Pages

Subscribe:

Ads 468x60px

ILO LEN LUH AVANGIN KA LAWM E

Saturday, December 31, 2016

Trekking: se7en @Reiek Tlang


Hun rei em em ata tawha kan lo beisei ruk leh kan chak em em, TREKKING chu a tawp a tawp ah kan ti hlawhtling ve thei ta hram a, Reiek tlang chhip ah tak mai hun hmangin a tlangchhip thleng Lirthei in kan tlan chhuak parh(a hahthlak nek!). Kan thulh ngun si zia te ngaihtuah chuan kan hlawhtling thei hi a lawmawm teh e. Kan kim lo em em zui a, thenkhat eizawnna avangin an thei lova, thenkhat an zin avangin a nih teh nuk avang ten Mi 7 chiah in kan thei ta a, Fela, Ricky, Biaka, Albert, Sawmtea, Arina leh Muantea(Keimah) te chauh chu kal thei kan ni ta. Achhani kal ve tum em em pawh harsatna a neih thut avangin a kal leh ta lova, a kal tak loh avang in Ruati a kal loh ve phah bawk.



Picnic tih angreng vel hi chu kan ti ngun ta viau mai a, ramhnuaia riak tura va kal erawh kan vawikhat tihna a ni thung. Ni 28 zan khan chawpchilh takin kan lo rel fo tawh chu ti hlawhtling tak tak turin Achhani te Inah kan inhmukhawm a, he mi hma kar hian a zawnin Mitthi lumen ngai thah 3 tehreng kan nei a, engmah kan tih theih loh avangin YMA Branch inthlan zan mah nise kan hunawl neih chhun a nih miau avangin kan rel lo thei lo a ni ber mai. Kan rel phat atang kan buai nghal noh noh mai, Motor a ken theih dawn loh tih kan hre thar leh nghal a, a theih tura kan beisei avanga Riah inhuam em em kan ni si a, a theih tak dawn loh ah chuan kei pawh ka hnual khawp mai. Motor awm se, kan mut bu zawng zawng bungbel zawng zawng mamawh dang hrang hrang a phur teuh dawn a, chu mi avanga in huam em em kha ka ni ve si a, mahse a theih miau loh! Chuta chhap ah min thulh san an han awm leh ta poh bawk nen! Mahse, naupang chhe rilru ang maia han thulh kha chu thil tih chi ah ka ngai lo.


A tuk zing a lo thleng a, Insiam a ngai ta, thil kenna tur Bag hrim hrim pakhat mah ka nei lo! Ka Unau te an zin darh bo zo va, ka Ni te ta lak tumin rilru ka siam a, mahse an zin ve leh si nen ka beidawng angreng hle. Beidawn tawp nan kan vengah ka zawng a, ka duhthusam ang chiah chiah a tha, Trekking Bag dik tak mai kha min hawh tir hlauh mai a, ka lawm khawp mai. Ka insiam sawk sawk a, Dar 9:30 velah Petrol ka zu la a, ka daih tawk tura ka rin vel lain ka haw nghal a, rang taka chaw te eiin ka insiam zo va, ka va zâi dawn e tiin ka chhuak chu, an lo la hmanlo nasa! ALbert rawn kal a tum ve leh hnuhnawh, kan insiam ta tak tak a, kan in nghah kim meuh kha chuan Dar 11 a ri thuak tak tak a, bawr takin kan tlan ta! Tichuan, Petrol la lawk reng reng tumah an lo awm lo pek! An han la ve leh a, kei leh Aba(Albert) te inphur in Maubawk kawn ah kan lo nghak a, rei lo te ah kan kim a, Lawipu dai-ah kan kal dan tur te rel in rei lo te kan chawl leh a. Kan tlang thla ta. Rin ai takin a vawt hauh lo, kan in thuam lum bawk a ni.

Chawhnu Dar 1:15 vel ah chuan Reiek chu kan thleng ve ta hram a, ril a tam duh kher mai! Rural Bank office hnuaia Thingpui Dawr-ah chuan kan in hnangfak ve nghal a, Chhang leh Thingpui leh Chana duh ang tawk ei chuan puar chu a awl duh khawp mai.


 In atanga kan ken vek sen loh, mamawh hrang hrang kan in dap khawm tan a; Disposable Plate te, Chawhmeh tur te, Ar te kan zawng tan a, Ar kan hmuh kha a tawk khawp mai, 3kgs chiah chiah a lo nia, kan duhtawk khawp mai. Tichuan, kan mamawh te kan lakkhawm fel hnu chuan Reiek tlang chhip lawn turin kan in siam a, kan tlanchho a, Reiek hrim hrim pawh la kallo ta chu ka bo viau! Anthurium Fest an lo hman thin na kawtzawl pawh ka han hmu ve nghal mai a. Miin an Lirthei ken dah in khata tang khan Ke in an kal ta mai a, keini riak ve tur tan chuan a rem ta teuh si lo!

Ke a kal ta lo chuan kan bungraw ken zawng zawng nen chuan kan tlan chho ta, thui vak lo ah chuan Motor tlan phalloh tih an lo tar a, eng emaw Tuizem tur nge ni aw an lo sa a, keini Ke Hnih nei Lirthei vek keng kan nih avangin kan tlan tlang ta! Khai mawwww! Duhthusam in kawng a chhia! Kan tang chho tan der, zawi te te uluk em em in kan tlan chho bek bek a, a aia khirh leh harsa chu kan hmaah a lo awm zel a, innawr ngaiin kan zawh chho ta fo!
Kawng chhe thei bawk sia aw haha


 Kei pawh nawr ngaiin ka awm a, ka Bag ken lah a tla thul! Kan han chhar leh vel, a boruak kha a hunlai kha chuan a hrehawm, mahse tunah chuan a hlimawm ta. Albert nen pawn rei kan inphur thei ta lo. A ni chu chhukin Guitar, Ar leh Bag chu a ak ta. A ni tan pawn ke a kal chu a hahthlak nek ang. Pengthuam kan thleng a chutah chuan kan in nghak ta. Albert chu rawn thlengin, lungawi lutuk lo deuh hian, "Kawng tha chin ah te kha chuan min lo nghah ve tur che alawm" a ti bui bui a, a dik viauin ka hria a, ka chhang fumfe ta lem lo.
 
Vid: Kawng chhia kan pal dai lai :P☺

Albert chuan a hnai tawh em mai, ka'n keng tlang law law mai ang e a ti tlat sia, a keng tlang ta. Midang zawng chu tlan chho thleng thak turin kan insiam ta, A hma zawng aia harsa tlang thlen dawnah a lo awm! Kan Lir ken ho hi Tlang lawn chi a nih loh avangin khalh a har khawp mai. Kan innawr chho nasa khawp mai. Kan chhoh pah chuan Reiek tlang lawn rawn haw thla te nen kan in tawk thla zut zut a, Tlan tawh lo tura min duhthu te, a hmun rem a dah turin min ngen hlawm mah se, kan ti laklawh sia kan tlan lui ta zel a, Dar 2:50 vel ah chiah chiah a tlang chhip kan thleng a, mi an lo thu thap a, min lo pui sap sap a(Kan hah hle tih an hria ni tur a ni).

Thlen dawn tep ah Selfie lawks

Vid: Kawngchhia te mai mai haha.
    Kan thleng chiah chu Chawlh a awm thei lo, zan riak tur kan ni miau a, riah buk sual a ngai a, rawng kan bawl na tur Thing kan fawm a ngai a, keiin kan bungrua ka veng a, midang zawngin Thing fawmin hun an hmang nghal. Tlang chhip ah chuan thing a vang hle mai! Mahse, thingkung ding ro tha si a lo awm hlauh pek a, a zar te duhthusam a tam thlak in, an rawn pu chho a, keipawhin vawikhat ka zuk put pui ve bawk. Dar 4 vel a rik meuh chuan mi pawh an awm tha peih tawh lo, an haw sap sap a, 4:30 ah phei chuan mihring hmuh tur an awm ta lo a, Riah buk sualin hun kan hmang nghal, a rem tha lai, thli thawt loh na tur kan zawng a, midang Tent a leng lo ho chu Khawhawina an siamna hmun ah chuan riak turin an insiam a, a lo bal in a hnawk em em a, hmunphiah awm hek lo le. Di kan sat a, kan tawn khawm a, a khawng tawk turin kan chhawk a, hmunphiah atan kan hmang! A tha kher mai, a fai duh nek! Kan insiam fel a, Eirawngbawl in hun kan hmang nghal.
Vid: Chaw kan ei a :)

 Kan ken chu Dal, Artui Pum 10 leh Ar(Hei pawh zan a hem tur) deuh tlawng a ni si a, siam chiam tur a awm lo. Dal pawh Tak kek kawk in Sangha Tin nen kan chhum pawlh a,  Khua a lo thim takah chuan kan awmna pawh chu a thim tha hle.
Riah Buk Sual mek♥

Kan phiat fai hle :) Riahna tur kan siam♥
Tlai ni tlak hma in Reiek Tlang Chhip ah la ve zuai

Enge kan sak le haha

Thing tuah tur thlak mek
Add caption

Ar talh chiah haha

Arina Dal Kang
SIFFF KOOK



An rawngbawl keiman en ti mek :P

U Fela'n UPS a lo keng hlauh a(A sawi lawk duhlo), tichuan a rawn in khai chhuak nek nek a, CFL Bulb a rawn eng ta luah mai, a lawmawm duh asin! Reiek Tlang Chhip a Light chhi thei hi awm tawh tak maw? Tichuan le, Chaw ei a hun dawn, U Fela leh Arina ek a chhuak ta tlat mai, an ek tur thu an sawi pah chuan Tui Bottle 1 ve ve an keng ta mai. Tui kan ken a tam si lo, daih tawk tawk tura ken a ni si! Zo vaih se chu a lakna a hla lutuk! Tuman kan peih lo. Ricky chuan, "Tui ken a tullo, Hmawlhte Pali(4) in keng ang a, Pakhat in in thai phei ang a, a thle dual ang, pakhat in a let zawngin in thai leh ang a, a thle leh dual ang a, tichuan, a bang pahnih in in chep tawh ang" a ti mai chu, kan khek tuarh tuarh! Nuih loh theih a ni lo. Mahse, a e tur te pahnih khan an mahni tui ken bik inthiarnan a an hman tur atana an ken anih thu an sawi takah chuan kan YES pui thei ta. Dar 6 velah Zanriah kan ei thei ta. Kan puar in kan tlai hle.
Di Chambawihpui Sa mek ahahahaha

Chaw ei lah a tui duh ngang mai, kan eikham chu zana kan ai tur mei chheh a ngai a, Ar hem na tur kan siam zui angai, kan insiam fel a, Ar kan talh a Lemon tui nen a rei ve tak kan chiah tawh pawh chu kan khai phei ta. Guitar kan lachhuak a, zai kan vawr tan, Reiek atanga khaw lang thei hi a va han tam em! 21 chuang daih hi chu anni khawp ang, Mizo hla kan hriat hriat chu kan sa nghal pawp pawp mai.
Cool♥

Kan thlang lawkah Thian 5 adventure lama sulhnu lo nei hnem tawh te an lo in kulh ve bawk a, kan zu tlawh nghe nghe a, an exp te min hrilh hlawm a, Zana Ar kan hem ei ve turin kan sawm nghe nghe! Kan hlim tlang hle. Dar 8 vel a rik chuan Albert chu a chau aniang a la muhil ta bawrh bawrh mai(Hahahaha).

Ar hem hmin! A hnip tui thraaa

 Keini midang zawngin Ar hem kan tan ta, a nuam teh asin aw! Lemon tui a kan chiah vang te pawh aniang, a hmin tui angreng khawp mai, kan thiante kan thlanga riak te pawh an rawn chhove bawk a, Thingpui Sen Hang tak tha kek kawk tak nen Dar 10:30 velah Ar kan ei ham ham, a hmin tha lai chin chu hang tui tak a ni. Tlema a sak deuh lai chu lakhawmin a hranin Mei ah bawk chuan kan han kang tha leh ngat a! A khat tawkin zai pahin kan ei zeuh zeuh, a tui duh teh e!
Kan mutna. A sir vela bal khi zingah kan ti fai vek♥
Zai vawr a Tlang Chhip a, Thlasik a dar 11 pelh thleng thleng tal peih kan ni kha kan fakawm angreng :P Dar 11:30 a rik meuh chuan mut a hun hle tawh a, keini Pathum(Sawmtea, Biaka leh Kei) pawh Tent-a mu turin kan chhuk thla ta.

Midang 4 ho mu haha☺
Kan zu chhuk chu, kan Kaih mar tawk lo chu niin, Dai in a lo bawh chuk mai a, a chhunga kan puan phah lah a lo huh deuh fap fap bawk a, zankhat hrehawm mai mai a ho em mai tiin kan mu ta. Network lah a tha phian a, Aircel leh Voda ka hmang a, a tha em em ve ve a, Internet pawh 3G char char thei a, ka WhatsApp/FB/IG vel thei ta pap pap mai :) Tlemin ka battery a low avangin ka charge a ka mu zui ta mai! Ekhai rei ka mu thei lo. Reiek Tlang a vawt tih chu DAWT ka ti tawp mai!


Kawrlum 3 hak thuah a kekawr 3 hak bawk a, Puan 3 sin bawk a Lukhum nen nih chuk chuan a lo vawt reng reng lo. Ka thlan vel dep dep thei nia! Vawt ti chhin eih lo in ka muhil tlang ta. Zing khua a lo var chuan ka harh zui ve mai a, dar 6 vel chiah chiah a lo nia. Ka va tho chu Albert a lo tho tawh a, pawnah alo awm vung vung chu niin(Zan ah a mu hma bawk a tho hma tur chu a ni). Kan Pahnih chuan kawmthlang a riak te ho kan zu tlawh a, an Ni pawh an lo tho hlawm a, Thingpui Sen Hang ka zu In sak a, a va tui kher em! Ka khamlo lutuk, mahse dil nawn chi va ni suh! TUI a vang lutuk(Hahaha).

Zing Thingpui

Zingah Chaw Thing Feat DAL
DAL  Power

Dar 8 vel a rik chuan midang ho an rawn tho sap sap a, keini Grp chu ka insiam fel vek tawh avangin kan hman ap tawh a, lehlam ho an insiam a, an in tel fel a, keiin Mei ka lo nun a, DAL ka lo chhuang hlarh hlarh bawk a, Sawhthing ka phum kha ka cho chhuak leh a, Dal ah ka telh leh haha. Dispo Cup kan ti sawr vek sia, Bottle chhia ka'n khawm leh tak tak a! Ka sil fai a, ka cut a, tichuan Dal hawp nan kan hmang ta hlawm. A hang tui duh kher mai :)

We are good to go ♥

Haw tura kan han in tawn fel vel chu a peihawmloh tak zet, kan khamloh chu thuhran nise, kawngchhe tak tlan kha kan peihlo tlang. Mahse, chhuk lam chu chhoh ai chuan a awl fe zawk a, Albert leh kan kawmthlang ho chu an chhuk rual chuan kan tlan thla ve ta a, kawng a chhe bawk a, kan thleng rual chiah nia! Kal lama kan in hnangfakna ah bawk chuan thil kan ei leh ten tawn a, kan puar peng hnuah kan tlan leh a, Ailawng kan thleng chu kal ve ta sa sa, Khuangchera Puk luh a ngai ani kan ti leh thut a, Albert chuan a peih ve loh avangin a lo nghak a, kan zu chhuk a phur taka Puk luhchhuah kan tum chu kan theilo!


Khuangchera Puk ah

Kawngka an lo kalh tlat chu niin kal ngaihna a awm ta lo. Chahbi dilna tur pawh min hrilh thuak na chu dil lovin haw zai kan rel ta. Mut a chhuak thla duh khawp mai, kan muthlu lo chauh thin chu a ni. Tluang taka tlan in Dar 1 velah kan veng kan thleng thei ta a ni.
Aizawl chawm tu Tlawng lui kiangah♥

Kan DAB fu theilo kan nui zel
Anthurium Fest an hman na thin ah LOL
HO MAI MAI
#1. Mi kan fing tawh hle tih ka hmu in ka hria a, mahni thil ei na kawr paih mai mai lova chhar a, Bawlhhlawh bawma  paih ching deuh vek kan lo ni tawh a, Tlang pawh fai vung chu nilo mahse a fai thawkhat viau, Keini pawhin kan tih hnawh ho chu kan chhar fai a, kan hal darh ta vek a. Mahse, mi tihhnawh tawp tak tak kha chu kan khawih peih biklo LOL


#2. A hlimawm in kan thar hawk thei, tih leh zel atan ka awt ngawt mai.

Vid: Kan haw lam


Tihian 2016 chu khar mai ang aw. ^_^

Reiek-1

Reiek-2
Reiek Thar

0 comments:

Post a Comment