Eng vanga Pathian ring nge ka nih le?

Ania Sin, amak hi ka ti tawp theilo ani ber mai; Pathian fair em em dan ka ngaihtuah hian a thu zawmloh hi ka phallo hi ani deuh chawt e. Nimahse, Sual Pu Taksa pu reng chung hi chuan inchhuihpalh zuk chang hi a lo awm leh fo zel. Nimahse, ka inchhuih hlak pawh hian Sap hoin 'A stumble may prevent a fall' an tih kha ka hre chhuak vawng vawng zel.

Dam lai pâr chen a, hlim taka Adam-a leh Evi  te an tualleng vel tur ka han ngaihtuah hian an Nun hlim dan tur te, Hmangaihna lipui a thianghlim taka an che tla tur ka han hmuh hian ka mitthla hian hmuhnawm hi ka ti em em a, ka tan chuan Ennawm hmuhnawm an tling tak zet e. Romeo leh Juliet chu an dah NIL fu ngei ang le! Bonnie leh Clyde reng an ngai lo💏 💑. Mahse le, Pathian anpui nih châk a lo phì ve cheng Setana'n Pathian lak ata mihring chu a țhenhrang ta si.

Mihring chu Pathian laka mi hran alo nih tak daih na hian ka lairil a fan a, ka rûm vawng vawng! Hlim taka leng a, in Hmangaihna nen a damlai chen tura tih te kha an hmabak chu Thim-ah a chan tir ta si. In huat na te, tualthahna te a thleng ta buai buai te hi han ngaihtuah hian a rapthlâk em a, Setana tenawm lutuk hi min huat tir lo theilo ani ber mai.

Hetah tak hian lawm Pathian hi ka ngei em em țhin tun hma chuan ka rilru te te chuan, "Pathian hian a siam te a hmangaih chuan engatinge an tluk theihna turin Setana chance a pek țhin le" tih hi ka rilru a thil lian em em ani. Nia, hei hi zawhna awmlo theilo ani reng alom. Mahse, han ngaihtuah chian tak tak chuan Pathian fair lutuk hi ka ngaisang em em lo theilo ani. Pathian khan a mite kha Tluk phallo in Setana hreng bet ta reng se, che theilo in siam ta se a fair loh tur zia mai chu. Van ah helna tam tak a chhuak leh ngei mahna(?). Mahse fair takin Setana leh A Ma tan chance in ang reng (50-50) a pe ta zar zar a. Adama leh Evi te pawh khan bawhchhe thei a, bawhchhe lo thei anni. Pathian chuan bawhchhelo tur khan a duh em em dawn tlat ani. Mahse fair takin thil a kalpui miau si a. An duhthlan na ngei kha a Lal tir ta zawk a, Adama te khan an duh thu ngeiin an bawhchhe ta reng anih kha.

Chutah chiah chuan, Setana thuhnuaiah kan tlu lut ta zar zar a, fel na atang felloh na, Hmangaihna ai Huatna a rawn inlar ve ta zung zung anih kha. Tichuan, mihring pawh Pathian in thlán tla zawih zawih chunga hna thawk a ei hmu turin a tih angaih phah ta. Chu thlán tla zawih zawih a Hna thawk a ei hmu tura ti tu chu Pathian anih avangin vawiin thlengin hah baklenga hnathawk a kan awm angaih tak ni. Hemi ațang ringawt pawh hian han ngaihtuah mah teh, kut tling lo a Sum lakluh hi a lo tenawm zia chu i man chiang em em theiin ka ring. Mahni thawhchhuah ang ang a in hnângfak mai tur kan nih zia hi he thu hian a va ti chiang si em!
Tichuan, let leh ta ila; Pathian chuan a hmangaih em em mihring te chu tlan kan ngaih avangin a fapa Isua Krista(YahShua Ha Meshiach) chu Thing anchhe dawnga thi turin khawvel ah a rawn tir ta rup a, Abib 14 kum 2000 bawr vel kal ta khan Kalvari-ah a fapa thisen in min tlan ta anih kha maw. He thu ka man ațang hian ka lawm em em a, a thu zawm mai hi ka tih tur anih zia ka man ve ta telh telh a, ka va lawm si em! Pathian hi hlauh tur ani tih zawng ka pawm thlap, mahse hlauh vanga a thu zawm ai chuan ka tan a a thu a lo țhat zawk vanga zawm tur ka nihna hian a buk a rit zawk chu a ni e.

He'ng ka man ațang hian alawm Harsatna leh rilru nat ngawih ngawih na in ka hringnun min rawn rûn châng hian Pathian fair zia ka ngaihtuah chhuah ziah ni. Na theilo ni ila chu, hrehawm theilo ni ila chu ava fair lo dawn tak. Engpawh nise, engkim ti dawn ila tun darkar thlenga equal chance(50-50) ka la nei zar zar hian Pathian fair zia min ti hre chhuak a, Pathian chuan a țha thlang zel tur chuan min duh ngei ang mahse thlang lo theilo in min siam biklo a, țhalo thlan na chance pawh opposition tan a dah ve reng a. Ka Duhthlanna a dah lal em em hi ka ngaisang em em a. A 'MAN' ka ti rem rem lutuk a, a fair ka ti lutuk hi ka Hero ani lo theilo. Chumai ala ni lo cheu, a kawng diklo ka zawh palh chang pawh a kawng dik a hawikir theihna chance tha min la pe leh zel te hian ka lawm hi a va ti kim si em! Engpawhnise, he'ng sualna zawng zawng hi hneh in a awm țep tawh a, hneh anih hun chuan he ka taksa Corrupted DNA kai tawh hi a thar hlaka thlak sak ka ni tawh ang a. Chumi hunah chuan hlim takin ka leng ziar ziar thei tawh ang tih ka hriat hian ka lawm em em a, ka nghakhlel lo theilo ani. Chumi hun chu a rei tawh hian ka ring lo a, kan hma lawkah hian a inpharh mar at tawh a, engkim hi a inpeih at tawh ani. Tuna ka in tehkhin dan ber chuan Chaw bel vuan chunga Țamchhawl ang char char hi ka ni ber mai. Nimahse, chumi a thlen hma chu Lungngaihna leh hrehawmna ten min zem ve sek fo mahse 'Life is a roller coaster just gotta ride it' ka ti ve mai ta lawng.👌 Chaw khawrh chhuah hun chu a hla mawlh tawh lo ang. He'ng zawng zawng avang hian kei VANLalthlamuanpuia hian VANLal hi ka thlamuan pui em em a, ka ngaisang thlawt a ni. Maranatha, Maranatha. Amein