56th KTP Gen Conf ka chhim ve a

Pic: CKTP Documentation Team

Seling ah chaw kan ei lai,

Pathian zarah KTP General Conference chu a vawikhat na atan, Champhai-ah ka han kal ve ta a, nuam ka ti in hlawkthlak ka ti a, hlawkna tur tam tak ka chhar chhuak a, kumkhuaa ka vawn a ka zawm reng tur thuchah chhinchhiah bik te pawh ka nei ve nual!







March Ni 3 atanga ni 6 thleng hman niin New Champhai Field-ah nghah a ni a, Pandal hi a len zawng ka hre lo na a, mipui 20,000 chuang daih an thu thei tih erawh ka hria :D

Ni 3(Thursday) zing dar 4 ah ka tho a, zan a inkhel awm ka en hman loh resulte te en in INKHEL Instagram ac leh page ah te ka post diat diat a, ka tih zawh velah rang taka insiamin ka Bag nen Bus dinna hmun, kan Biakin tual ka pan ve ta nghal a.

Mizo te hi IST(Indian Stupid Time :D ) zawm thin kan nih avang te pawh aniang, kal hun a an sawi aia tlai daih ah kan chhuak ta reng a. Kan Branch, Chaltlang South atang hian kal zat chiah hi hriatfiah a har hle; nitin rawn kal belh an awm reng a, Bus 2 in khat tan in kan kal a, Scooty te Car te a lo kal te pawh an awm nuk mai! Kal zawng zawng kha chu 80 kan tling ngeiin ka ring.

Branch dang te pawh an rawn inhnawh ve nasa teh e, kan ni luih luih haha @Seling

Traffic jam :D Kan tam em bawk a ni Near Keifang

Kawlkulh ah pawh kan tang reng bawk a..

Zing dar 8:30 ah Seling kan thleng chho ta! A mak a mak a tam kan inhnawh nghal rup rup mai :D  Aizawl lam atanga rawn kal bakah hmun dang atanga rawn kal tam tak kan inhnawh khawm a, Chaw ei na tur Hotel pawh kan inchuh deuh rap rap reng a, Motor tlan tha theiloin Traffic Jam ah kan ding reng bawk! Chhuah leh dawn paw'n a harsa ta talh mai

Champhai Map. Siamtu: Nell Khiangte haha

 Motor kal kan tam lutuk avang in Champhai Road lam kawng a phui hneh hle. Tluang taka kalin tlai dar 4 bawr velah Champhai kan thleng ta. Boruak pawh a vawt bik.

Official fu lo maw hehe

Counter no 3 a thleng tur ni mah ila; Champhai DC, Pu Vanlalngaihsaka(IAS) berin Chaltlang S min thlen a dil tlat si a, kan counter a thleng loin kan thleng ta daih a, kan kohhran mi Pu Ngaihsaka zarah kan branch chu kan thleng nuam bik hle, VIP treat in min treat a ni hawt e :D

DC Bungalow In chhohna

DC Bungalow♥

Tual zawl♥

Kan thil ken ho kan la thla lai☺

Keifangtlang-a DC Complex kan thlen meuh chuan a tlai ta deuh! Thlenna tur room te an han siam fel a, Hmeichhe ho building hran ah an awm a, Mipa hi building 3 ah kan awm a, keini bik chu kan OB te leh Senior te zawk bulah kan thleng a, 13 vel lek In khatah kan awm a, kan thawl bik hle.

Kan thil eitur siam tu te an inpuahchah lai

Kan thlenna room

Chaw kan ei a, Vawksa an lo siam deuh hluai a, kei chuan Artui ka ei ta thung a :D Zan ah inkhawm a awm nghal avangin kan hmanhmawh tlang a, kei erawh ka inbual a, ka inkhawm peih ta lo a! Inkhawm pawh an tlem reng! DC Complex awmna hmun Keifangtlang hi New Champhai Field-a pandal atang chuan hla ve tak a ni, traffic jam zeuh nen phei chuan minute 50 dawn te kan tlan a, Jam lo chung pawhin darkar chanve vel dawn chu tlan a ngai hrim hrim a.

Pichiu haha, a la hma teh asin♥

Boruak thiang tak karah ka WALK e ka tiaaaa

Kan eitur siam a Har vil tu :)

Chaw dawh mek :D 

A tuk ah zing takah mi thawhhma in ka tho a, ka thawh khan Dar 4 a pel awrh a, DC Complex chu ka fang ta vel a, a hmun a nuam em em a, boruak a vawt har bawk a, khatiang taka boruak nuam ka tawnloh na chin hi a rei tawh rem rem hle, kan Khua(N Vanlaiphai) te nen pawh a boruak a inang em em a, a lunglenthlak viau.


 Chaw te kan ei zawh in inkhawm turin kan insiam ta a, Bus 1 ah kan inhnawh khawm a, kan tawt deuh na chu a awlsam viau. Thurday zan atanga Sunday zan thleng a kan haw leh kal kan chawi zat hi Mi pakhat tan 160 a nia, a na vak lo, A hla em bawk a ni :P

Vawksa eilo kan chep☺

Chaw an la ei mek thenkhat in

New Champhai Field kan thleng a, mi erawh an la tam lo. Inkhawmpui tur kal an la tlem em a, khami Ni khan inkhawm zat kha 6,000+ lek kan ni nghe nghe. Chawhnu kan inkhawm tlang a, ka thurualpui te erawh  an lo leng daih hlawm a :D (An va nawi taxs :D ). Inkhawm banah kan haw a, chaw kan ei a, zan inkhawm erawh ka tlanbo ta hram :D

Ei In lam buaipui tu te ka fak thlot, a felfai em em si a.

Thingpui Inna No pawh a SIAL e

A tuk Inrinni a rawn ni a, kan inkhawm leh ta. Ekhai Mi kan tam tawh zia chu, kan zi ta nuai nuai a, inkhawm ban velah NELL KHIANGTE, Souvenir 'SAWMFANG' editor, Lawrkhawm.com lama Morgoth ngei khan an Souvenir lei tura min tur nasat em avangin Rs 60/- in ka lei sak ve ta a, chawhnu inkhawm naah ka chhiar hrep phah :D









Inrinni Chawhnu kha Variety prog a nia, a ngaihnawm in hmuhnawm tak tak a tam hle. Ka thiante ka bo avangin Mazira of Luangmual Branch te bulah a hma ber dawttu ah ka va thu daih a, Israel Pachuau zai laiin kan over hle :D LOL. Lam hunah min lam san hmak zui :D

Inkhawm zo ☺

Tuah thing! Kan eirawngbawlna. Fah thing leh Khiang vel niin ka hria

Medical Office ah Sammy pawh a buai hle :D

Zan inkhawm ah erawh ka inkhawm ve ta a, a vawt rem rem teh e! Grhhdfdfljdklf! Kan khur hlawk hlawk a ni ber mai, Mahse, a chhung ril deuh ah erawh a lum nuam em em thung lawi.

Sunday a tawp ni phei chu kan tam ta deuh deuh, kan zi nuai nuai a ni ber mai! A nuam a a hlawkthlak tak zet. Sunday zana inkhawm zat hi 44,000+ daih kan ni kha amak lo a, kan tam em bawk a ni, Pandal pawnah thu lo a pawn vela teihawi mai mai kha an tam em a ni(kei tiamin LOL).

Pandal chhung

Mazira leh Sammy :D  Zira nen kan va tlawh zuai a ehehhe Inkhawm na atanga chhuakin LOL

Mi veng drama chang zo thla a lakpui ve ringawt hahaha

Kan haw tur Monday zing erawh kan tha a tho lo tlang hlawm e, kan khamlo vek ni maiin ka hria :D Kan haw lamah Khawzawl-ah chaw kan ei a, kan vannei lehpek, 2nd IR Batn Commandant, Pu Ngursangliana Sailo a awmnaah chaw kan ei leh a, Sa Free+ Rs 130 save kerh eheheh. A awmna hmun a nuam hle.

#InstChawdawh huhu

A va han Khu thei rem rem taxs ekekekeke

Documentation team leh an Khawl te :P

DC In kawt, a nuam teh e.

The last Supper

Zan hnuhnung ber.  :'(

Medical ofis kha a va han lun tak em! Intithu deuhin ka thu ve ringot lah tak a :D

Zan tawp ber a Pawn-a thu pawl :D 

Inkhawm banah Sangtei leh Dawngtei te nen LAPHETAUH :D 

eheheheh

Inkhawmpui Chungchang a ka rilru a lo awm te:

#1. Mizo Thalai te hi tih nuam tak hi chu kan va ni tak.
RG Stadium-a Rs 1,000 man ticket lei ngam chin mahse hnawk tak tak a an thutna kalsan ho te tho kha KTP Gen conf-a Bawlhhlawh a hmun taka paih a, hnutchhiah ngailo vek tho kan ni tlat lawi a(A tawp zanah erawh tlemin hnawk ve deuh, hei erawh loh theihloh ni ve in ka hria, Lam an tam si a, an thil an hnutchhiah a, an lam zo an thut leh dawn in thutna an lo nei lo leh nuai tawh thin, chutiang chu an tam hle).

Puipun na a phallo chung chung pawha Mei zu lui hram thin te tho kha tun tum conf a Bus chhung pawha Zu duh miahlo te tho kan ni lawi a.
Thuawih kan awlsam tluk zetin Thuawihloh kan awlsam reuh a. Tihnuam tak kan va ni tak! Felfaia taka kan awm theih nan 'Dik raw pip' tia Dik nghal duak titih thei hi chu kan ni mawle.

#2. Organising Committee hrang hrang ka ti mai, khatiang inpek na kha a va han ropui tak, khati em em a min enkawl hnehsawh kha a mak ka ti. A bik takin refreshment lam kha a pui ka ti tawp, Mipui 20,000+ daih darkar chanve pawh tling lo chhunga Thingpui leh a hmeh min In/ei tir fel vek hman kha, an inpekna a va ropui tak em!

#3. Rui buai a insual buai awm miah lo a kan tlingtla thei kha a ropui ka va ti tak, hei hi sawi awmloh pawh ani thei. Mahse, mi khati zat zingah kha chuan ti tawk an lo awm hram ka ring deuh ngawt a, mahse, mi kha an polite hlawm ka va ti tak! Khatiang tho khan Conf kher lo kan nitin nunah that chhuah hi kan harsat miah lo asin mawle.

#4. Thingpui bik an siam a, a herhchhuahna an siam kha mak ka va ti tak, Pandal chhak tlang ah an lum teuh a, Bucket vela han thiar lo a, PVC pipe an phum atanga an herhchhuak mai thei kha tu !dea tak ni maw, a va awlsam in a va tha tak! Pandal bulah herhhaw-na tam tak atangin an herhhaw zung zung mai kha a HIT viau!

Lehkha bu an sem + Ka lei pakhat

Renza twins Feat Dr Sammy and I
:D

Haw lama chaw ei na Commandant chenna

Sa a tawp a tawpah ka ei ve ta, Arsa :D  Vawksa eilo kan chep :D 

A chenna kawtah Chaw kan ei. A nuam fuuuuuu mai

Random

chaw dawh :D 

A va hlimawm tak em♥

Pangpar mawi hlawm zia kha

Ka mit la em em tu, Pangpar leh Khuai tih pawlh nachang hria Mizo zinga ka vawikhat hmuhna! Khuai Bawm hi 4 vel a awm :)

Thingsulthliah Hospital Veng Branch YMA ten mi harsa te tanpuina tur atan Theitui an lo siam a, rem chan zat zat kan pe hlawm @Tuirini

56th KTP Gen Conf

A tawpah Chaltlang kan thleng leh ta, Phew!

Inkhawm leh Fellowship/Variety Prog/Fakna inkhawm hi a vaiin vawi 13 a awm a, vawi 10 ka attend ve thlaps ehhehe Cool ve.