YMA Blanket Suk

Rah hrual nawk nawk :D

Blog update ka tumna kar khat a ni dawn ta. Buai nen broadband a lo chhe ve sek bawk nen, ka update har rem rem hle. Ka hman ve ta chiah e, Kar hmasa  Ni 21(Saturday) March khan Chaltlang Branch YMA, Y-II Section(Dingdi veng) ten Tlawng lui, Bawngthah ramah kan va insu nal nal a, a nuam in a hlawk thlak hle a ni.

Hetia han vuak deuh pawp pawp hi a hahthlak lai ber a ni :P

YMA te hian kum khatah vawi khat Blanket suk runpui kan nei thin a, kumin paw'n kum danga kan inhlawhna neih that ber na Blanket pawh kan su leh ta a.
.

Kumin erawh kum tir lamah Road Safety week Flag kan siam atang te leh eng eng emaw atanga Sum kan lakluh nual avangin kumin Blanket suk chu Hruaituten intihhlimna ang vel in hmang mai mai ang u tiin thutlukna an siam a, Tichuan, kan va kal ta nal nal reng a ni. Nikum lamah Buichali-ah kan su a, kumin chuan kan sawn ta.

Chutia kan suk mek lai chuan Eirawng bawl pawl an lo awm angai a

Zing dar 8:30 ah kal tan tur an tia, mahse IST(Indian Stupid Time) kan follow miau si a, Dar 9:28 ah kan chhuak thei hram a, Bus in Dawrkawn atang kan chhuak a, Bike leh Scooty a kal te hi an awm ve neuh neuh a, Motor a kal sa an awm a, Kan hnunga Blanket phur a Pik-Up a min zui tu lah an awm bawk. A kal hun chhung a rei a, Darkar 2:30 dawn kan kal a, a hmun kan va thleng a, a nuam hle a ni. Aibawk peng atang kha chuan Ka la kal ngai loh ram ani bawk a, kawng tluangin ram awm dan te ka en uluk hle.

Lawng chuan is the new Sexy hihi

Kan kal thuk tial tial a, Kuhva kung te, Teak Hmun te ka hmu ta noh noh a. Teak awmna bula Kuhva tha tawk lo te ka hmu nual bawk a. Kawng sir a thingzai tur an lo chheh khawm del dul lah an tam. In sak ka Puih lai ani bawk a, thingzai to zia ka ngaihtuah chhuak a, ka awt angreng fu hlawm bawk a. Rei lo teah a hmun kan thleng chiangkuang ta. Lei(Bridge) a lo awm a, a sirah kan tlan thla ta...

Hei hi a pawimawh :D Zu zawrh an phal kha maw :D

Branch dang; Saikhamakawn te, Aibawk te leh midang dang in an lo su ve nual a, Chhun chaw fak a hun titih mai dawn a, kan thleng a, Blanket te kan la thla a, kan su nghal mawp mawp mai. Kal zah hi inchhiar hleihtheih ani lo a, a then an lo kalsawn sek nen, a buaithlak a, ka chhiar fu theilo. Ka han ngaihruat dan mai ah chuan mi 70 chu kan tling awm mang e ka ti. Kan tam bawk a, a tirah kan han chil ho vek a, a hnuah a then in kan han tleuh a, a tleuh lai hi a hautak lai ber chu niin ka hria. Rawl a awl rem rem hle. Blanket chil hrep hnu kha tui luang ah(Silpaulin phah chung) a kil tinah chelh in kan han chawi kang a kan hlap ta thuai thuai a, Blanket pakhat kha a tlem berah vawi 8 vel kan hlap zel a(Side khat kha vawi 4 ve ve) tichuan kan sawr a, kan tel ta a ni. Hetianga a zawna vawi 7 vel chawl miah loa ti thei hi chu fit tak anni tawp mai ani :D  Vawi 3 vel bak ka tling ngang lo a ni a zawn chuan.

Chutianga Dar 2:15 vel thleng kan tih hnu chuan kan zo ta. Tui chenna hun kan nei ta a, Lawng Leng an lo kar a, kan han zui ve mai a. Tui ka cheng ve leh ngei a, Fit loh nen ka ti rei lo rem rem teh e! Ka chawl hma hle. Tui thuk lai vel chu Lawng chuan kan han in kar vel a, nuam dangdai ve fu a ni. Dar 3 a rawn rik chuan kan Hotuten min kokhawm a chaw ei phawt teh ang u tiin min ko khawm a.

Ka Zanriah ve thung. Mauthei nen ngei. Oh Yea♥

Kum dang ah khan Vawksa chiah an siam thin avangin, Vawksa ka ei lo nen Artui te eng engemaw te ka pai tel a, a chhan chu nikum ah Hmeh ka neih loh vang ani :D Mahse, Arsa an siam tel hlauh a, ka ei tel a. Mauthei chu No atan hmang in Mauthei ah chuan Dal ka dah a, Mizo Style zetin ;) Chaw ei a tui duh rem rem hle.

Tichuan, Dar 4 a rawn ri a, chaw kan eikham a, tichuan, haw zai kan rel ta. Kan haw ta a, ka chau bawk a ni; Thutna tha chan ngei ka tum ta a rang takin Bus ah ka lut a(Kal lamah Seat ah ka thulo). Kawngpui kan lut chho chu ka Earphone ka la chhuak a,

Chengkawl te kha a awm ve nek nek a, an lo man nual

 Tahan Zaipawl hoin Pu Rokunga hla, Ro Min rel sak ang che, Parmawi thangvulna etc etc te ka ngaithla phei vang vang a, A sir vela Fartuah ka hmuh vel te chuan ka lung a ti leng vawng vawng lutuk a, Kan naupan laia Kangrang kan tih mai, alh chak zet kawng sira ther fer fur ka hmuh te chuan Panlai nun min ti hre chhuak uarh uarh a ni. Kawng lakah ka muthlu phei zeuh zeuh a, ka chau ve bawk aniang.

Hmangchang: Sahbawn vel keng heklo, Kan Sa chhum hmin dahna kha a thang in a mawm hlup si a, Tichuan,  lui kama Balu leh Lung thil nen ka va sil a, a va fai in a mawm a va ti reh si em!

 Falkawn thlen hma deuhin ka harh a, Kan zai thul, kan nui thul. A nuam hle a ni. Dar 4:07 a chhuak kha Zan Dar 6:28 ah kan tleng thei hram a. In kan thlen chuan chau ve fu tawh a, ka lut chiah chu BSNL Broadband a chhia tih ka hriat in ka Down zual ta sauh a :D  Blog pawh ka update har ta reng a ni.

Tui chunga thil awm sep sep khi bal a ni lo a, Chhang nawi leh kan eibang nawi kha Lui ah ka vawm a, Sangha an tam si a(An Humhalh), ka theh thla a, an rawn inlar sup sup mai. An hmuhnawm nek ania!

Eng pawh nise, Mizo te tan YMA a lo ding hi chu a lawmawm ka ti tawp thei ngai lo ang. Intihhlimna hun ni pah fawmin, Blanket kan su tel bawk nen, a hlimthlak tak zet e.