Hei hi kan website INKHEL.COM-ah ka post tawh a hetah ka rawn vawmbei e.
Khawvel-ah hian Football Match Derby ropui tak tak a awm nual a, a bik
takin Mizo te chuan (hnam dangte pawh anni mahna) El-Clasico(Real Madrid
vs Barcelona) hi Derby ropui berah kan ngai ngei ang. A dikna chen pawh
a awm em em ang, eng dang vang a nilo a khawvela player ropui ber ber
te khelh duhna club anih vang ani pakhat a, chumai a la ni lo khawvela
Football Club ropui ber ber te annih vang ani ngei ang le. Super Clasico
( Boca Juniors vs River Plate)-te, Kolkata Derby, Manchester Derby,
Rome Derby-te leh Derby ropui tak takte sawi sen a nilo. Hetiang
derby-ah hi chuan intihbuai neuh neuh a tam zia te, inkhel a hmuhnawm
bik zia te inkhelh hun chhung a rei lo bik riaua hriatna te chu kan nei
theuhin a rinawm. Engpawhnise a hmuhnawm vel vek awm e. Tun tum ah erawh
khawvela Football Derby bawn ber leh ril ber ti a mi tam tak chhal ngam
Rangers leh Celtic te inhuatna leh an boruak ril zia tlem a zawng han
chhui dawn dawn teh ang.
