CITY in Youth Academy changtlung an nei dawn!

Manchester City chuan Youth academy changtlung tak siam an tum mek a, he an academy hmunhma siam pui tu tur hi BAM Construction an ni a, thuthlung an ziak fel tawh ani. 80 acres vel a zau ani dawn ani, Barca Youth Academy LA MASIA te Ajax academy chanchin kan ziak tawh anih kha anni paw'n an academy hi an stadium hnaih ah ve ve an dah a, CITY pawh hian Etihad Stadium bulah academy hi an dah dawn ani, BAM hian kar lovah an hna thawk ṭan in 2014/15 Premier Leaque Season ah chuan zawh fel hman an tum ani.BAM te hi an hlun em em a 1874 aṭang daih tawha hnuhma ṭha tak tak lo nei tawh anni, England mai bakah Scotland ah te Wales ah te an thawk ṭhin bawk ani.

AJAX Youth Academy Ropui chu!

INKHEL a ka post ka rawn suan leh mai ;-)

Khai le Football Academy ropui, FC Barcelona academy  "LA MASIA" chanchin kan post tawh bawk a tunah chuan Amsterdamsche Football Club Ajax  ho academy ve thung hi ilo bih chiang dawn teh ang! Ajax Amsterdam academy hi khawvel a a ṭha ber pawl tih chu kan hre vek awm e, LA MASIA nen hian khawi zawk hi nge ṭha zawk ang? tun ah nanana chuan LA MASIA chhuak te chuan Khawvel ah ro chu an rel zawk chiang a mahse Hranghlui kal te ropui tak tak te kha he Ajax Academy chhuak an ni tlat a, a ṭha ber pawl tia chhal ngam chu ani chiang e! Mahse LA MASIA din theihnana a theihna lo hmang hrep tawh tu Johan Cruyff kha AJAX Academy chhuak hi ani. Tin, Dutch ho chuan ‘De Toekomst’ Academy tiin an sawi mai zel a ni.

FC Barcelona Youth Academy ropui LA MASIA chu!

THUHMA: INKHEL lam a ka post ka rawn suan e
"La Masia de Can Planes" tia an sawi thin a lamtawi a "LA MASIA"an tih, FC BARCELONA Youth Acedemy lar em em, leilung pian tirh ata players ropui ber ber te chherchhuak tu academy chungchang hi i hriat loh kan hlauh pui che a, an in enkawl dan te, a awmna hmun te, players an lo chherchhuah tawh te chanchin hi lo thlir dawn teh ang.

Kum 2002 bawr vel atanga lar ta em em Barca youth academy "LA MASIA" hi Catalan tawng niin English chuan "THE FARMHOUSE" tihna ani a, he Building hrim hrim hi chu 1702 a sak ani tawh ani a, FC Barcelona hian 1954 khan an lei ta ani, he hmun hi a tirah Barca in an lei tirh tak phei chuan an stadium thar sak naa thawk tute Architect ho Workshop atan an hmang thin ani. Ni 24 September 1957 a Camp Nou an hawn hnu khan LA MASIA chu khâr alo ni ta a, Khatih laia an president Enric Llaudet hmalakna in LA MASIA chu chei that a tih len alo ni ta a, hun kal zel ah an mamawhna a zir ang zelin an tilian chho ta zel ani. Khawpawn atanga lo kal ten he hmun hi an awmchilh ta tawp a, an thiam na tihpun belh beiseiin theihtawp an chhuah thin ani. Barca Club ropui na em em chu hetia an academy a lut te re re hi an Football thiamna tihpun sak mai piahlam ah an hawiher te an chezia re re zirtir hi ani. Camp Nou atanga hnai te ah he hmun hi a awm ani. Hetia Football Academy tha tak an neih theihnana ngaihtuahna seng hmasa ber chu Barca leh Dutch player ropui ni thin Johan Cruyff(tuna Catalan National Team Head Coach) ani, He academy ah hian Guilermo Amor chu graduate hmasa te zing ami ania, Pep Guardiola(Barca Manager ropui ni thin) pawh hian Amor zawh hnu kum 2 naah Kum 13 mi chauh anih laiin a zawm ve ta ani.

Isua, Kalhlen Beramno

Kalhlen kut kan tih hi Hebrai mi tan chuan an kut pawimawh ber Lalpa Pathian in a a mite Egypt(aigupta) ram ata a chhanchhuah na hriatrengna Kut ani a! an ngaipawimawh em em ani. he Kalhlen
Kut a Beram an talh ang hian Isua hi Pathian Beramno kan tan a TALH ani tih hi i hre tawh ngai em le?
Thuthlung hlui a Beramno leh Isua Pathian Beram No inanna tlem lo tarlang ang:-

1.Kalhlen Beram No hlan tur chu hmelhem lo ani tur ani(Exo 12:5) chutiangin Isua kan Kalhlen Beram ngei pawh kha hmelhem lo ani asin!(1 Petera1:19)

2.Kalhlen Beram chu a Pa ani tur ani (Exo 12:5) chutiangin Isua pawh ani asin!.

Ka chetchhiatna

Ka chet chiatna/vanduaina kan post ang e a vawi khat na atan:

College kan kal laia In kan luah laiin a ni a!zankhat chu ka in luahpui te 2 hi an leng daih a 

chuan zan a rei tawh si a inlo haw dawn loh chuan kawngka ka kalh dawn nia ka ti ta a! an ni chuan kan rawn haw nghal e an ti mai a keipoh chuan kalh ta lo chuan ka mu ta mai a(muthilh ka tum miah lo) mahse ka lo muhil ta mai si!!ka thiante chu an lo haw ta lo a min hrilh leh si lo chuan an lo riak tlang daih ta anih chu!!!

A tuk ah khua a var tan tih ah Vai Pa hi a rawn lut ta(ka la muhil reng) dim te in a rawn kal a,kei ka lo harhvang ve bawk nen ka harh ta nghal a ka phone te a rawn la ta mai!!ka tho chiah chu min hnek thal thuai a ka chal a thi nghal zawih2!! ! rang lutuk chuan ka um ta mahse leeee vanduai thlak takin pawn lam atangin min kalhkhum ta daih mai Vairam te ani sia ka chan dawn ta nih hi ka tia mahse Vai tlangval fel tak kha ka au vak a kan tukverh atang khan annin chu vaipa chu an lo man hram!!

** Ka che chhe viau na chu ka vannei phian vaipa khan min that thei reng mawleee...  :D

Khawvawt kan lo hmachhawn thin dan kha!!!

Thlasik alo her a khua a tih nguai a Sikri meuh han nun a ngaih chin zet ah hi chuan Panlai nun min ti hre chhuak lo thei lo!! Ti ve khanglang ila hmanni lawk mah ni se khati tak mai a kan Khua (N.VANLAIPHAI) a vawt thin kha a va han hrehawm thin em!

Ani taka khatia Thlasik a rawn nih meuh kha chuan Naupang mai kan la ni si! school kal a ngai tawh hrih si lo Krismas kan hunpui ber kan nghahna hun ni thin bawk nen a nuam kher mai!!!!khua a vawt si chutah thli lah kha a ro tha veh vuh sia! Pawn kan han chhuak chiah hi chu rei lo te ah kan vun a ro nghal pawp pawp zel kha a nia! Mak ka tih thin em em chu mi khan kan chheh vela awm hmang a chat tih dam dan an hre tlat kha a ni! Keichu vanneih thlak takin Ka Nu hi a fel a min enkawl uluk em em a naupang dang lakah chuan ka faia ka chat bik em em ngai lo mahse kei a zia hraw chi ka ni ve bawk nen tlema han nuih thi sawk sawk ngai khawp a han chat rep kha chu ka nei ve na meuh mai! Khatih lai khan mi tam tak kha chu an kesir te kha a khi hlawm fer fur a an ke sir khi ah khan FAR hnai an tat thin a a dam ve duh hle thin ani! kan let lawk ang a FAR hi thlasik a nih tan hian an sat khem lem luam a a hnai a lo chhuah theih nan tiin chu a hnai chu an chat tih reh nan an hmang thin a ni! KAREI!!! a va lo thin theih ngai em mahse a changkang ru riau si!!!! ka ngai ve em em thin khatiang hun lai kha! tun hnuah erawh tu mahin an ching tawh lem lo Khua pawh a vawt tawh em em bawk lo nen khawvel a lo changkang a Chat damdawi tha tak tak a tam tawh bawk nen!


Ole, ka sawi hmaih phal hauh loh chu hei hi ani khatia khua a vawh em em khan naupang tam tak VUR ei chak ngawih ngawih ei na tur nei lo FRIDGE pawh nei lo tam tak an awm si kha tiang naupang tan chuan THLASIK chu an tan malsawmna a ni mauh mai! a ani taka Naupang chauh lo Tleirawl tam tak pawn an ching tlat zu nia!! ka zep lo keipon ka ti ve thin hial asin!! Zanah tui no ah Tui ka dah a chini ka chawk ral vek a tichuan kan kawkthlang thlanmual kawng ah chuan ka zu dah a! a chhin nan tumbu kawr hi kan hmang thin a! zan ah thlamuang takin a tuk nghakhlel em em in kan mu thin kha a nia! a tuk ah khua a var tak tak hmain hmanhmawh bak leng in ni  a chhuah hman hlau khan kan zu la thin chutah Ni a chhuah hnu a kan lak chuan a lo tui hman ve thin nen ni chhuah hma ngei in chu thlasik khawvawt ah chuan vawt pawh pawisa lo in kan thglakhlelh em em Vur chu kan han ei tehreng chu ani KAREI!!!! a va han atthlak thin tehreng em!!! tlema ai u remchang hria kha chuan an vur kha an chhu nawi a an hlawm mum a favai nen an hlawm a chhuna ei ah tiin lei hnuai ah an phum thin! khatia tih kha a lo tha rei khawp mai  vur kha chhun pachang ah pawh a khal reng thei nia! tun hnua ka ngaihtuah let hian a ngaihawm thin kher mai a hunlai  chuan thing hle mahse!!! tun hnu a YHWH(zah tak chungin!) malsawmna zar zo a khatiang hun kal pel a mahni blog ngei a update thei tura mal min sawm avangin Pathian chu fakin awm mawlh rawh se!