KTP General Conference 2018 Chhaktiang

KTP General Conference vawi 57 na chu tlai khawhnu ah ka kal ve ta thut chu a ni a. Kumin hi March 1-4 thleng a rei tur niin, Speaker atan Rev Vanlalzuata beisei a ni bawk. Thursday a kan Branch ruala kal hman ta lo chu ka che buai hle mai. Friday-ah kal hman ka ni a, kalna remchang ka nei ta si lova, ka thulh leh phah a. KTP Gen conf hi 2006 a, East Lungdar-in an thlen tum khan ka kallo tawh bawk a, kha mi tum a ka kallo kha ka ui khawp mai. Champhai-ah erawh nuam ka ti hle thung. Zirna avanga Ram pawna ka awm ve avangin kalna remchang ka neihloh thin avangin, Conf hi vawi 1 chiah ka la kal a. Ka zawngchhang em avangin, pang a dam dek dek chuan kal ka tum ruh em a, West Phaileng pawh hi kal dan kawng ka dap char char a. Zirtawp Ni tlai ah chuan ka mangang tan hle a ni; Saturday a kalpui tur mumal ka hmu lo dawn niin ka hria a, Pathian hnenah kalna remchang ka hmuh ve ngei theihnan ka tawngtai ta tawp a. Inrinni zing a lo thleng a, ka harh hlawl a.

The Beginning

Kan KTP WhatsApp group ka han hawng chu, kan Conductor hlui U Madina'n kal tur remchang an awm leh awm loh a rawn zawt ta hlawl a, ka lo ngaihven ru nghal a. John-a, Taxi khalh a park thiam hmingthang chuan a rawn sawi zui a, U Marina te nen an kal tur thu a rawn sawi ta. Ka rilru te te chuan Pathian in ka tawngtaina a chhang a nih hi ka ti neuh neuh a. Nimahse, U Madina'n a han zawh chian chuan, Bungrua kan in hnawh len theih chuan in rawn kal ve thei ang an lo ti a. Ka phang ru khawp mai. Car pakhat a bungrua nen mi 5 chuan kha a hahthlak tur zia ka ngaihtuah neuh neuh a. Ka len tak loh leh Maxi Cab(Sumo)-a kal tho ka tum ruh hle. A theihloh cheu chuan Bike pawh ka hawh mai ta lawng ka ti rilru nasa. Thulh kha ka phal lo ve em asin!

Ka in siam lawk ve ta hrim hrim a, Zing dar 8:30 vel anih chuan ka in siam zo. Pawisa te ATM-a lak tumin ka tlan kual a, mak angreng takin; ATM Booth 9 lai ah ka kal thlawn! A lo chhe vek! Hmanhmawh takin ka tlan haw a, Dar 9 a ri der. John-a chuan min rawn call, "U Marina Dawrkawn ah a chho tawh a, rawn hmanhmawh rawh" a rawn ti mai. Kei, Chaw la ei lo, la inbual bawk silo ka phili nasa. Mahse, ka leng dawn anih chu tiin ka rilru chu a hlim ru viau.

Lengpui thlen hma thingpui dawr

Chaw chu ei lo mai ila, ka inbual zawk mai ang ka ti ta a. Ka inbual nghal sawk sawk a, minute 5 vel lek ka inbual. Hmanhmawh tawkin Dawrkawn chu kan pan a, ka U in min thlah a. NIT kawtah an lo thu ran a. Mahse, Car pahnih an lo keng hlauh a. John-a leh U Marina te Car ah mi panga(5) chuang turin kan thleng kim a. John-a Car zawk ah John, kei leh Remruata te kan chuang ta a. Dar 9:20 ah chhuakin kan tlan nghal char char a, Lengpui peng-ah zing chaw ei ta lo chu kan in hnawh puar a, kan tlan leh nghal char char a.

Mamit kawng chu a va zau tawh tak em

Kawng thar pawh chu a lo zau tha khawp mai.

Hmanhmawh lo taka kan tlan hnuin Chawhnu dar 1:20 velah kan lut ta a. Darkar 4 vel kan thang anih chu. West Phaileng khua kan lut chu, khaw lian alo ni bik lem lo, mihring inkhawm lo a vak sup sup pawh an tam khawp mai. Counter 12 ah te in 'sign-in' in kan thlenna In tur ah U Biaka ten min lo dawngsawng a.

Kan thlenna room

Mi 71 an lo awm tawh a, inthlahrunawm duh khawp mai a. Insiam felin mi eirawngbawl lai te chu en mai mai bak tih tur a vang khawp mai.

Ka thlenpui te hian an duh duh an pawt a thla an lakpui hahahhahahahah 😂😂

Ka thlen naah chuan Chanmari West atanga CKTP a committee member Pu Lalrinawma te, Mizo ten kan lawm Pu Thangthuama(Himen Bial) te an ni nawk a, Kelsih Branch te nen kan ni nawk mai. Kawnghren theihnghilh avangin Dinthar kawnah kan zu lei tha leh a. Dar 4:30 velah chaw kan ei tan der mai. Dar 5 ah chuan ka in peih fel at tawh a. Ka thlenpui te an hmanhmawh lua si law; keimahin Dar 5:18 lamah Pandal ka pan a, minute 3 vel leka hla anih avangin a hnai bawk a, ka thleng hma hle.

Mi ho chuan tihian Hâr siam in rawng an bawl Mi 100 chuang ei tur an siam

Kan thlenna a fuhin Counter 12 a thleng te kan vannei fal. Pi Hlimpuii Inah High School veng ah kan thleng a a fuh cher cher mang e. Dar 7 ah tan tur si kha 5:30 ah chuan ka thu vah tawh mai, kan zai chho nghal mawp mawp a, Thalai tih tak zet a an lam hmuh chu a nuam ngei mai.

U Roma hova Chhung inkhawm

Inkhawm tan niin, Dawrpui Vengthar Bial leh Synod Zaipawl te an thiam fâl ka ti hle mai. Dar 9 leh tlem ah kan bang a, Mazira call ka tum nasa, a theih hlawl loh! A tawp ah kan in hmu ta hram. Ka college kalpui, Fabian, Mazira leh U Ruata ka hmu a, ka lawm hle. Keimaha inkhawm ka ni na a, ka tlei viau tho mai. Fellowship kan han ti ho te kha a nuam mang e aw, mi ka tluklohna ka hmu chho mawlh mawlh a, mi hi chuan lam mai hi an awlsam khawp mai a, kei chu ka la dawih khawp mai, ka la ngam ve thei lo.

Kan chaw dawh tur lai.

KTP Bial intihsiakna 90 seconds video clip a lawmman an han sem tur chu, ka lo sawi-lawk ang ngei ngeiin Luangmual Bial pakhatna an ni a. A siamtu kha Mazira lo ni bawk nen, ka in tithei ve em em tawp :)
Kan bang chu thla te ka va lakpui a, ka haw tlang ta nghal a, Dar 12 rik hma in ka in ti fel hman hram.

U Nunga bulah haha

Zan ka mu chu ka muhil thei ta reng reng lo mai, Sana ka en a, Dar 2:30 a pel tawh a, Aircel Signal chhe tak pawh peak-hour a reh hnu chuan 2G net chhe tak chu a kal ve boh boh a. Unread msg intlar thla tuarh lol! Ka muhil thei ta lo, dar 3 a ri ta der mai. A ni em em love tiin ka mu lui ta a.

Zing dar 5:30 pelh hret ah ka tho va, ka inbual fai ser sawr a, pandal lama thla la turin ka zu chhuk a, zingkar ah chuan mi an tlem mang e. Duh ang thalin ka single pep pep mai a, chhun ah chuan tih theih miah loh thil a ni.

Kan branch member thenkhat nen

Ka haw chho a, Dar 8 a ri chho a, kan thlen in Upa Siamkunga(L) te ina thleng ho mi 74 bawr vel chuan Chhung inkhawm kan nei a, CKTP a committee member, over ve tur chiah Chanmari West in Upa atana an lo thlan-tlin(to be ordained) Tual Upa Lalrinawma chuan hunserh hmangin kan thlenin Hotunu ber Pi Hlimpuii'n thu a sawi ve bawk a, a in pek na san zia ka ngaihtuah khan ka va ngaisang teh lul. Hrisel taka a dam reng a a hmuingil nan Pathian hnenah ka thlen ve mawlh mawlh a, kan haw vat tur chu a lung a leng lawk hle a ni.

Chaltlang YMA Library sub committee member thenkhat nen

U Roma kha ka ngaisang ru khawp mai, a ni aia kum 20 vela naupang te pawh nel tak in a kawm vek a, CKTP hruaitu ni awm reng a ni ka ti ru vawng vawng a, a zia ah khan entawn tur a rukin ka chhinchhiah khauh khauh mai.

Kan zo chu ka hmanhmawh nen, chaw ei tumin ka pan nghal a, Vawksa ei lo ta chu Artui min kan sak a, ka eikham ka insiam nghal sawk sawk a, Dar 8:45 velah chuan hma takah ka thu ta vah mai.

Pandal ruak

Thusawitu, kan speaker Rev Vanlalzuata thusawi a tha in kumkhua a ka vawn reng tur te ka chhinchhiah a, ka lawm ve hle a, ka hlawkpui ka ti khawp mai. Keimaha thu ta chu zan hmasa lama ka thutpui Nu chiah chiah nen inthurualna nei miahlo kan han thu dun mai kha a mak khawp mai a, thalai 20000+ kalkhawm ah inthurual lova thu dun nawn awmchhun kan ni ngei ang.

Pu Thangthuama mi Luck haha

Thusawi zawh ah thingpui leh chhang an rawn sem a, Champhai-a General Conference kha hriatchhuah loh theih a ni lo, thingpui an sem muang bik hle Phaileng ah chuan, ka dawh lo hial!

Tan hma Quick Selfie

Chawhnu ah pawh thurual pui nei lem lo chuan keimah bawkin ka thu leh ta vang mai a, keimaha ka kal fo chhan chu Champhai ah khan kan thlenna a hla bik em a, a chhung kan chang ve ngai lo tluk ani a, tun tum chu a hnai bawka hma takah kal zel teh ang ka ti a, mahni a inthurual a awl bawk nen ka kal mai zel. Kan tlar a awm ve ho an haw nghal vek nen keimahin a tawp ka thlen lolz. Ka haw chho a, Kan thlenna a thleng ho chu an lo awm vek tawh a, kawng lai a milar lo kal an pawt dinga a huho in thla an lo lakpui suau suau a lolxzz.

Chaw haha

Keipawh vawi 2/3 vel chu ka tel ve. Chaw kan ei a, ei zawh velah thuthma ka duh avangin ka kal leh nghal ta mai a, hma takah thuin dar 5:12 ah ka thleng. Dar 7 tan a ni a, zai hma ka han thu tehreng a, mawng spare neih a chakawm khawp mai.

College kal laia min duat thin tu kan Senior U Ruata

Zan inkhawm erawh a boring tihna tam tak ka nei, ka bula thu te kha Mamit branch nula te an nia an fel khawp mai. Mawng a kham duh em avangin an lam chak vang ai mah chuan an mawngkham tih reh nan ding chungin an lam ta fo a, min tur ve sek na a, ka lam ve ta lem lo, ka tuar chhuak lolz.

Ka thlenpui thenkhat te

Kan Bial Chaltlang Bial Zaipawl zai a ngaihnawm ka ti khawp mai, Synod choir erawh sawi loh a leng an ni. Leader, Rev Zothansanga, Ramhlun North Bialtu pastor ni bawk thusawi erawh a rei hret a ni. Dar 5 bawr atanga thu tawh tan chuan a va ninawm hman em Dar 9:30 vel thleng han thut kha chu! Kan bang tur report an han pe kha chu a pui viau; inkhawm zat kha mi 25000 niin thawhlawm tlingkhawm zat hi Rs 1,74,305 lai a ni bawk.

Haw hnuhnung pawl ka nia mahse kan la tam asin

Kan han chhuak a, kei a tlar hmaa thu ka chhuah pawh khan haw an tam tawh tehreng nen, pawnah khan kan khat vek! Muangchangin
Inkhawm banah ka haw phei zuai a, ka let leh a Fellowship ka zu chhim ve leh a, tun tum chu kan branch atanga thurualpui ka nei ve teh tlat a. Chung te nen chuan kan kal thla dun ani.

ITI Veng pastor bial Biblical play chu a pui ka ti fal. Dar 12 a rik hnaih avangin haw mai kha ka tum a, Taiwan atanga Palai te special item nei tura an ko chu, hman ata tawh Synod Choir in an lo sak lar em em thin, 'Chan Mei chu' ngei mai kha an rawn sa pek a. Ka lung a va ti leng tak em! Ka sak zawm ve nghal a, kan lam chho ta.

Châltlâng South Branch KTP

Kan zo theilo kan nawn zel a, a nuam mang e. Chutah le, kan lam kham lo kha CKTP atangin remruatna an siam a a hu ho va freestyle lam an rawt ta. Kan han lam ta tehreng a, ka va han hlimin ka va han hah tehreng, ka vawikhat lamna zu ni a, mi video ah ka lang hnem viauin ka ring. Khamlo takin ka haw ta a, a tuk zing kan huphurh tlang a, ka thlenpui te chu pawnah WaiWai te ei hoin an lo thu thap mai a, ka zawm mai lova, ka inbual te te a, ka han join ve a, rei vak lo ah ka mu ta a ni.

A tuk zing chu haw tuk alo ni ta a, kan phur lo tlang hlawm e. Zing dar 6:20 ah kan chhuak a, Traffic jam chu pui tak a ni. Motor a tam em a, an khaw kawng a chep ve nawk nen, Rawpuichhip kan thlen chuan Dar 10 a ni thuak tawh nia. Tluang taka kan haw hnuin chawhnu 1:30 velah kan veng kan thleng ve ta a ni.

NepNawi.

1. Mizoram Synod Choir ka ngaihsan a zual, an va zaithiam fal tak em!

2. Synoz zaipawl sawi telloh ah chuan, ka ngaihthlak chin ah Armed Veng BZP tluk ka hre lo, Mission Vengthlang, Chaltlang leh Dawrpui Vengthar bial te pawh an zaithiam khawp mai.
3. Pu Thangthuama ka thlenpui Pa mawlh kha; a va dawhthei tak em! Champhai ah kha chuan Ruth CVL Muanpuii kha a lar a, thlalakpui tu an tam, kumin ah erawh Pu Thangthuama ani tlat. Sunday zing chaw kan ei kha(pawnah kan dawh), Pandal bula khawsa ta chu mi inkhawm kal turin an hmu lo thei silo, i chaw ei lai pawh ni mah se an tia an lakpui zel a(An va â ve); ka hriat chinah pawh Vawi 4 a kut a sil tha hman(ka kalsan hma zawng).

4. Kan thlen in, Pi Hlimpuii inpek zawh zia kha aw, kan bengchheng si, tui kan heh si, kan ninawm ang. Mahse min ning lova, a lung a chhe zawk hial Sunday zingah phei kha chuan, pasal sun tawh, a fate hmun danga kal ve leh tur an nih vang te khan a lungchhe zual.

5. Pathian zara dam chuan Serchhip a ka kal ve leh te anih chuan, mi biak ve zung zung te thian siam ve te ka zir tawh ang; mi fa te ka tluk lo em mai a!