Easter Egg in ti maw? Bihchiang ang aw!

(A Hmasa in Thu hma ang deuh ka'n ziak ve phawt ang e. AIT-ah ka awm ve tawh bawk lo nen naktuk-a in hun hman naah pawh ka tel dawn lah va ni suh! Tun hnaia in thu khel thenkhat avangin he Post hi ka rawn siam ve ani e. A hre ber ka ni miah lo a nimin pawh a Post a awm khan Sawi ve ka tum hauh lo. Nimahsela Ricky khan sawitur a min rawn ngen(min rawn mention) avang khan ka rawn sawi ve mai chauh zawk kha ania. Kohhran hrang hrang awmkhawm kan nih avangin sawi a nuam lo hle. Dik tak chuan a Easter Egg ei pawi tilo te khan Tanchhan mumal(Biblically) in nei chau rau si a, Naupan lai atanga lo ngaisang lo Elija te(sorry i hming ka ziak tel) te chuan a pawi zia an man fuh teh asin! Keini Presbyterian te ngei paw'n vawiin thlengin kan la chhawm chu anih hi maw. Vawiin ngei paw'n post ka siam duh ang em aw tiin ka rilru a insual nasa hle a vawi 5 vel zet chu ka thulh hman. Mahse a tawpah chuan ka rawn post ta tho e(a tha lamah ngai ang aw niang). Ṭhahnem ngaih thil thu vek ani e. Boruak a sosan phah na a nih dawn phawt chuan he Post hi ka delete leh nghal ang. Pawm emaw pawm lo emaw THUDIK tak erawh hai lanna anih dawn avangin i Knowledge tal a zau phah ka beisei. Naktuk ah paw'n Easter Egg chu in ei ngei ang tih chu ka ring a chhanchu a tamzawkin in duh miau a; a tha mai kha kha Democracy alom le :) tam zawk duhdan kha LAL teh se. TRUTH zawng angzawnga kan sawi zau zel dawn anih chuan titi pui che u ka peih em em a, keipawh ka diklo thei reng a diklohna awm chuan ṭha takin kan analyse zel aniang chu. Mahse, tawngpawng inhnial kha ka peih lo ania a Ka peng thui lutuk dawn heti chinah hian rek bung phawt ang.)

Thupui ah lut nghal ila; Kristian Tradition(emaw kan tih) tam tak hi chu PAGAN ho tih zulzui vek a tih a ni tlangpui a(PAGAN kan tih hian Non-Abrahamic Religion lo ho zawng tihna nih chu, Judaism te Islam te leh Christianity te chu PAGAN kan ni lo tihna, adang Sakhaw tenau te pawh an awm tho a ziak lo mai ila). Krismas te thleng hian a PAGAN em em tawp a he mi behbawm a Krismas tree te Santa Claus te thleng hian zu ni reuh a!!(Mak ti suh!). Tun ah erawh kan chhui bing tur chu Easter Egg hi anih avangin a dang kha chu sawi lo mai ang. Easter tih hrim hrim hi Bible-ah a awm lo tawp phawt a! Mahse, KJV-ah khan Tirhkohte Thiltih 12:4 ah khan 'EASTER' tih kha a hmang 'LUI' ngat ngam nia. A ORI-ah chuan PASSOVER ani tih chu kan hre vek ang chu(Greek Strongs G3957:PASKHA). Kha bak kha a lang leh ta re re lo a, a awm chhun pawh dah LUIH ani tihna nih chu. A lo chhuahna tak i han chhui lut dawn tan teh ang; Noah(No-a) khan a fapa te anei hlawm a a fa te zinga Ham-a Fapa Cush-a Fapa leh chhawng NIMROD atanga engkim rawn intan ani a Milem biak nazawng zawng hmawr bawk na pawh he NIMROD(Baal tia kan hriat fo kha) hi ani.{Genesis 10 ah khan NIMROD chanchin vel chu a awm kha}. Easter Egg mai bakah hian HOT Cross BUNS kan tih te Sazupui te thleng hian a PAGAN em em vek ani.

Sawi dan viau pawh ka hre lo a mahse ka thiam loh dang ang ang talin ka han thai lang ve zel ang e; CUSH-a(No-a tu kha) chuan Nupui anei ta a a Nupui chu Semiramis tih ani, fapa annei a a hmingah NIMROD tih an phuah ta a(Bible-ah a awm hlawm kha). Cush-a chu a thi ta hlauh mai a tichuan a Fapa NIMROD chuan ama NU ngei chu Nupui ah a nei ta hmiah mai le, Lal ropui tak anni a. Tin, a lal tanna chu Sinar rama Babel khua te, Erek khua te, Akkad khua te, Kalne khua te a ni a.(GEN 10:10). NIMROD-a ngei pawh hi Indonaah Hmelma ten an that ve leh ta hlauh mai a tichuan a Nupui Semiramis-i chu a Hmeithai ta tihna anih chu. Semiramis-i hi Babulon Lalnu ropui tak ani nghe nghe ani. Tichuan a pasal chu Hmelma ten an that a a taksa chu an chandarh vek a a Lalna ram ah chuan an theh darh ta vak a, chutia a thih tak ah chuan a pasal taksa peng hrang hrang chu a zawng khawm a nimahsela pakhat chiah a hmu kim thei lo a chu chu a pasal SERH(reproductive organ) chu a hmu ta hauh lo mai. Semiramis-i chuan a pasal Serh chu a hmuh loh avang chuan a pasal chu a rawn Piangnawn thei tawh lo ah a ngai ta bur mai bawk a, chuvang chuan a pasal chu mihring-ah chang thei tawh loin Vanah lawnin Ni pathian ani tiin a hmingah BAAL a ti ta ani. Heti chung hian Semiramis-i chuan a pasal chu leiah chuan Mei angin emaw Khawnvar angin emaw a la awm thin angin a ngai teh tlat pek a! Tichuan a pasal ber a awm tak lo ah chuan pathian angin a in chhal a(goddess). Semiramis-i hian thianghlim takin a pasal hlui(a fapa ni bawk) Nimrod-a chuan eng tin emaw a thiltih theihna hmangin a rawn RÁI niin a sawi a, Fapa a pai thu a sawi leh tlat mai a, Fapa a hring leh a a hmingah TAMMUZ tiin a phuah ta nghe nghe a. Let leh lawk ila kan thusawi nena in kungkaih ber na turah kir leh lawk ang; Semiramis-i hian a lo pian dan sawiin Van atanga Artui lian tak rawn tla atanga rawn piang ka ni tiin a inchhal nghe nghe a, he artui rawn tla hi Euphrates Luiah a rawn tla ati nghe nghe bawk. Tichuan Fapa chu a nei leh ta a a fapa TAMMUZ-a Pianni hi DECEMBER ni 25 hi ani nghe nghe a(Krismas Origin chu hei ngei hi a ni bawk, Isua pianni pawh sawi tur a awm teuh mahse peng lo mai ang), Tammuz chuan Sazupui hi a ngaina em em a, pathian(Nimrod) fapa anih avangin an ngaina hle a, chuvang chuan hmanlai milem be thin sakhua na ah re re kha chuan Sazupui hi an serh em em tawp mai ani. Tichuan le Tammuz pawh chu Wild Pig(Sanghal kan ti em kha Mizo In? hei hi Vawk ang tho ei phalloh Bible-in a sawi zing ami kha ani) in a that ve leh ta tlat mai le! a thih dawn lai hian Semiramis-i chuan a fapa thisen hi MISTLETOE thing ah a kai teuh niin a sawi nghe nghe(hei pawh hi sawi hrep tham ala awm a Mistletoe hnuaia duh duh a SEX hman phal te duh duh infawh thiang te hi a ORIGIN chu hei hi ani a Keini Kristian te pawn Mistletoe kan  chin hlen ve tak thil hi!) a fapa a chan leh tak avangin Semiramis-i chu "Mother of God and Queen of Heaven" tiin nihna an pe ta nghe nghe ani.

Tichuan le, a fapa sun nan chuan Kumtin Spring equinox(Ṭhal ani ang chu Mizo chuan) a Full Moon hmasa ber atanga Sunday hmasa berah neih thin ani. Ishtar's Sunday tiin a hming an vuah a Hot-Cross Buns te ARTUI leh Sazupui hmang te chuan an lawm ta mup mup thin anih chu. (Semiramis-i hi ISHTAR tih te EASTER tih te Isis etc etc  tih ten Hnam dang dang in Hming an pe thiah hlawm a EASTER tiin a tunah chuan ziak tawh mai ila.) Mak tak pakhat chu Tammuz hi a Wild Pig-in a thah avang hian EASTER SUNDAY chuan Vawksa ei ngei ngei tur a ti teh tlat anih chu! Hei mai hi a la ni lo a Easter zinga SUN RISE SERVICE kan tih teh fo te pawh hi heng Babulon ho tih chhuah vek hi ani a an pathian BAAL-A chawimawina atan Easter zingkarah an hmang thin a "sunrise services" an ti nghe nghe a, a In hi 'House of the rising Sun' an ti bawk(rilru ah chuan The Animals hla House of the Rising Sun rawn lang tlat mai a :D ) Tichuan, Passover leh he Easter Sunday hi a tlakrual thin avangin Passover hnawl in Easter pawm alo nita! a va rapthlak em!

Engvanga Easter hmang ta nge kan nih tih chu i rilru ah a awm lo thei lo! Ania Sin, sawi nuam a ni hlawl lo Kohhran inkheina a awm thei dawn miau sia a tam tak chu ka zep ve aniang chu(lo Google ve mai ula) khatia Rome ho Kristian-a an inpek tak mup mup khan Kristian hmasa te khan LALPA KUT te kha an serh vek a(Juda Kut amaw i ti ang e, hei pawh hi sawi zau fe tur a awm mahse sawi hrih lo mai ang) Rome ho kha Milem be thin anni a an serh thin dan zawng zawng kha kalsan an phal miau si loa Constantine leh a ho te khan Pathian hun bi chhiar dan te, Sabbath atanga Sunday-a an her rem dan te, TRINITY te, kum thar te Kut te zawng zawng etc. te kha an thlak  ta vek a(hei pawh sawi fe tur a la awm cheu mahse kalsan leh mai ang). An Sakhaw  hmasa ang khan an her rem(Paganised) ta vek tihna anih chu. Isua thih ni chu ABIB 14(PESACH) a nih zia i hria a(Bible ah awm miau hek)! Mahse, Good Friday-ah a thi angin i ngai lawi si a a thawhlehni chu a dik thei ta lo hrim hrim tihna anih chu awmzia chu Easter Sunday pawh diklo nghal(Hei pawh Sermon tham fe awm leh tho mai, mahse Leave leh phawt mai ang). Chuvangin kan thil serh te re re hi a tam zawk hi diklo vek ani tihna nih chu!!

Tichuan le, i rilru ah khatiang serh kha enge a pawina tiin i inzawt awm e, Serh vang khan chhandam ka nih loh phah lo i ti maw? Nia a dik chiah, Khawngaihna avanga RINNA kaltlanga chhandam kan ni miau alom :)  Mahse, Pathian hian Milem Be tu te tihdan hi a ngaina reng em tih hi chhut fo hi a pawi viau lo! Jeremia 10:2    LALPA chuan heti hian a ti:Hnamte awm dan zir suh la, Vana chhinchhiahnate vangin zam hek suh u; <- he chang hi en vang vang la Pathian in a sawi chhan chu i man mai em? NIMROD-a aka BAAL-a leh a thuihhruaite a sawina a ni tih hriat a tha awm e. sawi tawh angin Semiramis-i hian hming hran hran anei a Asterothi a tih pawh hi He Nu hming tho ani e! Roreltute 2:13    Tin, LALPA chu an hawisan a, Baala leh Astarothi rawng an bâwl ta a.  <- he chang te hi en leh ta ila thil chu a chiang ani tirawh u??  Ezekiela 8:14 Tichuan LALPA in hmâr lampang luhna kawngkhârah mi hruai a; tin, ngai teh, tah chuan hmeichhiate Tamuz ngaia ṭapin an ṭhu a.  <- hmu leh em? Tamuz(Tammuz) ngei kha asin a sawi! Pathian hian a phallo teh ania! Ok heti chinah hian rek leh phawt ang.

Thlir na tlang dang lehin aw kan ram nen inmil turin! Ngai teh, Kan ram hruaitu Lu ber kan CM Pu Lal Thanhawla atang khan han chhui teh ang! Khatia Hindu ho tih dan thin anga COCUNUT a han sawhkeh zeuh kha a pawi kan ti tlang ani ti r'u? Kha mai la ni nang HINDU Pathian hmaah an Rituals ang ti ve in BATI a han chhi ngat ania ti raw?? DIPLOMACY mai mai i ti pawh ani mahna! Mahse ngaiteh Pathian hi thikthu chhia ania ringlo te tih dan hi a duh teuh lo asin! Kan haw tlanga MNF phei chuan nuam an ti teh asin Politically in an chance a that phah a Zoram Mipui te pawh khan kan haw tlang a kan dem rawn anih kha MNF phei chuan HNAM RUN hmaah Poster lian tawk an bel nghe nghe kha thawkkhat lai kha! Nia, a dik alom khati ngei tur kha ani e, kan haw em em tur ani tawp! Mahse, kha thil haw viau si khan tuna a chunga kan sawi zawng zawng khi kan haw phal mai pawh ni loin kan ṭang leh em em thung sia tiro? BIAS hlek loa thlir chuan a nuihzatthlak lamah a kal mah mah zawk asin! A pawilo serh tlang law law mai ang i ti anih chuan i thu thu, Thiangzau Policy hi a fuh hlek lo ania RELIGIOUS PLURALISM hnaih na vek ani e :)

Eng pawh nise kei hriatna a hre tlem tak hian hei erawh ka man fuh e, engkimah hian min kharkhiaptu(restriction) a awm hian a fuh zel tih hi ka man chiang em em ani. Ania sin, kan ramah hian DAN awm ta lo se In leh lo ram emaw in chuh vangin kan in vaw hlum phiar tawh mai lo maw? DAN a awm hian engkim a felfai em em ani! Chutiang chiah chuan alom Pathian hian kan tana tha tur zawk a DAN a siam ni. Chuvangin a sawi hi chu awih mai ila a fuh zawk zel mai, kan mihring mihrinna a analyse chiam ai chuan RINNA a Pathian dawr hian a fuh em em zawk ani e.

Jakoba 4:17    Chutichuan, tupawh thil tha tih tur hriaa ti si lo chu a tan sual a ni.

^^ He chang hi chhiar vang vang la, kan sawi zawng zawng khi bengsikin analyse bawk la :) You be the JUDGE ^_^

 YHWH chuan malsawm che u rawh se.