AITians '07 inhmuhkhawm na

PIC: Tea, Sangtea, Zara, Bena, Roa, Lura, Mamuana
PS:Ka lang ve leu ehehhe

Ni 6 March, Chapchar Kut ni tak Friday tlai khan AITians '07 batch ten chaw eikhawm kan nei ve pek alom :) A nuam teh asin. Kum tam tak kan in hmukhawm thei tawh lo a, kan kim leh thei chuang lo a. A chhan ber chu Hnathawhna hmun leh khua te a lo dang ta a, kan kim theih hun Ni reng a awm thei dawn ta lo. A then Nupui Fanau an nei a, a then khaw dangah an sawn a. Keimah, Aroa, Sangtea, U Lura, Bena, Zara, Mamuana leh Tea chiah kan kal thei a.


Mahruaia erawh Champhai ah a hna in a awm a, an khua a ni bawk ne Beisei ngam ani lo a. Zonuna leh Joy-a lah Bangalore lamah an awm a, kan Nula neih chhun Kristine erawh kan sawm ta lo mai, Michael lah Saiha ah a hna vangin a thang bo a, Hruaia lah chuti bawk Lunglei ah a awm ve bawk a. Maruata erawh kan be thei lo a. Joshua hi TKP Blanket suk programme lo nei sa anih avangin a rawn tel theilo ve bawk a.

Hetiang hi a pawimawh thin aniang ka ring .... te ka tia

Kei nilenga hnathawh ngai ka lo ni bawk nen, In kan sa a, Chapchar Kut pawh ka kal hman lo a, chawlh a ni bawk nen thawk tu kan thahnem theih vang khan kan am ve deuh a ni. Tlai dar 3:30 ah ka zo thei ta hram a, ka thiante lah chuan min lo tur ve sek bawk lah tak a. Dar 4 ah ka hman a, U Lura leh Bena ka nghak rei ngang ngang hle. Dar 4:10 velah an rawn thleng a, kan inzui chhuak ta a, Bena'n min phur a, Kawrlum ka ha lo lui a(Bena thuawih duhlo lui). Petrol te kan la te te ang kan tia, kan zu kal chu ekhai Darkar chanve vel kan nghak a, A tawpah kan la ta hram. Bena chuan 100 man lek zu la a, ka va haw tak. Kan nghak rei sia, a la tlem lutuk kha!

Zara leh Sangtea hian enge an in share hi ka hre lo :D 

Cricket ka en bik a.

Tichuan, Ramthar lamah Mamuana te In kan zu thleng thla ve ta mai a, kan thleng thla chiah kei ka rilru ah thil dang a awm lo. Cricket World Cup lai a nia. India leh West Indies te an intum a, India in an bat mek lai ania, rang takin Mamuana te room ah en tumin ka lut nghal a.
A remote a lo chhia a, inhnuaiah ka en phah ta a. Thiante pawh ka kawm tha hman lo. Tichuan, a hnu lawkah India an chak ta mai a. Wicket 4 laiin an chak a [West Indies-182/10 (44.2)]. India erawhin umpha a chak turin 39.1 overs chiah an hmang ta a ni.

Tichuan, inkhel a chhuak zo a, thutthleng lamah ka va thu phei a, kan han titi tak tak mai chu. Ekhai kum 8 vel kal ta a, kan awm dan te, kan la naupan chhiat thin zia te, kan thil vei zawng lo hauh thin zia te, Exp uih tak tak kan neih hmangin kan in kap sek a.


A bik takin Tea hian a dan ngai te te in mi kah a hrat a, Victim zingah ka tel ve leh ta tho a keipawh :D  Min kap ngun lutuk a ngai ah ka nei titih tawh vel haha.

A khat tawkin a thenin an 'Sip' a, Zan dar 8 a pelh dawn chuan a ni em em tawhlo tiin chaw ei zai kan rel ta a. Mamuana Nupui Pi Tei lahin eirawng a bawl tui kher mai. Kei leh amah(Tei) chuan vawksa kan ei duh lo a, a bak zawngin an ei thung.

Ruatruati leh a Nu

Alu kan duh tlang hle. Ei lai mek lah chuan an thil sawi an duh tui lo thei sia, kan tenchhe lo tlang hlawm bawk a, kan nuihpui ang lawp lawp hlawm lah tak a. A nuam phian. U Lura nen kan 'fight' hnem bik fu bawk.

Kan chawhmeh. Tui teh mai..

 Zan hlimawm tak kan hmang a, chaw eikham lamah kan titi nasa. A rei tial tial a. Zirlai leh hlawh, hna chungchang ah bawk an lut a. Civil Engg hoin AMC lama thil felloh dan te an sawi a, an sum duh zia te. A thenin Website chungchang te an sawi a. Kei chuan duh duh ka sawi ta vel mai mai a ni. Tichuan, dar 10 a pelh khan a ni em em ta lo tiin tin zai kan rel ta a. Kan kham lo kher mai. Anuam a, a khamawm loh tak zet a ni. Lehpek a awm leh ngei beisei ang.

Kan ei hmaa U Lura Tawngtai lai