AJAX Youth Academy Ropui chu!

INKHEL a ka post ka rawn suan leh mai ;-)

Khai le Football Academy ropui, FC Barcelona academy  "LA MASIA" chanchin kan post tawh bawk a tunah chuan Amsterdamsche Football Club Ajax  ho academy ve thung hi ilo bih chiang dawn teh ang! Ajax Amsterdam academy hi khawvel a a ṭha ber pawl tih chu kan hre vek awm e, LA MASIA nen hian khawi zawk hi nge ṭha zawk ang? tun ah nanana chuan LA MASIA chhuak te chuan Khawvel ah ro chu an rel zawk chiang a mahse Hranghlui kal te ropui tak tak te kha he Ajax Academy chhuak an ni tlat a, a ṭha ber pawl tia chhal ngam chu ani chiang e! Mahse LA MASIA din theihnana a theihna lo hmang hrep tawh tu Johan Cruyff kha AJAX Academy chhuak hi ani. Tin, Dutch ho chuan ‘De Toekomst’ Academy tiin an sawi mai zel a ni.

LA MASIA ang tho in he an academy hi an Home Ground, Amsterdam Arena bul lawk a awm ve tho ania (LA MASIA pawh Camp Nou bula awm anih kha Post hmasa lamah lo chhiar la )  He Academy hian an naupang te inkhelh na tur field puitling pawh 7 ngawt zu nei a! He youth Academy hian naupang 240 bawr vel te la in hmun 7 ah te ṭhendarh lehin an kum bithliahin an thliar hrang ṭhin ani. Hei mai hi ani lo a Ajax hian Youth Team 7 nei ṭhin in Holland ram a intih siak na hran hran ah te an tel ṭhin ani. Kan hriat ṭheuh angin Club tina Player ṭha lalut tur chuan an Scout te an ṭhat tawk angaih zia chu in hrilh nawn kan ngai awm lo ve, Ajax Youth Academy pawh hian Scout ṭha tak neiin naupang te te la ṭha tur a an rin chu an thur nalh nalh mai ani an youth academy a lut tur te hi chu a tlangpui in Ajax scouting network kaltlanga an lak ani.

He Ajax scouting network hian Holland mai ni lo hmun hran hran ah te kal darh in an mit an len nasa hle South America te Africa te thleng thlengin an zawng ṭhin ani. Naupang ṭha leh  la thiam ngei tur lak chu an tum ber chu ani, Ajax scouting network hian naupang lut tur te chu 3-day ‘talent week’ hmangin an thlifim leh ṭhin ani, he Ni thum chhung hian Naupang 1000 chuang teh meuh Ajax Academy a inzir puitling ve turin an rawn intlar ṭhin ani, he mi ni hian an thiam zia theihtawp a tihlan tumin an Skills te an pholang ṭhin ani, hetiang Event hmanga lo tel ve tawh tun thlenga khawvel in kan hriat tak te pawh Edgar Davids (retired), leh Rafael Van Der Vaart te  an ni, hetiang aṭang hian inzir puitling in First team ah te kaisangin Club dangah te an kal leh ṭhin.

He academy ropui ah hian naupang tin te chu an thuhmun vekin an zirtir ṭhin a, Chuvang te pawh ani mahna an inman em em reng ani. Barcelona chuan tunah TIKI TAKA hmangin khawvel ah ro an rel a, ball an in pe zung zung a leh lam team te an hneh ṭhin em em anih hi! Hetiang ang tho hian Ajax pawh hian tih dan phung an lo nei tawh ṭhin ani, chuchu TOTAL FOOTBALL tiin an ko a, he thil thiam tur chuan chetran te Technique ṭha tak neih te a pawimawh hmasa hle, hei vang hi ani mai ang em Ajax aṭanga rawn chawr chhuak te hi an lar a an kalna apianga an lansarh ṭhin ni?! TOTAL FOOTBALL ang hi India pawh khelh tir tum in Wim Koevermans, Dutch Pa pawh India pawn kan ruai anih hi! TOTAL FOOTBALL khelh tir hi a thil tum ber pakhat ani, Mahse an la ti thei tak tak hrih lo ni te pawn a lang  Kan sawi tawh angin mahni Club ngeiin ṭha taka naupang an chherchhuak thei anih ngat chuan player ṭha dang lei ngai loin sum tam tak an khawl theih phah ṭhin ani. An khawl mai bakah an hlawh chhuak zawk a tih theih awm e a chhan chu an players ṭhenkhat te kha an hralhchhuah ve ṭhin vang ani.Hei vang hian an Snior team te pawh hi an academy ah an innghat thui em em ani .

TIPS Model:

 Ajax hian TIPS model tih siam in a lampum chu Technique, Insight, Personality and Speed tihna mai ania, Part tinah khian Criteria hrang hrang 10 hmangin an inzirtir leh zel bawk ani, a awmzia chu TECHNIQUE huang bikah ringot pawh khian chi hrang hrang 10 an zir tihna anih chu, amaherawh chu P leh S bik hi chu pianken thil anih vangin tihdam lam theih ani lo tih an chiang a hei vang hian adang pahnih T leh S khi chu an ngaipawimawh zual em em ani, Ajax hian an naupang te hi an achievements zawng zawng an record sak thlap thlap ani.   Tin hei bakah hian ngaipawimawh dang ṭha em em 7 ngawt an la nei a chung te chu:-

1. Skills – ball control

2. Passing

3. Turning

4. Crossing and finishing

5. Shooting

6. Heading

7. Goalkeeping

An ṭhat zia sawi chiang tur chuan an naupang hlui te sawi ngei angai ang le! an ?hat zia ti chiang turin a hnuaia mi te hi lo en la an hrawl hlom zia chu i hre mai ang, heng aṭang ringot pawh hian Ajax academy ṭhat zia chu i chiang mai awm e.
    Johan Cruyff
    Marco Van Basten
    Johan Neeskens
    Frank Rijkaard
    Edgar Davids
    Dennis Bergkamp
    Ronald De Boer
    Patrick Kluivert
    Marc Overmars
    Clarence Seedorf
    Edwin Van Der Saar
    Wesley Sneijder
    Rafael Van Der Vaart
    Klaas Jan Huntelaar
    Ryan Babel
    Nigel De Jong
    Maarten Stekelenburg
    Thomas Vermaelen
    Steven Pienaar
    Danny Blind .

Youth Academy changtluang tak an neih vang hi ani ngei ang Ajax pawh hi Ropui na ram ah an lo leng ngun tawh hle , Eredivisie(Holland a an leaque khelh, EPL/BPL kan tih ang hi) ah vawi 31 ngawt Nopui an lo chawi tawh a, KNVB Cup(FA Cup kan tih ang kha) pawh vawi 18 lai an lo chawi tawh a,  Johan Cruijff Schaal(Dutch Super Cup, an legendary player Johan Cruijff hming chawia phuah ani) pawh vawi 7 an lo chawi tawh bawk ani, Hei mai niloin Eurpoe khawmualpui a intihsiakna sang ber UCL ah pawh vawi 4 ngawt Nopui an lo chawi tawh ani. AJAX hian hmun dangah pawh awmhmun an khuar tawh ṭhin a tunah chuan club 3 nen an in zawm mek ani chungte chu Ajax Cape Town F.C, Almere City leh China lamah Beijing Guoun te an ni.