MPL Season2 FINAL 2nd Leg review

Champion team Chanmari FC leh Luangmual Fans 2 te

Kimkimi, Mazira leh Apuii

 MPL Season-2 Final(Double Leg) chu khelh zawh ani ta a, ngaihdan tlem a zawng tlem te han ziak ve reng reng teh ang.

A hmasa in Luangmual FC Fan ka ni a, eng vanga tan ve ringawt nge ka nih ka hre lem law. Ka tanna a rei tawh em em zui a an tum pui Chanmari hi vawikhat chiah ka la tan a chupawh Luangmual FC in Final an luh phah na anih dawn vang a ni.

Nizan inkhel kha chu referee khan engkim a ti khawlo ni mai hian ka hria! Chutih rualin Fans tam tak kara Luangmual FC fans insum zo lo tlem te in an Veng a ti hmingchhe lutuk kha chu a pawi tak zet a. MFA lam pawhin hremna an chungah an lek kawh ngei ang.

Inkhel an tan a K.Kawla leh S.Malsawmtluanga Stand-ah Luangmual FC fans te an khat thap a, Chutiangin Zomuanthanga leh Zohminga Zote Stand-ah pawh Chanmari FC fans te an khat ve bawk. Chanmari FC fans thawm a nat ang zetin Luangmual FC fans te thawm a na ve bawk. Inkhel an tan a a, ka Pro- Luangmual FC lutuk em chu ka hre lo a mahse 1st Leg pawh a khel tha zawk Luangmual FC khan an khel tha nghal zawkin ka hmu(Inkhel kha ka en chipchiar theilo update zel angai si a). Tichuan, Referee Mafaka'n Chanmari FC penalty a han pe chiah kha chu Luangmual FC Fans ten mak an ti an au dul!(Ka vei lamah an thu a an thawm ka hrethei). Kei ngei pawhin whistle a ham chhan kha Dive vang emaw ka ti a Yellow Card a pe dawn maw ka lo ti pek a mahse rinloh dan zawngin engkim a kal a, Chanmari FC in Penalty atang MSA hmangin hma an hruai ta phawt. Luangmual FC fans an lawm lo tan. Inkhel a tawp a, keipawh K.Kawla Stand lamah Mazira, Kimkimi, Sangliani leh Apuii te ka thiante bulah va kal ka tum ve ta a bakah Mazira hnenah hian TShirt pek tur ka neih vanga kal ngei ngei ngai ka ni bawk a ni.

Neutral fans te

Half Time a ni a, K.Kawla Stand-ah ka va zawng a mi an tam si zawn an har hrep mai! A tawpah ka hmu ta a Mazira lo inhnawih nasa lutuk ka hmuh khan thla ka la lo theilo :D Tichuan, kan han thu a kawr te chu ka pe a, Inrinloh lai tak maiin Kimkimi'n ka hmaiah an veng(Luangmual) Jersey rawng ang a 'Yellow' ngei mai chu ka hmai ah a rawn tat ta phut mai! Ka ngei fu, Luangmual tan mah ni ila, Pavilion-a let leh tur ka ni si a Eng chunga let kha ka ngam si lo! Min tah takah chuan tiin ka eng law law mai ang ka ti ta a, ka thu ve ta reng a. Tichuan, Referee, Mafaka'n khatia Handball ham lo a Chanmari FC in an pet goal phah tak si ah chuan Luangmual FC fans te an lungawilohna a zual ta. Mahse LFC fans ten eng mah thil pawi an la khawihlo. Field chhungah buaina a chhuak ta, Luangmual Players 2 MC-a leh Sawmtea ten an lungawilohna Referee hnenah an thlen a(enge an tawngkam kan hre ve tawh si lo) referee Mafaka chuan an 2 in Red Card a pe ta tawp mai le. Luangmual FC champ beisei na nei sang em em chu 9 a an khelh angai der. FANS ho an rilru a na ta em em a, K.Kawla Stand-ah buaina fahrah te a chhuak nghal.

Buaina hmasa ber K.Kawla Stand hnung lamah

Luangmual FC FANS te enkawl tur khan an veng hoin mi ruat sa annei vek a kha'ng ho khan an dangbet thei hram a, Pakhat phei kha chu DUTY khan a hnek teuh hle. Ka khawngaih angreng hle a chhan chu LFC tanin an au ve ve a mahse an intibuai si! A chhan engdang a awm lo referee thutlukna chhe lutuk tuar dam theilo FANS thenkhat khan buaina siam an tum tan tlat a chu chu hotuten an rem ti si lo an KHAP anih kha. Kei ka harhchhuak ta! Buaina a chhuak dawn tih ka chiang ta! Pavilion-a phei tumin ka in sang mar a, ka hmaia Rawng ENG awm chu ka phih thla te te a ka phei ta daih a. Rei ka va thu hman tlat lo. Ka rin ang ngei ngei in Buaina a rawn chhuak ta, LFC fans thenkhat rilru a dam thei thlot lo ani ber mai, Official ho awmna ah rawn kal te an tum a an in dang laih laih mai.



BUAINA HMASA: Ka phei atanga Minute 7 na bawr vel lek ah ka rin ang ngei ngeiin Buaina Hmasa a chhuak ta; K.Kawla Stand hnung lamah an au tuar tuar a ka zu hawi thla nghal a, Chanmari FANS thenkhat chu Zung turin Zunin an rawn pan a(Ka zu hmu pha lo a mahse an sawi dan ani a rintlak tak maw, Bakah CFC fans te hian Buaina siam an tum lo). Luangmual FANS lungawi lo laklawh kha an pawr em em a an in au el nasa a Police khan an khap dai thei ta hram anih kha. Engkim a fu lo lakloh ta; Buaina lian tham in a rawn chhunzawm ta nawk nawk mai.

LFC fans thutna S.Malsawmtluanga Stand lamah erawh engmah buaina hmuhtur a awm lem lo a mahse K.Kawla Stand atang(Ka va thutna zawn ah tak) khan Bottle a rawn sur ta ani ber mai. Field-ah an vawm lut a, inkhel tih tawp nghal a ni. MFA hruaituten ngenna siamin ti tawh lo turin ti teh mahse awmzia a awm tamlua law! An lungawi lo tlang zel a, Bottle an  vawm hnuah THUTNA an phawng a an rawn vawm thla ta mai! Security Lu ah fu in thi a chhuak phawt! S.Malsawmtluanga Stand atang lungawilohna an rawn lan tir ve leh ta; anni pawh in thutthleng an rawn phawng ve leh a an vawm thla ve leh. An Flag ken leh an bottle ken te chu Lammual ah a lut hnem hman hle! Inkhel an tih tawp lailawk hi Minute 14 a tling vel anga ka ti hial(kahre chiang theilo).

Inkhel an tan leh a Luangmual FC Fans te lung a awi theilo tluang zel, "Referee Bang rawh se" tiin an au rual tuar tuar a inkhel chu rei lo teah tih tawp ani ta. Boruak a dai dawn emaw ka tih hnuah a ngai te bawkin thil a rawn her chho leh LFC fans thenkhat in Official thutna rawn luh an tum a an in nawr leih leih a, Security nen an in dang nasa, a boruak a sang hle, A chung atang kha chuan ka hmu chiang em em ani. Mahse khatia mi buai lai thla lo lak chiam kha ka inthlahrung deuh a ka en liam ta mai mai a. Hetih rual hian ka piah ah chuan Mizo professional players; Mama, Didika leh Robert-a te ka hmu hlawl a anni pawhin an enjoy ve hle in ka hria.

Chutia a buai nuai nuai karah chuan Buaina siam duhlo a inremna siam duh pawl kha LFC fans ah khan 80% tal chu anni ang tih zawng mit a hmu tu ka ni. Buaina siam anga TV-a lang tam tak kha chuan Buaina tih reh an tum vanga a hawklak ho thelh tum anni tih hriat a tha. Tichuan, Luangmual FC fans 2 chu Kal tlang an phal ta. Anni erawh an dan a dang e "Chanmari FC kan lawmpui che u" tih Banner kengin Zomuanthanga leh Zohminga Stand lamah an tlan phei a Chanmari FC fans ten an lo lawm a kut an lo beng dur dur! An va mawi si em! Buaina siam tlem te tak tak vanga an veng hmingchhe tur kha an phallo a a fing tam tak zinga a mawl zual tlem te tak tak vanga buaina chhuak ta kha zawng a pawi lua a ni.

Security an vawm Thutthlengin!

ENGEMAW:

1. Hmuhnawm ka tih tak ber erawh Luangmual FC fan pakhat Kum 47 bawr vela upa anih ngei ka ring.Kha pa mawlh kha referee in Penalty a pe lungawi lo lutuk lantir nan a au chiam chiam a a awrawl te lah chu a ring teh kher mai! A ka chhung ah khan Au-Rinna a dah emaw tih tur khawp khan zu fiak ring thei a mawle! Min ti nui ber zawk chu kha pa khan Referee te kha hau loin Security ho te leh hruaitu thenkhat te kha a au khum chiam chiama. "Fair tak in ham ta che u" zu ti tiah tiah a! referee emaw asst. referee emaw hau lo a Security lam hawia khatia a au kha mak tak a ni :D

2. Referee in engkim a ti chhia ni chuan ka hria.  Luangmual FC lungawilohna kha tuman dem chi niah ka ngai lo 1st leg-ah penalty ho takin an chawi tawh a khatah kha chuan lungawilohna an lantir lo. 2nd Leg ah erawh an rilru a na tak zet ani, eng team fans te pawh nise an lungawilo ang. Mahse,pawi ta ber zawk chu thutna ti chhe zawnga an khawsa kha a pawi em em a. Neutral fans tam tak beng a vawthlep hneh hle.

3. Season tluan inkhel thlir tan chuan Chanmari FC in chak an phu ber a tih loh theihloh a, an Champion pawh an lawmpui awm em em. Mahse hetia referee decision chhe lutuk tel naa an Champion hi ka khawngaih tlat nia! Chhan chu kumkhaw sawi a tling dawn tlat ani.

4. Club thunei tu te an tan zual angai e.

Engpawhnise, Football ropuina tak tak ka tem ve ta niin ka in hre tan a(Ti ropui tu ka ti miah lo ania). Old Firm Derby bawn tur zia te ka hre thiam ve ta ruai ruai e.
A Zirtir: FANS tam tak kara a mawl zual tlem te tak tak vanga a veng pum anga an hmingchhe ta hi a pawi tak zet ani. Vawi 1000 thil tha tih ai vawikhat thil sual tih a lansarh na ramah hi chuan duh angin thil a thleng theilo anih hi. Eng pawh nise Hoffenheim leh Mizoram XI te May 13 hian an intum dawn a chu chu thlir lawk tawh mai ang aw :)