Sulhnu chhui kirin ;)

Alma Mater 😊

College kala 2007 atanga 2011 thleng ka lo awm ve tawh na, Bangalore khawpui ah thil eng emaw pawimawh tih lawk tur ka neih avangin, Ni 3.5.18(Thursday) chuan Aizawl chhuahsan turin kan in ruahman a. UCL chhuah zan niin, Roma leh Liverpool te 2nd leg an khel a, ka en ve khanglang bawk nen. A tuk zing ka tho hma bawk si chu ka chau ngei mai! Darkar 3 vel lek mu chungin chhun dar 11 ah Lengpui lam panin kan chhuk thla ta vawn vawn a.

Mahriak ten :v

Khua a chhe hran lo a, ka lawm rilru hle. Kan thleng hma bawk a, Dar 2:50 PM a thlawk chauh tur kan ni bawk nen, nghah chhung a rei duh ngat ngat ngei mai. Mahse, Dar 2:30 a pelh hret ah kan thlawk ta hlauh a, a tih zia hle. Dar 3:30 ah Kolkata kan thleng fel ta der mai a. Ka zin khat bawk nen, an Airport te chu engkim a lo danglam vek tawh a, ka bo hu hu khawp mai. Dar 7:55 pm a thlawk leh chauh tur ka nih avangin nghah chhung chu rei turu tak a ni. Mahse thil lawmawm ve tak erawh; SIM Card hi khawi ah pawh a lo hman theih vek tawh a, tun hma kha chuan Mizoram kan SIM kha a hmantheih ngai lo a,  hman theih a awm pawhin
roaming charge velah pawisa a hek duh hle. Mahse, tun ang hunah chuan unlimited calls + 1.5GB 4G data per day neih chuan khawhar a chhawk hle. Ka la hre reng, hman kum a keimaha ka zin tum kha chuan a va han boring tak em! Zankhua in ka thu tlaivar zak a, mahse Inkhel kha a chhuak hlauh khan hun a pawt tawi deuh. Tichuan, Dar 7:05 ah kan lut ta a, rei lo te hnuah kan thlawk ta nghal mai a. AirAsia-ah hian ka la chuang ngai lova. An Cabin crew te pawh an chhelo hle :D

Tluang te te in kan thleng tura ka ngaih laiin, Bangalore-ah ruah a sur nasa viau a, kan tum theih loh tur thu captain chuan rawn sawi lauh lauh mai a. Chennai ah min tum pui ta. Darkar 1 leh minute 50 bawr vel kan han thu khawmuang ta mai anih kha. A va han boring turu tak! Darkar 3(10 pm)vel a Bangalore thleng tura ngaih kha zan dar 1 bawr velah Chennai atangin kan chhuak leh chauh a.

A chung ber khi kan luah ve thin. Lunglenthlak asin aw 😥

.Dar 1:30 bawr ah kan tum hmun kan thleng ta hram! Baggage collect chhung ber kha a ninawm ta ber mai. Darkar dawn hun ka hman pek kha!

Gobi Manchurian, hmanah chuan Rs 10 man. Tunah Rs 25

Lemon Juice Rs 15! Hmanah Rs 5! 

My fav; Lemon Rice. Pushpalata Ma'am min siam sak

Samosa Masala Rs 20! A hmain 10

Mango Milk, Rs 30, a hmain Rs 10

Gobi Chilly(an ziah dan)

Kabab, Rs 40 man a ni tawh.

Pawnah kan nau Alexis chuan min lo nghak reng mai a, alo ding rei tawh sia ka khawngaih angreng khawp mai. Taxi in kan veng lam kan pan a, kan titi phei nasa. Ka lung a ti leng vawng vawng asin aw! Kum engemaw zat kan lo chen ve tawhna khawpui chuan lung a len hle a, khawpui lah a lo thang nasa, hmuh a la nuam reng mai.

Min thleng tu Alexis nen

Phuahchawp chawhmeh

Dar 3:30 vel ah In kan thleng ta. Kan veng vel chu Kum 11 liam ta a a awm dan nen ka han tehkhin a, a inthlau ta lutuk kha a mak zawk hial a ni. Mi ram te hi chu an thangduang bik teh e.

Ola Cab; a fair viau a ni min bum thei tawh lo Lol

In ka thlen chuan chaw hlui te min lo buatsaih sak a ka lawm hle mai. Chu mai a la ni lo, an senior te ka lo nih ve avangin min hre sa lo mah se min zah der ve aniang chu(?), an room min kian a, ka inthlahrung khawp mai.

Kan room hlui. Dr AIT Mens Hostel, Kitchen Block, Room no 502 😢😢😢😖😖(Ka lung a leng)

Ka hmuh tirhin Frooti maw ka ti hahaha. Rs 50 man bawr niin ka hria. Btw, ka In ngai lo 😊

Ka thlenna In. 2008 kum a Hruaia ten an luah dawn laia kan seng fai ve kha ;) Mizo in an lo la luah reng.

 Chaw ka ei zo chu mu mumal ta lo chu ka zawi em em mai si a, dar 4 velah ka mu nghal a. Mahse, ka mutui lo khawp mai, zing dar 5:40 ah chuan ka tho leh nghal a. Ka mu rei lo tak zet. Dar 9 rik dawn ah College lama ka thil re-issue tir tur buaipui turin Alexis nen kan chho ta a. Minute 10 chhung vel lekin ka han ti zo ta nghal zung zung a.

Pushpalata Ma'am

Sir Mohan, Hemaleta & Girija Ma'am

Shivaputra, Ramesh and I

Kan asst professor te room ah te ka han lut pawp pawp a, ka han in sawi a. Min lo la hre ve hlawm khawp a, thla te kan han la ho leh bawk a. A hlimawm thin hle mai. Ka thianpa Mannivannan chu ka va call a, ka thlen tawh thu te ka hrilh a, min hmu chak ve ngang ni tur a ni; a rawn kal ve nal nal a. Chutih lai chuan ka thil issue tir kha a lo fel tawk lo deuh a, document re issue tir anih avangin Police verification te tih alo ngai a. Police station ah te kan va kal leh a Mani nen chuan ;) ( Hemi chungchang vel, affidavit siam tir te, ka buai dan chungchang hi ka ziak lang chak sia, ka hreh deuh sia ka ziah loh phah. Kannada script ngei mai a an ziah lehkha ho pawh ka kawl tha kar e. A hunlai khan rilru a hah, mahse tunah chuan nuihzatthlak an chang ta haha)

Police station ah :v

Bro!

Ka tih fel vek hnuah kum tam tak min lo hrai puar tawh tu Bahadur-a dawr ah ngei mai ka thiante thil ei ka nghak a, puar sa lo ila chu ka ei ve ngei ang. An thil neih te kha engkim a rim thlengin a la ngai vek a Lol! A man erawh a lo ta deuh, Cheng 20 a kan ei thin kha Cheng 40 man a lo ni ta vah mai.

That Plays ah naute nen Futsal match ;)

Tichuan, ka buaipui tur ka zo ta bawk a tiin ka haw ta a. A tuk Saturday chuan tih tur awm heklo kan awm mai mai nileng thak mai! Sunday kha ka nghahhlelh ber kha niin, Sunday zing a lo thleng a Mizo inkhawm hun a ni a.

AIT a zir mek te nen thla kan la ho.

Ka thlen in ten eng-emaw sawi tur a min beisei avang te pawh a ni ang eng eng emaw chu ka lo in buatsaih lawk ve bawk a. An rawn thleng har hlawm khawp mai a, kum 10 liam ta ah kha chuan tiang hi kan ni ngai lo mawle ka ti rilru nasa hle. Engmah ni bik lo khan fuihna thuchah te kha ka han sawi ve luam a, hlawkpui an awm ang em chu ka hre law......

Avengers ka en ve chiang em :D

Inkhawm banah chuan Movie lar mek, Avengers: infinity War chu Gopalan Arcade a en turin, Sangtea leh a thiannu Lucy te nen kan pan a. Kan hunlai nen chuan engkim a danglam ta; kan hunlai chu nise Deepa Complex ah Auto chang turin kan chho ngei awm si a! Tun ah erawh Ola Cab chu app hmangin kan ko a, minute 1 hnuah a rawn thleng nghal mai. A va awlsam tak em! Arcade thlen nan Minute 10 vel kan hmang a Rs 81 lek kan chawi zui!

Gangghadar aka Neikima haha

Hei pawh Lehkhabu Neikima hah

Lake tlawhin

Danglamlo Bahudar-a Chaw 😂

Hman ata a la ngai reng haha

Arcade chu hman a kan lo hriat thin angreng kha la niin a lunglenthlak thin mang e. Movie te en in kan han vak vel a, a nuam ve hle mai.

Kan hostel road hi a lo mawi tawh ltk

A fai han han ania! Lunglenthlak em mai

Kan haw phei nghal a, Alexis thiannu Mamuani bday a lo ni chiah bawk nen, bday cake te kan ei a, a nuam ve asin aw!

May ni 8 zan chu ka rin lo deuh maiin, kan asst professor; Pushpalata chuan chaw ei ah min sawm teh tlat a. A pasal, ka thianpa ni bawk, Manivannan chuan min rawn hruai a, kan college(thrin :D ) atanga hnai te niin, minute 10 vel lek kan tlan. An In ka zu thleng a, mi In an luah niin, thlakhat ah Rs 15000 man a ni hem mai. Mahse, a faiin a thianghlim em em thung.

Asst Prof in chaw ei ah min sawm ve tlat ;)

Dosa ka duh tih an hria a, Dosa an lo siam a, a tui asin aw! Arsa kan nen Pushpalata chuan ka eitur atan min lo siamsak chu niin, a tui khawp mai. Ka dawhnawn vel!
Kan eizawh hnuah Arsa tho, thianpa siam kan han ei leh a, Oven a a ur hmin niin ka hria a. A bawppui ka khel bian bian mai. A tui khawp mai.

Thianpa fanu.

Bro from another mother an tih ang chi kha 😁

Haw dawn zanah Alexis leh Zonuna te nen kan eichhuak. Hyderabadi Chicken, Chicken Masala, Gobbi Chilly(an ziah dan). A vaiin Rs 500 man mahse Rs 460 chiah min dil lol

Voda 4G pawh khawi hmunah pawh a zia viau mai. Aizawl ah chuan hman tlak loh na hmun a tam em em

Ka kal loh chhunga thil danglam ka hriat langsar deuh deuh te :-

1. Kolkata airport pawh lo danglam vek (Ka zin khat em a ni).
2. Bangalore a thang nasa lutuk kha a mak ber mai. 2007 vela kan awmna thin a thrin zia te, khaw pawn ang maia kan ngaih thin kha tunah chuan a va changkang teh lul! In a tha si, kawng a tha bawk si. Kan piah lama khawsa mihring an tam ta khawp mai.
3. Auto an vang ta. Ola leh Uber cab an lo hmang nasa ta hle a. An Google map a accurate si a, App hmangin kan book mai a. Min rawn hruai mai zel, a va awlsam si! Tun hma kha chuan kan hriat ngai loh na hmunah kal duh ni ila, min bum hrep a, a kual thei ang ber ten min hruai vel a. Tunah chuan a ni ta lo, kan map ah khan a kawng tawi dan ber a rawn lan zel avangin min bum thei lova. Tin, a man pawh duh duh zat an chhiar thei ta lo. A rawn display zat ang ang kha kan pe ta. Cooooool! Edit: Oh! Aizawl ah pawh a lo awm ve tawh anih hi, mahse hmun dang ang chuan an service a tha kher pawn ka ring lo. La test tur a ni.

Ola Cab; min bum thei ta lo :D

4. SIM Card thlak sek ngai thin ang kha a awm ta lo, Mizoram SIM kha khawi ah pawh ka hmang thei ta a, data pawh ka hmang vek thei a, Mizoram 4G ai chuan a zia hle a ni.

Last Foto @Blore

Haw dawn zanah an Ui; Hrang-i'n No 7 a nei. Kan va changchhe em haha

A tawp berah chuan Kawng tluana min hruaia, ka mangan ber lai pawha min puih hreh lo tu leh ka tawngtaina chhang thin tu, Pathian chungah lawmthu awm sela. Min thlengtu Alexis, Sangtea leh Puia te chungah ka lawm hle bawk. Dam takin May ni 10(Thursday) ah Aizawl ka thleng leh ta ;)