Pages

Subscribe:

Ads 468x60px

ILO LEN LUH AVANGIN KA LAWM E

Featured Posts

Sunday, July 14, 2019

Novak thluak tha lutuk kha

Engtin nge Novak khan RF a hneh theih?

Kan hriat theuh angin, Grass court ah hi chuan service tha nei tan chance a tha a. An service a nat chuan surface dang ang lo takin a kal chak em em a. Chuvang chuan ace pawh a tam a. Rally pawh a tlem phah thin reng a ni.

Novak Djokovic fin zia kan hmu chiang hle. Wimbledon-a a service that vanga Ace tam ber record siam thei tu Federer a hmachhawn hi a hrechiang, chuvangin a fimkhur a, defensive pawh a hunah a khel thiam hle.

1st set: A service a break thei dawn lo tih a in hre chiang hle. Break chu sawi loh, RF hian a ace nasa in a service atangin point a hmu ngun hle. Chumi avang chuan Novak hian a service hloh lova, tie break hnuhluh phet a tum ta char char. Open play-ah a Backhand, forehand te, a defensive that tawk zia a chiang a, Novak thluak hman a fuh hle! Tie Break ah chuan a la ta nge nge.

2nd Set: Novak serve a chhe em em a, Federer in a break sak a, 3-0 in a lead ta mai. Djokovic hian beisei a nei lo nghal, la hah lutuk lo Federer break theih loh tluk tih a chiang. Set 2 na chu a khel tang lo lui a tih theih. A tha khawl a sen hnem loh a tum a, a hloh ta nge nge. Hetianga set hloh luih hi Tennis term chuan Tanking an ti. Nimahsela, lak loh luih ngat ngat ang chi an tih erawh chuan hrem theih an ni.

3rd set: Hei pawh first set ang chiah niin, tie break ah a hnuklut leh. A ti fuh leh.

4rd set: Novak in chance a zawng, break na chance a zawn. Federer a chau tawh niin a hria a. Federer serve pawh a theih chen chen ah lak a, baseline a thlen ngat ngat a tum char char a. Tum khat chu a ti fuh nghe nghe. Nimahsela RF serve tha leh khel tha bawk si chu a dal zo bik lo.

5th set: Novak hian break a tum nasa,  a chau tawh a, baseline a ball pek ngat ngat a open play a point hmuh zel a tum. An in break zak zak. RF serve a tha fal a. Vawi 10 chuang daih 5th set ah pawh hian a ace nghe nghe a. Djokovic erawh vawi 5 pawh a tling lo. Chutah a tawpah 12-12 ah Tie break loh theihloh a khelh angai. Djokovic bawk a chungnung leh ta.

Tie break hi sawi nep theih anih loh zia leh, inhnehtawk te tana decider tha anih zia a lang chiang awm e. Novak Djokovic fing lutuk kha a ropui in a fakawm hle mai.

Monday, June 10, 2019

Tennis ranking siam dan chungchang

Tennis-a ATP ranking an pek dan hi hre lo kan awm nual ngei ang, Tennis-ah hi chuan Tournament in khaidiat a tam a, tournament khelh tur a tam em em bawk. An point hmuh theih dan a inang lo nuai bawk a, chutiang teh nuai a nih avangin hriat bel pawh mi tam zawk tan chuan har tak tur a ni.
A hmasa berin Tennis-a Tournament in khaidiat dan hi hre hmasa ila
1) Grand Slam Pali(4)
2) ATP Tour Final(1)
3) ATP Masters 1000 (9)
4) ATP Tour 500(13)
5) ATP Tour 250(40)
Hriatthiam awlsam nan Football lam nen tehkhin ila, 1) UCL 2) EPL 3) FA CUP 4) League Cup 5) Community shield.

Note: Grand Slam hi ATP niloin, ITF buatsaih tournament a ni na a, an point hmuh erawh ATP Ranking-ah an belh vek tho a ni.

He tehkhian na hi a fuh chiah lo maithei na a, hriatthiam theih dan tur awlsam ber tur angin kan han her rem mai a ni. UCL, EPL leh FA cup te hi chu Footballer ho pawn an ngaihlu zual a champion an chak zual hle. League Cup leh Community shield erawh tlem chuan an namnul deuh tih chu kan hriat vek kha.

He mi hnuaiah hian Challenger te a la awm a, hei erawh lut thuk tawh lo thung mai ila.

Tikhian, han belhkhawm ta la, ATP tournament hrang hrang professional in an khelh theih hi 67  lawih a awm tihna anih chu. Tichuan, thil chiang ta em em chu mihring mihrinna hian heng tournament zawng zawng hi a khel chhuak hman lo hrim hrim a, a fitness in a pha lo hrim hrim bawk a, tin tournament a ruala khelh a awm nual thin bawk.

Grand Slam-a champion hian point 2000 an hlawh a, pahnihna in 1200, ATP Tour final-a champion hian a tam ber ah 1500 an hlawhchhuak thei a(Round robin-a khelh anih avangin an chak apiangin Point 200 an hlawh a). Chutiangin, ATP Tour 1000 a champion hian Point 1000 a hlawh a, 500-ah 500, chutiang zelin 250-ah 250.

Tichuan, a pawimawh lai lut chho dawn ila, awlsam thei ang berin sawi tum ila, chipchiar taka tarlang lovin, hriatthiam awlsam tur berin thailan han tum ila.

ATP Ranking hi Kar 52 chhung zel a an point hmuh kha belhkhawm zel thin a ni. A awmzia chu tuna Nadal champion na Roland Garros-a Point 2000 a hlawh kha Kar(week) 52 a nung dawn tihna anih chu. Kar 52 hnuah chuan a ral ve mai dawn tihna anih chu. Kan hrethiam ang chu maw? Nikum khan Nadal a champion a 2000pts a hlawh a, kumin khan Pahnihna ni hlauh se chu 1200 pts chiah a hlawh dawn a, tichuan a point hum zat chu nikum a a lo hlawhchhuah 2000 atangin kar hmasa a hlawhchhuah 1200 kha kan paih ang a, 800 chauh a hum dawn tihna ani. Nimahsela, a tih dan thin pangngai anga Roland Garros-a a champion leh miau si avangin 2000pts a hum tihna anih chu. Kan hma lawkah Wimbledon a awm dawn a, Djokovic chuan point hum tur 2000 lai a nei dawn, nikum-ah a champion tlat a! Chu chu an kalphung awlsam taka sawifiah dan chu a ni.
Tichuan, zawhna awm ta chu eng eng te nge an point-ah belh tur tih hi a ni ngei ang. Chu chu luhchilh leh thuak ila.

Player thazual 32  vel ten Grand Slam 4, ATP Masters 1000 tournament 9 zinga 8 bakah a thiam 8(Race to London ranking sang 8) ten ATP Tour Final te hi khel ngei ngei tura ngaih an ni a, skip zawk chang an nei tho na a, inhliam avang te etc(luhchilh ta lo ila). Khing Tournament khelh ngei ngai te khi a vai chuan Grand Slam 4+ Masters 8 + Final 1(a thiam 8 tan)= 12/13 a lo ni ta tihna anih chu. Tichuan, i rilru ah zawhna lo awm nghal chu Masters 1000 kha 9 a ni sia, engtin nge Pakhat kha ni zel dawn tih hi a ni ngei ang. An dan ah chuan Masters 1000 pakaw(9) zinga Monte Carlo(Clay) hi duh chuan khelh loh theih(optional) angin an dah a, an duh chuan an skip thei tihna anih chu.
Mahse, tumah tak tak hian an skip phal meuh lova, Rafael Nadal phei chuan Record a siamna hmun niin vawi 11 a champion tawh a ni. Tichuan, i rilru a zawhna lo awm leh tur chu, Monte Carlo-a a champion chuan point 1000 a hlawh si a, an point pek turah khan ATP Masters 1000 tan slot 8 chiah a awm sia i ti maithei. Zawhna awm tak ani reng a ni. Nichin a kan sawi tawh bakah, tournament dang a khelh  atanga result a neih that that na 6 kha an belh tawh mai dawn a, chung tournament chu ATP Tour 500, ATP Tour 250, ATP Challenger Tour leh Futures tournaments te hi an ni. Heng slot 6 zinga slot 1 hi a luahlan dawn tihna ani. Nichin a kan sawi ah khan let leh lawk ila, Monte Carlo kha an khel lui tlat duh anih si chuan, Masters 1000 zawng zawng(9) kha an belh sak ang a, tournament dang a an result that na 5 an la tawh dawn tihna anih chu. Kan hrethiam em aw?

A awlsam nan tihian ziak leh ila.

Grand Slam 4 + Masters 1000 tournament 8 + Tour Final + Other 6 results tih kha a ni a, Monte Carlo(1000) kha an khelh si chuan heti hian an chhiar tawh thung ang
Grand Slam 4 + Masters 1000 tournament 9 + Tour Final + Other 5.
Tichuan, ATP in Big tournament tia a sawi chu, Grand Slam(4) + ATP Masters 1000(9) + Tour Final(1)= 14 Tournaments te chu an ni. Federer, Djokovic leh Nadal te hi heng Big tournament a hlawhtling ber ber  pathum an ni mek. Nomawi chawi tawh zawng zawng belhkhawm-ah erawh Federer hi an zingah hi chuan a sang ber a, 101 trophies a chawi tawh a, Nadal hi 82 niin, Djokovic hi 74 a ni mek. La tam ber erawh Jimmy Connors niin 109 a la tawh.

Masters 1000 hi Clay hmun 3 ah khel in a bak zawng hi Hard-ah khelh a ni thung, grass tan hmun a awm lo teh tlat. Chung Hard 6 zinga 1 (Paris Masters)-ah hian Indoor-ah an khel bik bawk a ni. Tichuan, Big tournament 14 zinga hmun 1 ah Grass-ah khel in, hmun 4 ah Clay-ah, a bak 9 chu Hard ah an khel a. Indoor-a an khelhna khi a chunga kan sawi tak Paris Masters bakah Tour Final-ah a ni tel bawk.  A bak zawng 12 chu Outdoor tihna anih chu.

Tin, Olympic leh Davis Cup te kan ziak lang lo hi zawhna a awm mai thei a, ziahloh chhan chu ATP in an recognise loh tournament anih vang niin, Champion mahse an point-ah an belh thei lo. Hriat tel atana tha chu an 3 zingah hian Nadal chiah hi Olympic-a Gold Medal la thei awmchhun a ni. Tin, Olympic Tennis bik pawh hi a chunga kan sawi tawh Grand Slam ang tho in ATP nilo ITF huaihawt a ni a. Olympic zawk erawh ATP Points a ken telh loh avangin, ATP Big Tournaments zingah ATP hian a chhiar tel ta lo a ni. Nimahsela, Tennis-ah hian chuan Olympic medal hi sawi nep theih a ni lovang. Grand Slam 4 leh Olympic la thei hi Career Golden Slam an ti bik a, Rafael Nadal hi a ni bik tihna anih chu an 3 zingah chuan.

Khi ti chin khi kim lo hle mahse awlsam thei ang bera kan sawi thiam dan a ni. Han ngaihtuah la Tennis game hahthlak lutuk tournament 18/19 kum khat han khelh vek chu a hahthlak dawn hle tih i hre mai em? Chuvang tak reng chuan hah dan inang rau rau ah, Champion pawha point hmuh tam theihna tur Grand Slam te, Masters 1000 te an khelh tang tang chhan ni. ATP Tour 250-a champion a point 250 hlawh ai chuan Masters-a 1000 points hlawh chu a tha fe zawk si a. Chutihruala kan hriat atana pawimawh chu, Grand Slam tournament dawn hnaiah hian inpuahchahna tur tournament tha an mamawh fo. Aus Open khelh hma hian Masters 1000 khelh tur a awm hman lova, a rem dan angin Hard Court Tournament an khel mai zel, Brisbane International(250), Qatar Open(250) etc te an khel fo. Han zeh lawk atana tha chu Hard court han tih hian chi hrang hrang a tam hle a, Australian Open hi Plexicushion niin, Brisbane tournament khi Plexicushion a ni.  Brisbane zawh chiaha Aus Open khelh zawm kha a fuh viau. US Open erawh DecoTurf a ni thung. Chutiang zelin Wimbledon khelh hma Roland Garros khelh zawh tawh si lai hian Masters 1000 khelh tur a awm lova, a remchan dan angin Grass tournament khelh theihna, Stuttgart Open(250), Halle(500), Queen's(500) te hi an khel fo reng a ni. Kan hriat atana pawimawh leh chu, Wimbledon-ah hi chuan seeding an tih dan hi ATP ranking ngawr ngawr bakah Grass tournament atanga point an hlawhchhuah a pawimawh tel avangin khing tournament khelh khi a hlawkthlak hle. Roland Garros leh US Open khelh dawn hnaih hi chuan Clay  leh Hard-ah Masters 1000 tournament khelh tur rem chang a awm ve ve thung a ni.  Tichuan, Tournament 15-17 bawr vel hi Top player tak tak chuan an khel tlangpui(average aw). Grand Slam te, Masters 1000-a tla hma deuh deuh hah lutuk hman lo, point khawl hnem lo erawh chuan khelh theih zawng zawng khelin point tam ber hlawhchhuah tumin an bei nasa hle thin. Chuti chung pawn Khel kim ve lemlo Ranking-a #1 te chu an thlau hle thung. #1 nih hlut zia leh personal record atana an intlansiak nasat zia chu kan hriat vek tawh kha. Week base-a #1 nihna hauh rei te.
He thil ziah lai meka an dinhmun lo en ila(Week base anih avangin #1 ni lai mek Djokovic hi #1 anih chhung chu week tin a sang chho zel dawn tihna)
1. Federer -310 Weeks.
2. Sampras - 286 Weeks.
3. Ivan Lendl - 270 Weeks.
4. Jimmy Connors - 269 Weeks.
5. Djokovic - 253 Weeks.
6. Nadal - 196 Weeks.

Kan hriat angin Federer, Djokovic leh Nadal te chiah khi active player ni mek te an ni.

ATP RACE/ATP RACE TO LONDON

Hei erawh hi chu Kar(week) 52 base kha a ni ve lo thung. Point hlawh theih zat te tournament an khelh theih te chu a inang thuak vek a, a danglamna chu point chhiar hunchhung inan loh na hi a ni. ATP Race hi kan sawi tawh angin 52 weeks base ni loin, kum khat a an point chauh kha an belh thung a ni. A awmzia chu tunah hian World Ranking-ah Djokovic hi pakhatna ni mek mahse, Race to London ah chuan Rafael Nadal hi #1 a ni mek. Engvangin maw? Ele, kumin chhungin point a hlawhchhuak hnem ber. Kan hrethiam em le? He ranking system zawk hi Year-end no 1 a hranpa a an intihsiak thin na atana an hman zawk chu a ni.  Tichuan, he ranking system zawka Top 8 te hian ATP Tour final an khel zawk thin. Nimahsela, Grand Slam la si Top 8 tlin lo an awm thei, chung te erawh chuan an khel tho tho a, champion ve ta silo top 8 ami ai khan an khel dawn tho tihna anih chu. Kha mi kuma Grand Slam lak pawimawh zia chu tikhan a chiang zual awm e.

Tunah hian Year end no 1 ni ngun ber ber ni mek te chu :-
1. Sampras - 6
2. Federer & Djokovic, Jimmy Connors - 5
3. Nadal, John McEnroe, Ivan Lendl - 4.

Tichuan he Race to London/ATP RACE ah pawh hian an in um chuah chuah reng tih hriat tel a tha a, Personal record atana pawimawh lutuk anih avangin an tha an thlah ngai meuh lo. Kumin hian tunge Year End no 1 ni leh ang le?

Tuesday, April 9, 2019

Damdawi Veng Kohhran Golden Jubilee



Kan Kohhran, N.Vanlaiphai Damdawi Veng kohhran chu Golden Jubilee lawmna a tel turin ka haw chho ve a, tisa tak pawhin thlarau tak pawhin ka hlawkpui hle a, a inchhirawm loh hle.
aerial view of our church

Tawngtai Bethel


Khawpui ang lo takin thingtlang ah chuan hun an in siam thei deuh bawk a, March ni 30 atanga April ni 7 thleng teh meuh hman niin, kar khat chuan zantin inkhawm kan nei mup mup mai a ni.

Thursday, May 10, 2018

Sulhnu chhui kirin ;)

Alma Mater 😊

College kala 2007 atanga 2011 thleng ka lo awm ve tawh na, Bangalore khawpui ah thil eng emaw pawimawh tih lawk tur ka neih avangin, Ni 3.5.18(Thursday) chuan Aizawl chhuahsan turin kan in ruahman a. UCL chhuah zan niin, Roma leh Liverpool te 2nd leg an khel a, ka en ve khanglang bawk nen. A tuk zing ka tho hma bawk si chu ka chau ngei mai! Darkar 3 vel lek mu chungin chhun dar 11 ah Lengpui lam panin kan chhuk thla ta vawn vawn a.
Mahriak ten :v

Khua a chhe hran lo a, ka lawm rilru hle. Kan thleng hma bawk a, Dar 2:50 PM a thlawk chauh tur kan ni bawk nen, nghah chhung a rei duh ngat ngat ngei mai. Mahse, Dar 2:30 a pelh hret ah kan thlawk ta hlauh a, a tih zia hle. Dar 3:30 ah Kolkata kan thleng fel ta der mai a. Ka zin khat bawk nen, an Airport te chu engkim a lo danglam vek tawh a, ka bo hu hu khawp mai. Dar 7:55 pm a thlawk leh chauh tur ka nih avangin nghah chhung chu rei turu tak a ni. Mahse thil lawmawm ve tak erawh; SIM Card hi khawi ah pawh a lo hman theih vek tawh a, tun hma kha chuan Mizoram kan SIM kha a hmantheih ngai lo a,  hman theih a awm pawhin