Mizoram leh Hoffenheim inkhel ka en ve a.

Mizoram chuan Hoffenheim mikhual turin inbuatsaihna a zo ta a, tichuan keipawhin ka TICKET/PASS chu la ve in ka lawm hle a, ka thutna tur hi STAND #6 ah niin ka lawm hle. Tichuan, Ni 13 May 2014 chawhma dar 11 velah Lengpui kal turin ka insiam tan a, Malte-a leh PC Lala te darkar chanve ai tam mah Dawrkawn-ah ka nghak pek a! A tawpah 12:26 PM velah an rawn lang hlawl.

Post by Muantea Chinzah.

Kan tlan thla ta zar zar a, mi tamzawk chu an kal tawh si a, keini berin kan nang hman lo ang tih kan hlau em em a ni. A tlan chak bawk nen kawng tha bawk nen a kual bawk nen; PC Lala nen kan rui a Sihhmui-ah minute 10 vel kan chawl! Kan tlan leh zar zar a Lengpui kan thleng chiah chu Mi an lo tam tawh teh e. Ka va in rawlh ve vat a.

An rawn thleng chiah a thla ka la ve

Cheraw kan tur te an lo intlar thup a, Minute 2 pawh ka awm hman lo, An lo chhuak ta. Mipui thawm a tha ham ham hle. Thlalak hona te an han nei a Zan lama inkhel tur te annih avangin Aizawl chu hmanhmawh takin an pan a, keini chu muangchangin thil te kan ei a kan zui ve ta zawk a. Haw lamah chuan PC LALA chu a luak barh barh ta reng ani :D Motor a rui nasa hle bawk a ni :)

ZAN A NI
Dar 8 a inkhel tur mah nise 6:30 ah chuan thu tawh tura beisei chu kan ni a 7 ah phei chuan kim thap tur ani. Keipawh dar 5 ah chaw eiin ka inbual fai hman vek a, min rawn hmuak tu tur ber Solomon a rawn tlai rem rem hle a, kan che thei lo! Ni e, Inkhel en tum an tam em a Traffic a JAM vangin a rawn thleng theilo a ni, Kan 2 chuan 5:50 velah ah kan chhuak a, kan va thlen meuh chuan Lammual Main Gate atanga luh tum chu a mak a mak a tam an awm tawh.

Ticket :)

 Sp-a leh Sangliani Ticket ka ken avangin ka lut ve ngawt thei hrih lo a ka nghak leh te te phawt a. Dar 7 vel a rawn nih chuan an rawn thleng ta a TICKET kha a hranpa a MFA in min pek a nih avangin keini chu intlar angai lo a kan lut tlang ta zal zal a, check pawh min check ve lem lo.

Post by Muantea Chinzah.

STAND 6 lam panin ka kal phei a thu vak an lo la awm der lo! Ka duh na berah ka va thu ta chat a, Amawii a rawn thleng a Matea rawn thleng bawk a, Kan thian ho;Kei, Maltea, Spa, Sangliani, Amawii te chu kan thu ho ta.

Ticket an chang ve si lo a, an lut lo theilo!

Hemi ni ang reng renga LUCK hi ka la neilo ang; kha leh zat phone call kha ka la dawng ngai pawn ka hre lo a, call te sms te Inbox te Twitter thlengin min rawn be tu an tam teh e. Ticket extra min ngaihtuah sak teh ti mai mai tawk lah ninawm khawpa tam ka tawng! Ka neih miau loh avangin han tih vak dan ka hre ve lo. Inkhelh tan hmain Mami Varte leh Sangtei Khuptong an zai a, Players an rawn lut chu thawm a tha ham ham hle. Roberto Firmino, Lengpui-a chiang taka ka hmuh chu kar hmasa lawka a khel ka en(online) laia a jersey hak ang ngei ha in lammual ah ka hmu nawn leh a, Nuam ve mai mai asin!. Twitter leh Instagram leh Facebook page chu ka kutah a awm avangin ka buai hle a duh angin ka en ve hman lo.


Ka sir ding lamah Sangliani leh Amawii ten English in report an ziak char char a, veilamah Spa'n Mizo in a lo ziak a Malte-a'n Video in a cover bawk a! Huiz kan buai dan chu hrethiam mai em ? Hetih kar hian phone call te sms te whatsapp ah te chhan sen loh min lo be tu an awm ve teh khiah!

Bhargab an min lo RT sak :)

 Ka chhang vek hman thlot lo! Inti buai neuh neuh lah bo lo, kan chhak lam atang chuan ticket chang ve lo thenkhat an rawn lut ru nasa(dem theih pawh anni lo an en chak em ani). Inkhel a zawh meuh chuan ka thaw huai mai! Chutih lai mek chuan FB  ah ka status update te va en vel turin ka va lut a Tsa hian min mention khauh a ka va en chuan Hoffenheim official page chuan kan page a thlalak an lo share khauh pek a! Ka lawm zia chu!

Post by inkhel.com.

Inkhel an zo a, Zaua, Asanga, Solomon, Pmoia leh Tatea an rawn phei a Puipuia a lo haw hman pek a. Bena pawh a rawn phei tel ve nghe nghe. Press Conference naa tel tur kan nih avangin kan kal nghal sawk sawk a, Aruna leh Renedy Singh te  chu thla kan lakpui ve vel ngei :)

Firmino nen thla kan la dun(Blur daih ang)

Haw mai kan tum a, Maltea chuan Aijal Club-ah Dinner ei ila a ti a, Amawii chuan a peih ta tlat lo mahse keichuan tun bak hi players chaw eipui hun ka nei leh tawh ngai dawn lo ania keichu tel ngei ka duh ka tih tlat avangin kan tel ta a. Rei vak lo chu Function tawi te awmin Sangtei Khuptong a zaia, Chaltlang N YMA ten "Zerman rallian" tih hlain an awi bawk a, Players leh Staff te an lawm hle.

Post by Muantea Chinzah.

Chaw ei turin kan insawn phei a Firmino ber mai kha thlalak pui ka tum em em mai a ni. Ka hnung ah thuin a chaw ei zawh ka nghak ran a, a tawpah thla ka va lakpui ta a :) Mak ka tih tak chu Players ho kha chuan Kingfisher Beer an dawng bik :D Chuan, Mizo Bai kha an suak duh miah lo, Vawksa pawh :D Bai kha chu Ei chhin se ka tih tehreng ne :) engpawhnise, a nuam thlot e :)

Chaw :D Vawksa chiah ka suak lo :P