an hnawtchhuak a rapthlak taka sawisak pawh anni thin.

Khatih laia Juda te kha an lainatawm em em a an sakhua pawh an duh angin an zawm/zui ngam lo a a ruk te tak tak in an zawm ru a an manchhuah chuan thah emaw hnawhchhuah emaw kha an tawk nasa em em a ni. Spain hi hetih lai hian Jews 2nd Home tia sawi ngam ani a an tam em em mai ani. Nimahsela hetia Spanish Inquisition a rawn awm tak ah chuan Mi tam tak an tlan bo a Nuai chuang fe tak tak chuan Spain an chhuahsan a a then Morocco-ah an tlanbo a thenkhat Mexico-ah. Mak ta em em chu an tlanbo naah pawh hian an umzui peih em em a Mexico-ah pawh tihduh dah te an la tawk zel a ni. Mexican Inquisition lo Google ta mai la. Heng bakah hian Portuguese Inqui. te a la awm cheu a India ram pawh kan bang bik lo Goan Inquisition te thleng thlengin a nghawng ve ta zel a ni. Hetiang hun hrehawm hi he BLOOD MOON TETRADS hun lai bawr vel atanga rawn irhchhuak a ni.

Tichuan hun a lo kal zel a kum 1949 a rawn inher chhuak leh a Blood Moon tetrads chu a rawn awm leh ta chauh a, a inkarah hian he tetrads hi a awm miah lo a ni. Kum 1949 leh Kum 1950-a Pathian in Kut(ti zel mai ang) a sawi Kalhlen ah leh Bawkte Kut ah tak mai he Blood Moon hi a rawn tla leh ta chat mai le! He Blood Moon thlen hma kum chiah ah hian (1948) Juda ho chuan RAM annei ve ta! Israel chu ram bung pakhat a rawn ni ta a ni kha! A dang chhiar duh tan 1948 Arab–Israeli War tih te pawh Google peih tan lo Google ta mai ula.

Tichuan, he BMT awm leh hun chu Kum 1967 leh 1968 kha niin he Mi kumah hian Israel ten Indo Na mak tak mai an hmachhawn anih kha, a hmingah 6 Day War/War of 1967 tih ani nghe nghe a, keiphei chuan a in Coincide lam mai bakah Indo ngaina(hmuhnawm ti)ta nanana chuan a Documentary te nen lam ka en tawh nghe nghe a pui rem rem khawp mai. Egypt, Jordan leh Syria ten Israel te an beihrawn chiam a nih kha. Golan Heights vel an inbeihna te kha chhiar peih chuan lo Google ta mai ula Indo chungchang ziak tur kan ni mang si lo a rek bung leh phawt ang. He Indo na atang hian Israel chuan an Khawpui Jerusalem(Nihna takah chuan Yerusalayim ania aw!!!mak ti suh!) chu an nei leh leh ta! Pipu te atanga an khaw thianghlim Jerusalem chu an lalet ta.

A hma lam ho chu tikhan kan hrut zo titih ta a, kan hmalawk ah mai hian chu Blood Moon tetrads intan na tur atan thla khi thisen a a channa kan hmu dawn ta! Kan Hma lawk ah hian Kalhlen kan hmachhawn a(kar leh lehpek) chu Kalhlen(Pesach in Hebrew, Passover in English)ah ngei chuan he Blood Moon hi a rawn inlar leh dawn ta a ni. Tichuan, Kum tawpa Kut zinga a tawp ber BAWKTE kut ah a rawn inlan leh anga Nakkum Kalhlen ah bawk a rawn lang leh anga Bawkte Kut ah a rawn lang leh anga tichuan he Blood Moon Tetrads(14-15) hi a complete chiah dawn a ni.

Tichuan, tunlai thil thleng nen enge hmeh bel tur awm tih chu kan ngaihven ngai ani ta ngei ang. Khawvel upat zawng hi kum 6000 bawr vela ngaih ani a, a sangbi 7 na hi Chawlhna hun ani thei tawh mai ang em?(ngaihtuah la a ni 7 na hi Pathian pawn a ngaihhlut kha bakah 7 chu Pathian no. kan ti thin ani lo emni! Kut zat pawh 7 anih kha). Mak leh ta em em chu he Blood Moon tetrads hi kan hma kum tam tak lo kal turah pawh hian a thleng mai mai tawh dawn lo tih lah chu hmuhchhuah a finfiah vek ani tawh bawk! Tam tak chuan Last Days an Count na chu 1948(A chungah kan sawi tawh kha Independence velchu) atang khan niin Kum 70 pawimawh zia chu Bible chinglet nasa chuan in hre ngei ang Hebrew generation anga ngaih ani a Bible pawn Mihring dam chhung kum chu Kum 70 atih kha. Tichuan 1948+70 han belh la 2018 a rawn ni chat ang.

Tichuan, Kum 1968(a chunga 6 day war) atang khan chhiar leh ila kum 50 han belh ta vang vang la 2018 ah chiah a rawn tawp ve leh bawk ani. Kum 50 hi Jubilee ani tih chu sawi nawn ngai tawh lo ah ngai ta ila Tichuan Tunkum leh Nakkum hian Blood Moon Tetrads a awm dawn tih i hre ta bawk a 2018 chu Jubilee leh Generation tawp na ani chiah ta bawk a, kan hma lawkah hian engemaw inhung rup a awm dawn tihna ani thei mai ang em ? Han chik em em phawt teh le. Kan khawvel kalphung te tuna kan dinhmun te hi enchiang la bihchiang la mi sawi avangin awih ngawt reng reng suh tuna ka ziah pawh hi i chhiar zawh rual khan 50-50 angah ngai la nangman lo zirchiang ve ngei ang che.

Bible chuan 1 Thess 5:21 engkim fiah zawk ula: a tha apiang pawm tlat ula; a ti nia, chuvangin Fiah la pawm tur tak chu pawm ngei ang che. Tunlai ah mi kan changkang tawh a kan Curious em em tawh chuvangin Internet access thiam i nih kha zir tauh tauh mai rawh le.

He mi hrul a sawi chakawm zet pakhat chu Pastor Chhawna te Pu Chawngkhupa tena THIM THUAH HNIHNA an sawi Zoram khawvar hmaa rawn lang tur nen hian hmehbel a awl ta em em mai hi a ni.Nia, nizanah lawk pawh Phantom-a'n thil a rawn sawi dum dum kha maw! Keichuan he mi Issue-ah hian engmah thudik ka hriat miau loh avang in ka 50-50 khawp. Nimahsela a nunna atan pawha hlauhawm pawh dawn zo lo a diklo nia a hriat huai taka a han sawi ngam ngat hi chu ka ngaisang thlot e. engpawhnise Zoram ah pawh hian thil in tham auh auh a awm ani thei mai ang em Lo chhut ve tawh rawh le Lalpa Ni chu a hnai tawh e. Amein!

Luka 21:25 “Tin, niah te, thlaah te, arsiah te chhinchhiahna a awm ang a; tuifinriat rum leh a fawn avangin leiah pawh hnam tin hrehawmna leh manganna a thleng ang;