Kum 1997 vel kha chuan Barca hi an kal vung hle a 98 paw'n a la ni zel a chhanchu Rivaldo an nei miau alom le. Chumai a la ni nang 2000 vel te pawh khan an la duai lo Kluivert an la nei cheu alom! Hemi te 2 hian Club chu an ti hmingtha a 1997-98 Season khan Rivaldo hoin Barca an ropui a a season dawt leh ah pawh La Liga Nomawi an chawi zân. 99-2000 season paw'n an che nawi lua lo a Kluivert ho hian 2 na an ni nghe nghe. Nimahsela, 2000-01 Season a nih meuh chuan La Liga ah 4 naah an awm ta tawk a! Hetih hunlai vel hian an Club chairman chu Joan Gaspart niin an manager chu Lorenzo Serra Ferrer a ni. An captain pawh Guardiola ngei anih hun lai kha a ni a, Hetih lai vel hian Deportivo kha an lar theih zia kha(Oh! Lung te a ti leng e a!!) Barca hian an hmatawng hnunga awm atan Petit te ngat kha an la hman hunlai kha a ni. Tichuan, Squad chhe em em nei miah lo khan season tawp a nih meuh chuan 4 na anni tawk a Copa Del Rey-ah lah Semi Final-ah an tla bawk si UCL-ah lah Group Stage chauh! Team Ropui em em ni thin si kha an thiam a tawp ta thut emaw tih turin an tlachhe tan chu ani deuh der a ang ber mai(???). Season thar a lo inher a Manager thar an ruai ta rup mai an Player hlui ni thin an Youth team enkawl tu ni thin bawk Carles Rexach chuan a ho ta a beiseina sang tak neiin an khel chho tan ta. Nimahsela, Season hmasa ai khan an khel chhe zawk a La Liga
ah bik pawh Draw an neih hnem bakah vawi 10 lai an tlawm bawk a ni, season hmasa letling deuh chiah khan UCL an khel tha zawk maha Semi Final ah an tla a Copa Del Rey-ah erawh First Round a ni deuh tawp mai! An chungah khan Valencia te Deportivo te Madrid te kha an leng ziar ziar a ni ber mai. Barca President ber Joan Gaspart ngaih a tha thei ta lo aniang e 2002-2003 Season-ah erawh chet ropui a tum aniang Head Coach atan Louis van Gaal a ruai ta rup mai nimahsela a duh angin a chet thatpui lo ani chek ang chu January thla-ah a ban ve leh nghal a a thlaktu atan an player hlui Antoniuo de la Cruz chu a ruai a he Pa lakah pawh a duhthusam thil a thleng thei si lo January thla chhung chiah an kawl a an ban leh mai! A thlak tu atan an hmelma team Real Madrid leh Atletico Madrid lo enkawl tawh tu Serbian Pa Radomir Antic an lalut ta rup mai(Atletico, Barca leh Madrid enkawl thei tu awmchhun a ni). A Ni ho hian an han tal chho bek bek a mahse ngaiteh Season hmasa pahnih ai khan an che chhe zawk a La Liga-ah 6 na anni a vawi 12 teh ngawt an tlawm pek a an chungah hian season hmasa lama an hnuaia awm 2 Celta Vigo leh Real Sociedad te an rawn lang hlol a ni. Copa Del Rey-ah lah First Round bawk chu an tawp na a ni si UCL-ah lah Quarter Final chu an tawp na a ni bawk nen Barca chu a rum a hliampui tuar ang mai hian a rum a Fans te lah an tha a thum zo tawh emaw tih tur khawpin phur taka rawn inlan lah an awm tawh mang lo! Chhantu an va ngai em!!
The Great Trio; Ronaldinho, Joan Laporta leh Frank Rijkaard an inlan ta!
Chuti taka Barca ngui tak tung ding tur chuan Predident thar Joan Laporta a rawn ding chhuak ta! Joan Gaspart chu paihthla in Barca Stadium hmingthang leh Europe-a Stadium lian ber Camp Nou boruak chawk tho turin a theihna rawn lantir a tum ta. Ajax player tha chungchuang ni thin Frank Rijkaard chu Manager tur atan a sawm thlu thei ta a, an ni 2 chauh hian team thar an din thei lo tih chu an inhre chiang em em, Chuvangin an tih theih hmasak ber chu Player tha huhang ngah melh chu a ni ringot mai a ni. Chutih laia mi zawng zawng STAR rawn tih mai tur khawpa lar David Beckham chu Manchester United atang lakluh an tum ta rup mai. Barca hian an lalut mai dawn emaw tia an in ngaih hnuah an hmelma kumhlun Real Madrid chuan an duh leh an mamawh nia an hriat an boruak chhe em em tungding tura an beisei David Beckham chu an lak khalh daih nia! A manganthlak teh asin. Mahse Barca an mangang mai lo team ropui nge nge an beisei na a sang a player dang an melh leh chutih lai tak chuan Manchester United in an player David Beckham an hralh bawk si mi thar lakluh an tum a an lo veh ve nasa mai PSG player tha tak Ronaldinho chu Manchester Unted chuan lakluh an tum a khawvel mipuiin a chanchin an ngaihven a Man Utd a lut tur in an ring vek tawh a tih theih awm e, Nimahsela Barca President thar la upa lua lo Joan Laporta leh an Manager thar Frank Rijkaard an zam mai bik lo an mamawh chhanna ni thei ngei turin Ronaldinho hi an ngai ta tlat a €30 million velin an lalut ta thek mai le! Eng tak ang ang maw?? Fans ho thawm a na tawh si Laporta, Rijkaard leh Dinho te chu khawvel thlir an ni ta nghal der mai le.
Dinho lawmluhna hunserh pawh Camp Nou-ah hman niin Mipui 20,000 chuang an inlan a. Laporta, Rijkaard te leh Players te pho chhuahna hun pawh a hranpa in annei leh bawk a Camp Nou-ah boruak thar siam tumin hma an la nasa a Fireworks hrang hrang nen a eng chuai chuai a ni ber.
Chutia Barca team ropui ni thin mangang em em a a awm lai chuan an President thar Joan Laporta in Frank Rijkaard a la lut mai chu khawvel mak tih ani a Chanchinbu mite hmaa an inlan hmasak ber paw'n Chanchinbu miten mak an ti a an awih ngam lo a ni ber mai hei hi engdang a ni lo Frank Rijkaard hi Player ropui chu ani ngei mai nimahsela Manager ropui a nih leh nih loh hi khawvel hian a la hre lo reng reng a 2001-2002 khan Netherlands team pakhat Sparta Rotterdam a enkawl ve tawh a chu chiah chu CLUB enkawl a la neih vang a ni. Laporta lakah Fans an lungawilo sa a a chhandang a awm lo David Beckham a lalut miau lo alom! Chumi belhchhah tur chuan Manager ropui a la lalut lo ta deuh deuh Barca fans te thinrim na leh lungawilohna hi dem chi a ni lo anni tan chuan an club hi an Taksa peng pakhat ani miau alom le. Chuti taka boruak inmun chhoh lai mek chuan Boixos Nois gang te chuan Laporta chu thah ah an lo vau ve chhen bawk nen boruak a va rit tehreng em! Ronaldinho kha lalut lo phei nise a dinhmun chhiat tur zia chu....
Inkhel an tan chho ta mawp mawp a Ni 8 Oct 03 ah Camp Nou-ah Valencia an hnehlo lehnghal pang mai Fans te chuan "Laporta, Son of a Bitch, You won't Get rid of us!" tiin an au dual dual mai. Barca chu 11 naah an awm der mai. Barca hruaitu te an mangang ta, an club thuneitu te an inhmukhawm a ro an rel tan a ni ber, an thupui berah chuan 'Engtin nge khawvela Football Club ropui ber kan nih theih ang' tih a ni tawp mai a ni. An Hmelma kumhlun Real Madrid hausak dan te Spain chhung ringot ah pawh sum an lakluh thiam zia te an zir nasa a hei mai bakah England Club Manchester United anga Inrelbawlna tha tak anneih theih an inring tlat a he'ng anga awm hi an tum ve ta a hma an la tan ta. Fans an lungawi si lo Camp Nou-ah Fans lungawilo thawm a ri ring bawk si Hruaitu thar Joan Laporta tan paw'n tur et et tu chu a nat tur zia chu i hriatthiam ka ring. An hotute zanriah kilho pawh an nuih a za lo teh thin asin! Wine thli pahin an ti ti a Joan Laporta ber chuan, "Ka thinrim mai ani lo a ka lungngaiin ka hlauthawng tak zet a ni" tiin a tawngchhuak hial a an Club tlukchhiat an phallo ani ber mai. An Club thunei tu te an inhmukhawm a Hausak an tum a Players tha tha seng luh an tum tlat a ni an kum liam ta an chhui kir a 1996-ah Manchester United nen inang khat reng in kan awm a tunah erawh kan tlachhia a anni'n 260 Million Euros hu vel an thawhchhuah theih laiin keini chuan 120 Million Euros chauh ani tawh tiin an sawi sap sap a. An ngaihtuahna thar nen inkhelh hmachhawn an inring leh ta. Tih tak zetin an tang thar a ni ber mai.
November ni 22 2003 a ni a Villareal Home-ah an va zin chhuak ta Laporta leh a hote Inneihnaah an awm angai si, TV atang a rukin Room atang an lo bih ru dek dek a Away ah 2-1 bawk in an va tlawm leh ta! Hetih rual hian an Hmelma Madrid chuan Point 26 an hmu ta der mai le anni lah Table-ah 5 naah awmin point 19 chauh an hmu. Tumah an inthlem lungawi zo lo a ni ber mai. December ni 3 a lo in her chhuak a Malaga in 5-1 teh ngawtin an sawp leh pek nia! Madrid lakah point 10 in an hniam ta, Table-ah lah 8 na an ni pha awrh! Chanchinbu-ah lah chuan "Poor Barca, Poor Barca" tiin an chhuah chuai chuai ta mai. Board member an lungawi ta lo tawnhriat la nei lo naupang bawk si Rijkaard hi kan ban ngei tur ani tiin an sawi chhuak tan a, An demawm loh e chak duh an ni miau sia le. El-Clasico lah chu an hnaih telh telh mai si Club lah a la in ready lo nasa mai si tih chu khawvel mipui hmuh leh hriat a ni Barca President ber erawh mipui hmaah zam anga lan a duh lo a Confi takin Chanchinbu mite a hmachhawn a a players te a fuih tur thu te a chhakchhuak luam. A rilru tak erawh a CONFI lua hian a va rinawmloh em. El Clasico chu a rawn inher chhuak ta le Mipui 92,524 zet Camp Nou-ah an inhnawhkhawm a Boruak a sang mep mep hle. Madrid in Goal an thun ta ngei mai le Roberto Carlos in Goal hmahruai a thun a Ronaldo in a belhchhah leh hun tawp dawnah Kluivert in a thun ve hram a 2-1 in an tlawm leh ta David Beckham hoin Madrid players leh fans te Camp Nou-ah an lam Barca fans erawh Mittui nen Camp Nou an chhuahsan. Madrid chu Table ah Pakhatna ni zelin Barca erawh 11 na anni ta!!!! Laporta haw kawngah Fans hoin an lo ti ding a khawngaihin Rijkaard hi ban lul teh tiin an lo au bawk a thenin engvanga sign nge i nih he Pa hi an lo ti thul thenkhat lahin Antic kha lalet leh mai teh an lo bawk. Laporta erawh chuan, "Lungngai suh u he hun hrehawm hi kan paltlang dawn alom" tiin a lo thlamuan ve bawk a. 'Long Live Barca, Long live Catalonia' ti chung zelin an inthlah liam ta hram hlawm a. Car chu a tlan a Fans ho chuan Champions League-a champion kan duh ania aw an han ti tel hram a Laporta chuan zaidam tak in "Keipaw'n ka duh alom kan la em em ang mangtha u" tiin a thlah liam thei ta hram. Laporta tan chuan muttui chu a va har tawh dawn tak em an hmelma Madrid chu point 13 in an thlau ta der mai.
Media ho chuan Barcelona khawpui titi chu Laporta anih thu an sawi chamchi a. Nimahsela amah ber chuan a pha a, "Ronaldinho a langsar ber a Fans te beisei ber ani bawk a a ni hi mipui ngaihven ber ani" tiin a sawi. "Point 15 laiin Madrid lakah kan hnufual ta si a Title kan la la thei ang em" tiin zawttupa chuan a han chhu zui a Laporta chuan," Lungngai suh Madrid hi tun season ah kan tum leh dawn alom engkim a tha vek mai ang" tiin an inbiakna an ti tawp ta a. Kum thar a ni a January ni 4 chuan Racing an hmachhawn ta Racing Home-ah 3-0 in an va tlawm leh pek! Table-ah 12 na anni ta dawrh mai le, A manganthlak tawh teh asin! Rijkaard tan lah a dinhmun derthawng tak siamthat a hun tawh takzet UCL khelh phak tal chu an tum a ni ta ringawt mai a ni. Davids chu Rijkaard chuan Juventus atang Loan-in a hawh ta nge nge a beiseina thar a pe ve leh. League-ah an che ropui lua si lo a Copa Del Rey ah tal chuan chet nat an tum nasa nimahsela Quarter Final-ah Real Zaragoza an hneh lo lehpek! League-ah erawh an tan Ni a rawn eng thar tan a ni ber mai Davids hoin Barca an rawn tang thar a 25 January ah Away-ah Sevilla chu Kluivert Goal khat thun hmangin an hneh a boruak a tha chho tan dawn a ang ta. Hemi hnua an match hmasa berah Albacete chu 5-0 ngawtin Camp Nou-ah an sawp! Fans te an sapatal nasa teh asin, an thinlung a an hmangaih em em Barca chu a tha chho leh tawh dawn niin an hria ni ngei tur ani an phu suau suau hi a ni ber mai. Table-ah pawh 5 na an rawn ni chho leh ta.
Atletico Madrid an mikhual leh a Ronaldinho a rawn inlar ta tak tak a a khel a hmuhnawm em em a mipui lawm a hlawh a khawvel mitfuk na ani der mai a ball pass dan te a ball khalh te engkim mai kha Football ngaina tu te chuan an en lo phallo ani ber mai Atletico Madrid chu 3-1 in an hneh leh a Dinho hian Goal khat a thun nghe nghe. Barca chu dinhmun thaah a vawrh nghal lawp lawp ani ber mai Season chawhma lamah 12 na te an han ni thul tunah zet zawng 4 na an ni ta der mai le! Match tin chu Ronaldinho Show emaw tih tur khawp in a khel a hmuhnawm a en a manhla teh e. February 29 ah Fiahna an hmachhawn ta Away-ah niin khatih laia team tha tak ni thin Deportivo an hmachhawn a Deportivo lah an duai lo an chhuanvawr Diego Tristan hoin an rawn thawk chhuak, Nimahsela Barca an zam eihlo Ronaldinho annei miau a Goal 2 tha zet a thun a Saviola in a thun ve bawk a an Deportivo chu 3-2 in an hneh ta mai! Khami atang kha chuan Barca hi an hnungtawlh mai mai tawh ngai lo va Ronaldinho khel hmuhchak in Fans tam tak Camp Nou-ah an in hnawh khat thur a Khawvel hmun hrang hrang atang mipui tam takin an thlir ani ber mai. Ni 25 April ah El-Clasico bawk an hmachhawn leh ta an Home-a an hnehloh tawh Real Madrid Home-ah an va chuangkai a an zam lo! Kluivert leh Xavi Goal thun hmangin 2-1 in an va hneh hlawl a Table-ah pawh 3 na ah an inhlang kai ta der mai le. Season khar a hnai tawh a an Match hnuhnung ber dawttu an khelh a hun ta Racing ngei mai an hmachhawn a, Away-a 3-0 ngawt a an va chakloh na team ngei kha anni. Tun tum erawh engkim a dang zo ta Ronaldinho Goal khat thun kha an tan chuan a tawk a mamawh dang annei lo! Table-ah 2 naah an awm phah ta vang mai le. Season chu an khar fel ta a Season chawhma lama 12 na te ni thin mi tam takin an relegate mai anga an tih tur khawpa Club ropui tlachhe mek chu Ronaldinho leh a teammate ten Season chawhnu lamah an tih sual zawng zawng rem fel vek in Table-ah 2 na anih pui ta a, Ronaldinho chu League-a Barca tana Top Scorer niin Goal 15 a thun a Competition zawng zawng ah Goal 22 ngawt a thuna Barca tan Top Scorer a ni bawk a ni. A che ropui bawk a ni e tuma chuh buai phakloh khawpa bawn a khel nanana chu FIFA World Player of the Year ani nghal a Theiry Henry chuan a tluk thei ta lo a ni.
Barca Team Ropui Din a ni ta (2004–05 Season)
Joan Laporta, Rijkaard leh Ronaldinho ah Fans ten rinna an nghat ngam ta. Luis Enrique, Marc Overmars te an retire a hun a Season hmasa-a Juventus atanga an hawh Davids pawh an mamawh in an hre ta lo a Club ngaiah an thawn let leh ta, Kluivert leh Cocu pawh an chhuah tir ta der mai. Giuly, Eto'o, Deco, Larsson, Maxi Lopez te leh Captain Puyol hoin Barca chuan Season thar hmachhawn an cho ta at mai le! La Masia Graduate Lionel Messi pawh Barca Squad ah a lang ve ta ran mai le. Season hmasa ang mai mai in an che nawi duh tawh lo a Giuly, Eto'o te Larsson te leh Dinho ten an tumpui team te an thiat hneh thei em em a hemi Season zet zawng an pui a ni e Kum hmasa lama beisei pawh an beisei that ngam meuh loh La Liga Nomawi an chawi ta rup mai le. Samuel Eto'o chu Top Scorer niin Competition zawng zawng ah Goal 29 ngawt a thun a ni. A Khel tha bawk a Barca tan a theihna a hmang nasa a engkim a engkim a ni tawp mai ti ila kan sawi sual awm love Frank Lampard lar vanglai ani ngei mahse Dinho chu a la tluk lo deuh! FIFA World Player of the Year ani nawn leh a Vote a hmu sang fal em em a a teammate Eto'o chu 3 na a ni ve hram bawk.
An Phuisui zel(2005–06 Season)
Ronaldinho hoin Team tlachhe tak chu tun din in a lo awm ta a tunah zet zawng mamawh dang annei lua tawh lo! Ezquerro leh Mark Van Bommel chiah an lakluh belh a Gerard chu Free Transfer in an chhuah tir thung.
Season hmasa ang thoin Eto'o leh Ronaldinho bawk an langsar fal leh ta a an khel a hmuhnawm in Dinho ngat phei chu a hawi lohna lama pass daih te Ball mak pui pui a a Control te a mawng ringot a opponent te players a bum thinna chuan mi lawm a hlawh em em a mi tan pawh a hlawh a a nui vur vur reng bawk nen haw tu chu chal pen tham bak anni tawp lo ang tih tur khawpin mi thinlung ah a tla na a ni. Lionel Messi a rawn inlar tan a Goal pawh a rawn thun ta zeuh zeuh a Barca chu team tha em em anni ta. November Ni 19 a ni a El-Clasico khelh Ni a lo ni ta Madrid home-ah an chuangkai ta a Inkhelh tan phat atang Ronaldinho a hmuhnawm fal em em a a ball khawih te reng reng kha mi hmuh duh zawng a ni deuh char char ti ila kan sawi sual tam awm lo ve. Minute 15 na lek ah Madrid Defender a chhaih buai a a ke che rang tak hmangin Madrid Defender a bum a Eto'o tan ball tha a pe Eto'o chuan chiang zetin Goal ah a chantir ta der mai le! 2nd Half an khel a Minute 55 naah Ronaldinho rawn inlar leh ta veilam sir atang a khalh tlang vek a Madrid players tu te mah khan an ti buai hman eih lo a ni ber mai a tlanchak bawk a a bum hneh bawk a a duh ang a nuamsa in Goal a thun nghal! Barca fans te chu lawm avangin mittui a tla lo thei lo! Minute 77 na a rawn ni leh a Goal a thun hmasak a a tih dan ang chiah chiahin veilam sir atang a rawn khalh lut lehpek a a a an ti buai hman ngang lo a ni ber mai Cool zetin a pet goal leh pek! Heti khawpa Pressure sang El Clasico ah Away ah ngat lehnghal Ronaldinho SHOW khawvel in a hmu hi a ropui a an hmelma kumhlun Real Madrid fans te paw'n tih ngaihna an hre hlawl lo a thiam an tih em avangin Madrid fans te chu an ding a kut an ben sak dur dur mai a ni.
UCL-ah lah an che ropui em em a; Group Stage ah vawikhat mah chakloh nei loin an khawsa a, Knockout Stage ah lah Chelsea chu 3-2(agg) in an hneh bawk a ni. Quarter-Final-ah Benfica pawh 2-0(agg) bawkin an hneh leh a Semi-Final ah pawh UCL a hmingtha chungchuang Milan 1-0 in an hneh bawk a ni. Final-ah Arsenal an hmachhawn angai ta a. Khawvel mipui en an tling a Arsenal in Campbell hmangin Goal hmahruai thun mahse Eto'o leh Belletti te Arsenal in an dang zo lo a 2-1 in hnehna an chang ta! Mipui 79,500 hmaah UCL Nomawi an chawi ta der mai. Laporta beisei leh chak ber tih hlawhtlin a ni ta a kum 2 kal ta kha chuan UCL chu sawi loh La Liga leh Copa Del Rey pawh an beisei ngam thathum lo ani ber mai. Heti taka an rawn chet that chho dan hi Ronaldinho vang ani ti ila tumah hian min hnial hian ka ring mawlh lo! 2006 kha world Cup khelh kum a lo ni a World Cup-a che tha pahnih Cannavaro leh Zidane te a phalo a FIFA World Player of the Year a dawng ta lo a ni, Nimahsela mi tam zawk chuan Ronaldinho hian a phu ber tiin kan la tang reng awm e(??) a phu ber reng lah tak a!!(?)
2006-2007 Season ah lah Barca Player ropui ber ani a Barca tan top scorer a ni a LaLiga ah erawh 2 na an ni thung!
Ronaldinho in Barca a thawmthat dan te leh Barca a a khelh lai hrim hrim hi ziak zel dawn ni ila a thui lutuk dawn, chuvangin heti chin ah hian rek bung tawh mai ang. Barca ti taka tluchhe tawh an relegate mai anga tih tur khawpa Khup zawi hnak tawh chu Joan Laporta, Rijkaard leh Ronaldinho ten an thawm tha a, khawvel in a tir chuan an beiseilo, a bik takin Joan Laporta phei chu mi huat pawh an hlawh a Fans te auh nawmnah ani a Thah a vau tawk lah bo lo nimahsela a zam lo a Manager atan tawnhriat nei lo Rijkaard a ring ngam tlat a chu chuan ropui takah Barca a rawn hlang chho ta a ni.
Dik tak chuan Ronaldinho kha Barca ah lo khel ta lo se la chuan tunhnaia Barcelona hi tun ang he-ho chuan an bawn in a rinawm loh Dinho khan a hun takah Barca zawmlo in Tluchhia ni ta se Xavi, Iniesta leh Lionel Messi te hian Barca an chhuahsan mai a rinawm loh maw??? He'ng vang te hian ani ang a Messi paw'n Ronaldinho a lo ngaihsan em em ni.
NOTE: Mimal tak chuan Footballer zawng zawng ah Ronaldinho thiam vanglai (Peak) thleng pha hi tumah ka la hre lo keichuan a thiam vanglai kha chu a pui em a ni nimahsela a vullai duhai a tawi lua e.....
1 comments:
hetah hian ka post bawk
https://www.facebook.com/photo.php?fbid=771041329578586&set=gm.180845738777610&type=1&theater
Post a Comment